اولا الف مبروك انسة توت و ربنا يتملك حملك على خير

ثانيا ملوكة حبيبتى ليه كل ده الحمد لله على فضل ربنا علينا روقى و متقعديش تبصى كام سنة فاتو و محصلش حمل فكرى فى كام سنة جاية ممكن يحصل فيهم حمل و بعدين يا حبيبتى العلم كل يوم من تطور لتطور و اللى ممكن نتخيل انه مالوش حل ممكن يبقاله حل

و بعدين انا عاوزاكى تتخيلى حاجة كدة اذا حبيتى تطلعى سلم بتبصى على السلمة اللى بتحطر رجلك عليها عشان تطلعك لفوق ولا حتبصى على كام سلمة دوستى عليها؟

بصى لقدام متبصيش للى راح لانه عمره ما حيرجع المهم تبصى على اللى جاى لانه هو اللى حيفيدك و هو اللى حتقررى فيه حتعملى ايه عشان ربنا يسعد قلبك و قلب جوزك

و بعدين انتى بتقولى "ولكن من اشوف نظرات الحسرة بعيون زوجي انهار " مش يمكن هو زعلان عشانك انتى مش عشان البيبى؟ ليه تخليه زعلان عليكى و فى يوم المفروض انكو تحتفلو فيه مع بعض و يكون زكرى لاحلى يوم فى العمر و بعدين انتى بتقولى ان عنيكى وارمه تحبى يجيى زوجك يلاقى عنيكى وارمه دا بدل ماتحضريو له احتفال يرجع يلاقى ابتسامة على وشك تنورى بيها حياته و حياتك و اللى جاى من عمركم ان شاء الله

ممكن تقونى تتوضى و تصلى ركعتين لله و اقعدى اقرى قرآن شوية و ادعى ربنا و احنا فى ايام مفترجة كمان و ان شاء الله يستجيب

و بعدين يا سيت البنات انا اعمل ايه بقى و انا تميت السنة الرابعة؟!!! انتحر بقى؟

يا جميل روق دا ربنا مدينا حاجات كتيييييييييييييييييييير قوى سترانا و ساعدة قلوبنا خير الخلفة

طمنينا عليكى انك احسن الحمد لله و كل سنة و انتى طيبة و عقبال سنين العمر كله من الفرح و السعادة ان شاء الله

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة