صبحك الله بالخير ...
بتكلم معك بالعامي ..
تدرين..الوالد الله يحفظه ويخليه لنا عنده قاعده وهي مافيه زواج قبل التخرج!! أي خطبة أثناء الدراسه ماندري عنها لأنه أمر مفروغ منه!! كنت معترضه داخلياً طبعاً أصلا محد يتجرأ يعارضه علناً سواء بنات أو أولاد..
المهم تخرجت وتوظفت وتزوجت... كنت أكره الوظيفة لما تزوجت هات ياجازات بدون راتب زوجي الله يرحمه ماكان مقصر معي وكان يحاول يقنعني اترك الوظيفة وإذا ابي نص الراتب بيعطيني(كلام بس لاتصدقون يالموظفات)
المهم الفكرة والله مهي شينه لكن كنت خايفه من ردة فعل الوالد وكنت بين القبول والرفض للفكرة!!
وكلها كم سنة ويكتب الله ويتوفى زوجه الله يرحمه ويسكنه الجنة...
عندي الان طفلين وأسكن عند أهلي..حقوق أولادي وحقوقي راحت!! اصرف الان على نفسي وأولادي صرف كامل .. تدرين بس اتخيل لو مو موظفه وش كان حالي؟؟ احمد الله في اليوم الف مره على أنه رزقني الوظيفة.. وادعي للوالد ليل ونهار .. وأحث خواتي على اكمال دراستهن مو شرط يتوظفن لكن يكون معهن شهادة تحميهن من غدر الزمن..
لاتنسيني من دعواتك إذا صاح الديك..