السلام عليكم ابغى استشيركم يابنات في مشكلة وحدة من صديقاتي متزوجة لها 4 سنوات مرتاحة مع زوجها لكن مشكلتها الوحيده السفر للخارج دائما يسافر ماتركت ولاطريقة ماستخدمتها معاه تعبت واللحين يقول بيسافر بعد العيد وماهيه عارفة اشلون تتصرف معاة وتفكر تروح بيت اهلها لأنة اكثر من مره يوعدها يبطل السفر لكن سرعان ما يسمع لأصدقأه ودائما يرفض ياخذها معاة بحجج واهية وكل مرة يقول مره ثانية اخذك معايه ولهم اربع سنوات متزوجين ماسفرها لاداخل ولاخارج المملكة اللـه يخليكم ياحلوين انصحوها لاتنام والنفسية اللـه العالم عنها وجزاها اللـه الف خير اللي ترشدها وماراح تنساكم من دعواتها في رمضان

اول شي برايي لازم تعرف ايش نوعية هالاسفار وايش اللي يصير فيها ولازم تعرف نوعية الناس اللي زوجها يسافر معهم فاذا كانت سفراته بريئه لازم تقعد معه وتتفاهم معه بهدؤ وحزم وتقوله انه من حقها تسافر معه وتستانس ومره يسافر معاها ومره يسافر مع اصحابه لو ماسمعها خليها توسط احد عاقل وثقه من اهلها او اهله ولو ماهتم ولا تغير برايي تترك البيت وتروح لاهلها كنوع من الضغط عليه عشان يحس انها عن جد تعاني وانه وراها اهل..................

نقل الى عالم المتزوجين

يعطيييييييييييييييييييك العافية دانا

لى ساعة ادور للموضوع بالعافيه لقيته


البنت مسكينه كلمتنى مرتين مررره تعبانه من الموضوع

تقول انها حاولت بكل الوسائل كلمته بالطيب والترغيب و بالحزم والشدة لكن ما ينفع

ودائما وعووود في الهواء

ومن ناحية اهله حاولت واصلا هو من قبل الزواج وهو يسافر واهله تعبانين فيه

وكل واحد من اصحابه يجي يقول مسافر قال معاك

وحتى اذا كان ما يبي يروح اصحابه يحاولون فيه لما يوافق بكل الاغراءات وهي مالها الا الله

ولما كلمت اهلها قالوا عااااادي اهم شي ما يسوي شي يغضب ربه في السفر


لكن مو منطق يسافر ويتونس وهي قاعده بالبيت

سؤالي أختي الكريمة .. وهو للتأكد لأن الجواب كأنه ما عرفت ..

سفراته تلك بدعوى العمل .. أم بدعوى التسلية والترويح عن النفس ؟

ثم كم عدد السفرات لو أحببنا أن نحسبها في السنة مثلا ؟


ولي عودة إن شاء الله

__________________
... ( بالحب نعيش أجمل حياة ) ...

شكراً لاهتمامك النور والحنان اسأل الله ان ينور عليك في الدنيا والاخرة

وجزاك الله خيرا

سفرياته للتسلية والترويح عن النفس

وتقريبا كل شهرين او شهر يسافر مره

يعني بالسنه ممكن توصل عشر سفريات

والمدة تختلف من ثلاث ايام الى اسبوع

وزوجها ماعنده وظيفه حكومية ثابته يعنى متى مابغى يسافر مافي شي يمنعه

انا اعتقد اختي الفاضلة


انك تحاولين تقولين له عادي روح سافر ماعندي مشكلة بس فيه شرط عندي !!!!!!!!!!!


سفرة لك وسفرة لي !!!!!

وشوفي رده بس صممي على رايك ! ترا يوافق وبعدين يهون عن السفر كله !


جربي ورديلي

للمعلومية انا كنت زييه ! والحين الحمد لله ما روح مكان ا لا معاي زوجتي واعيالي


تحياتي لك