و الله بعدج صغيرونة ...

لا تضايقي نفسيتج .. على العكس .. حطي عند سلبياتج (اللي تحسينها تضايقج) نجمة حمرا..

وحاولي انج تغيرينها..

قلتي انج دبدوبة .. عسولة .. ليش ما تشتركين في نادي رياضي .. أو حتى انتي وصاحباتج أو انتي وخواتج في البيت تسوون قروب .. و تلعبون مع بعض رياضة ؟؟

و الله أنا أسوي كذا في البيت ويا خواتي .. مع اننا مب متينات .. بس نحافظ على اجسامنا..

وعلى سالفة السمار.. حاولي في الجامعة ما تضهرين وايد ع الشمس .. واستخدمي كريم واقي قوي ..

وحاولي انج تجددينه بين فترات تقريبا 5 ساعات .. وهذا طبعا حسب وقت تعرضج للشمس..

وعلى سالفة القصر.. انتي تحسين نفسج قصيرونه عشان انتي دبدوبة عسولة.. يعني ..لما تنزلي وزنج بيبان طولج .. صدقيني.. القصر مب عيب .. ولا شي تتضايقين منه...

الله يحفظج يا الغالية .. و يسهلها عليج ..
صدقيني البنت اللي تكون طايعة ربها .. وصاينة لسانها وجوارحها عن الحرام و الغلط ..وتكون واااااااااثقة من نفسها .. بدون تكبر طبعا..وما تبرز عيوبها .. وتحاول تبين إنها سعيده حتى ولو كانت في حياتها ألف شي ينكدها ويضايق خاطرها..طبعا هذا ييجي .. بالرضاء بالقضاء و القدر التاااااام .. الناس يحبونها.. لأن الله يحبها..

بارك الله فيج يا الغالية

ووفقج وإيانا .. ورزقك و الجميع بالزوج الصالح الذي يخاف الله فيك .. ويحبك ....

تحياتي

أختج
al ameer

__________________