من خلال خبرتي في الامور هذي

الولد عمره ست سنوات ..

والاعتداء تم برضاه تقريبا او استغلاله او تحايل عليه

ومن حسن الحظ لم يتم الاعتداء بالقوه والاكراه ..

(( من كلامك عن العلامات الي قلتيها .. انا اظن انه مالها دخل ابدا .. في الشي الي حصله .. او ليست شرط ))

والولد ماتاثر وهذا شي ممتاز .. وممكن لصغر سنه ماهتم للشي هذاا

والافضل انك ماتضربينه ابدااا .. لانه ممكن يسوي الاشياء هذي انتقام منك ..

المفروض تقولين له الفعل هذا حرام وغلط .. وشي مايرضى به الله سبحانه وتعالى ويغضبه .. وان الناس الي يطلبون منه الحاجات هذي يستغلونه او ( يلعبون عليه ) لو تقصين عليه قصة قوم لوط افضل بعد ....

باسلوب سهل ولين ..لانه طفل ..

وتثقفينه جنسيا .. لاتقولين له عيب وتضربينه لاااا


لانه بتاثر عليه مستقبلا ..

لانه بعدين لما يكبر ويعرف الامور هذي على حقيقتها بتصير عقده له مستقبلا ..

واحتمال الهويه الجنسيه عنده تختل وينحرف ..

وهو في سن حسااسه

فالافضل مثل ماقلتلك اختي

تحذرينه من الاشياء هذي وتقولينه له الانسان يغلط لكن مايكرر خطاه ..

وانك سامحتيه .. وتبينين له حرمة الشي هذا دينيا .. وتعلمينه بعض الامور .. مع انه يعتبر صغير شوي ..

لكن لابد انه يعرف بعض الاشياء .. حتى مستقبلا مايقع مره ثانيه في الخطأ .. وانه رجال والرجال مايلتفت ورا

وحاولي تشغلين باله في حاجات ثانيه ..


والطرف الثاني تبلغين ابوه او اخوه ..

ومايحتاج تكبرين الموضوع .. لانه في النهايه ينعكس على ولدك ..

============

من ناحية حقدك عليه وكرهه

بالعكس هذا ولدك من لحمك ودمك وهو طفل صغير وتعرض لاستغلال ..ماله ذنب .. عالم كله وحوش ماترحم ..

وانتي امه المفروض توقفين معه وتساندينه ..

والولد نفسيته قويه .. وهذا شي مطمئن ..

شجعيه وراعي نفسيته واشغليه في امور ثانيه وانا شالله بكره تفتخرين فيه ..

وابعدي عن الوسواس .. لانه مثل الحفره كل ماتفكرين تحفرين زياده ...




وان شالله امورك ميسره

وانا اعرف ناس كثير تعرضوا لاستغلال في طفولتهم

والان ماشالله من احسن وافضل الناس ...


.............................