وينكم يابنات ساعدوني - منتدى عالم الأسرة والمجتمع

28-06-2007, 07:12 PM

#12

كل الطيبة!

عضو جديد

تاريخ التسجيل: Jun 2007

المشاركات: 12

تبين تخلينه يشتاق لج بكل وقت

!!

جربي نصايحي وسوي الي يريحج
وإذا ماتعجبج سوي بلوك ودليت من مخج

بس عن نفسي نفعتني وووايد
أكثر شئ كان يشتاق لي لما كنت مشغولة بالمناسبات الإجتماعية -الأعراس- والدراسة..

لا تحسسينه إنج ماعندج شغل ولامشغله غيره وبس

..
لأنهم يملووون للأسف ,, حاولي تتغلين ووايد ,،
كثري مشاويرج وطلعاتج مع ربعج
كوني لج علاقات يديدة وشجعينهم يزورونج في البيت
وإنتي بعد زوريهم
كلميه عنهم وإنج تحبينهم وايد وايد وتحبين القعدة معاهم

وياريت بعد لو تواصلين دراسة أو تتوظفين أو تاخذين لج دورة بمعهد
بحس إنج بنت مميزه ولها شخصية وطبعاً متعلمة وإجتماعية ,،
تعمدي تكلمين ربعج بالموبايل جدااامه
جذي بحس إن فيه أحد معاه بحياتج وبحاول بكل الطرق إنج تكونين له بروحه
بحس بالغييييييره وبيشتاق لج كلما رحتي عند ربعج أو رحتي الجامعة..

خلصت كل الأعراس ، وقدمت إنسحابي من الجامعة عشان آدرس بجامعة ثانية
طبعاً لازم انطر التسجيل بالجامعة الثانية جم شهر
وبهالفترة لاجامعة ولاطلعات وايد، صار يعرف إنه بيلقاني وقت الي يبي، يعني يطلع مع ربعه وياخذ راحته لأنه يدري إني مابروح مكان، برد البيت وبيلقاني ، مب مثل اول اكون مشغولة, بهالفترة الشووق صار أقل طبعاً وكثر قعداته بره ..

بدت العطلة الصيفية وكل ربعي صاروا إجازة الحين,, فسويت لي برنامج
الخميس مع اخواتي في البيت واليمعة مع اهلي في بيت البابا العود، والأحد بالمعهد (دورة خلال الإجازة) والأثنين عندي طلعه مع الربع ,, ....الخ الخ
وبجذي متأكدة بيرجع يشتاق مثل أوووول وأكثثثثثر
وبعد شهرين او ثلاثه إن شاء الله تبدأ الدراسة في الجامعة الثانية،، بصير مشغولة شوي واهو بحاول قد مايقدر يقعد بالبيت لأنه يدري إني مب فاضية له بكل وقت، وطلعاته أكيييد بتقل

..

يعتمد على شخصية الزوج
عن نفسي تنفع وياي هالطريقة
غيره يمكن يشوف له بنت ثانية

,, المفروض إنتي اعلم بشخصية ريلج..

وسلامتج..

مواقع النشر

« الموضوع السابق | الموضوع التالي »

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 07:53 AM.

روابط سريعه