هاتى مكرونة اقلام (البينى) و تسلقيها فى ماء و حبة ملح و رشة زيت و على بال ما تتسلق المكرونة تجيبى فصين ثوم مدقوقين جامد و شوية زيت زيتون تحطى الزيت فى طاسة و عليه الثوم لمدة 5 ثوانى و بعدين تحطى كريمة لبانى وزن ربع كيلو اللى هى اصغر مقاس و تكونى مجهزة جبن شيدى مبشور + جبن ريكفورد (بلو تشيز) مبشور + جبنة فلمنك مبشور + جبنة براميزان كل نوع جبنة حوالى 1\8 كوب و تحطيهم على خليط الكريمة و تقلبى حتى القوام يتقل شوية (اذا تخن منك اوى ممكن تذوردى حليب) و تصفى المكرونة و تحطيها فى طبق التقديم و عليها الصوص و شوية جبنة برميزان على الوجه و رشة روز مارى او اوريجانو

اذا مافيش كل انواع الجبنه دى ممكن تتكتفى بنوع واحد بس تزودى الكمية شوية

و دى مكرونة كواترو فورمانجى

سهلة جدا متاخدش وقت غير وقت سلق المكرونة

جربيها و قوليلى رأيك و بالهنا و الشفا

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة