انا ما عندي صور
لكن راح احاول اكتب لك اغلب الحشوات اللي اسويها....
*حشوة الماش
(الماش نوع من البقوليات موجود في السوبر ماركت جهة البقوليات) وطعمه لذيذ بالسمبوسة
تسلقينه في الماي حتى ينضج
بعد ما ينضج تصفينه وتضيفين له بقدونس وبصل مفروم
وتضيفين له ملح وشوية ليمون وفلفل اسود وبهار حسب الرغبة
لكن يستحسن انه ما تكثرين بهار لانه يخرب طعم الماش
*حشوة الدجاج
تاخذين صحن صدور الدجاج الجاهز وتسلقينه
بعدين تقطعين الدجاج صغير
على نار هادئة تحمصين البصل حتى يذبل ضيفي له جزر مبشور وبقدونس مفروم
وضيفي لهم الدجاج وحطي ملح وبهار حسب الرغبة
بعدين ضيفي لهم ثلاث ملاعق مايونيز+ثلاث ملاعق جبن سائل
*حشوة البيتزا
(لذيذه وما تاخذ وقت)
جبن موزاريلا مبشور
زيتون مقطع شرائح اخضر+اسود
فلفل اخضر مقطع مكعبات
طماطم مقطع مكعبات
تخلطينهم مع بعض وتلفين السمبوسة
*حشوة الجبن
جبن كيري
بقدونس مفروم
تخلطينهم مع بعض
وبس بس طعمها جنااااااان
هاذي بعض الحشوات اللي استخدمها برمضان بكثرة
وان شاء الله تستفيدين منها.....
__________________
تعبانة يا يمة من جد تعبانة
واحوالي يا يمه ما اظنها تسرك
تعالي ردي عن قلبي احزانه
محتاجه يا يمه ابكي على صدرك
((لا تبخلوا بالدعاء لأمي ولجميع مرضى المسلمين بالشفاء))
10-09-2007, 08:22 AM
ضوابط المشاركة
العرض الشجري