انا الي اشوفه ان الزوجه في هذه الفتره (النفاس) ما تبي احد يخدمها غير امها وخواتها.. وتره الاغلبيه تصيدهم كآبه في هاذي الفتره والوحده لازم انها تكون مرتاحه نفسيا ومدلعه اكثر من فترة الحمل على فكره..
الي اشوفه انت كمل احسانك مثل ما كنت في فترة حملها وولادتها..
خلك هاديء واتصل لزوجتك خبرها انك تتمنى تزورها حتى تحدد وقت، لان الي اشوفه ان علاقتك باهلها ليست على ما يرام.. واذا انشالله زرتها اشتر لها هديه احلى شي اهي يعجبها حتى تفرحها واذا صار ان اهلها تكلموا معاك بشكل غير لائق ، انت راع شعور زوجتك وخلك هاديء يعني لا تتكلم معاهم ابد بنفس اللهجه والاسلوب لان زوجتك بتتضايق وايد وايد، وبتصير انت في موقف في نظرهم كأنك جاي تسوي مشاكل .. فهذا الشي راح يأكد على زوجتك الكلام الي يدرسونها اياه.. بس عطهم كلام يخليهم يخجلون من نفسهم في نفس الوقت انت تكبر في عين زوجتك يعني على سبيل المثال قولهم الله يسامحكم انا جاي ازور زوجتي وبنتي وماشي..

وانشالله على ماتكمل فترة نفاسها بطريقة دبلوماسيه خلها ترجع معاك (بما انك اخي العزيز تام المعرفه ان اهلها يدرسونها على معصيتك)، اذا تصرف بطريقه تخلي زوجتك تناقض كلام اهلها وهالشي يبي له فتره ، ارسل لها مسجات مثلا على جوالها كل فتره حتى تحس انها على بالك واتصل اسأل عنها وعن بنتك..
.. انت ما عليك منهم اهم شي لا تخسر زوجتك
وموفق ان شالله

أتمنى اني افدتك وكل الي اطلبه منكم دعواتكم..

تحياتي