حبيبتي الأميرة الهادئة
حاسة بيك جداً جداً ،،، لأني تقريباً مريت بنفس ظروفك و مازلت فيها ... ربنا يعفو عنا و عن كل مكروب و مهموم بإذن الله
عارفه كمان إنك مش هتقدري تنسي بين يوم و ليلة و فترة القلق اللي انت عايشاها فترة طبيعية جداً جداً لكن حاولي إنك تكوني طبيعية معاه لأن مجرد ما قلقك يظهر أو أي تأنيب على الماضي ده ممكن يخليه يتقهقر عن الخطوات اللي نوى إنه يصلحها في نفسه
عن تجربة ،،، كل شئ بيتنسي خصوصاً لما فعلاًيثبتلك بالتجربة العملية إنه بدأ يتغير حاولي إنت كمان تتغيري معاه و تغيري كل شئ كان بيدايقك منه ... من الآخر ،،، حاولي تبدأي صفحة جديدة لكن بحذر في تصرفاتك و تصرفاته
مش تخلي شئ يدايقك مهما كان صغير يعدي من غير ما تقولي اللي في قلبك لأن الصغائر على بعض دايماً بتكبر
و زي ما قلتلك كل شئ هيتنسي بالوقت و ثقتك كمان هترجع واحده واحده لكن مش تيأسي من نفسك لأن ممكن تحسي إنك خلاص مش عاوزاه و إن في أي لحظة ممكن تستغني عنه و إنك خايفة تآمني على قلبك معاه تاني ....... كل ده طبيعي و إن شاء الله هيتغير لكن اصبري على نفسك قبل ما تصبري عليه
و وصيه أخيرة ......... لا تقطعي قراءة سورة البقرة كل يوم
ربنا يكتبلك الخير و يقويك على نفسك و عليه و يرجعلك البسمة لدنيتك و لقلبك و يفرحك بزوجك و يفرحه بيك و يكتبلكم الخير دايماً إن شاء الله
17-01-2007, 05:51 PM
ضوابط المشاركة
العرض الشجري