في الفترة الأخيرة ..سمعت الجملة ذاتها من أشخاص مختلفين وفي أوقات متقاربة ..

((اعذروها...حاسين انك بتتزوجين قريب))!!

سبحان الله ..مجرد أنهم أخبروني بإحساسهم هذا ..جعل قلبي يحلق عااااااااااااااااااااااليا ..

استبشرت بكلامهم ..

قلت في نفسي : ربما يملكون الحاسة السادسة ...

حتى هنا في المنتدى ..

قالتها لي (ام مزنة) في درها على أحد مواضيعي ..

الله يفرحني فيك ياام مزنة ..قبل ماتفرحين فيني ..:14:

كما صرحت بها تعب ..في ردها على موضوعي الاخير

قالتها ((قلبي يخبرني أني سأفرح بك قريباً)) ..

الله يسمع منك ياتعب ..ويفرحنا كلنا
صديقة قديمة لي جاءني إتصال مفاجئ منها ..طرحت علي السؤال ذاته ..

اعذروها ..ماانخطبتي ؟؟

قلت لها :لا ..قالت : معقولة .. كنت متوقعة مليون في المليون إنك انخطبتي ..

أكثر من صديقة لي رددت علي نفس السؤال على الرغم من أنهن لايطرحنه في العادة ..

*اعذروها ..مافي أخبار ؟؟

أختي قالتها لي من فترة ..لكنها طويلة نوعا ما ..

اعذروها ..حاسة انك بتزوجين قريب ..:14:

إيش السالفة ..

سبحان الله ..يابنات أنتو مثلي ؟؟

تفرحون بهالكلمات على بساطنها وسذاجتها ..

سبحانك يارب ..ياعالم بفرحة قلوبنا من مجرد كلمات بسيطة ..لاتحرمنا الفرحة الحقيقة ياكريم ..قولوا امين يابنات

آمين يارب

ربنا يفرحنا فيكِ و بكل البنات قريباً قريباً قريباً

يارب
نفرح فيكي قريب

وكلنا نفرح يارب ياكريم بفرحه حقيقية

آآميييييييييييين

أنا وإنتي وجميع البنات

الله يفرحنا قريب

موضوعك يونس ههههههههه

محد قالها لي الصراحة

لكن كثير زميلات لي يقولون لي كلام حلو من هالقبيل

يعني مثلا ها بشري وإذا قلت لا يقولون مو معقولة ليه الناس مالهم عيون ومن هالكلام

والله أفرح فيه مرة يرفع من معنوياتي كثير

يالله يارب ترحمنا وتفرحنا قريب

حتى انا تفائلت لك وقلت يمكن ماتخلص السنه الا وانتي متزوجه :14:


يارب يااعذروها ان يكون احاسيسهم في محله :14:


اخيرا رجعت للمنتدى اعذروها المتفائله


الله يرزقك خير ماتتمنى ويعوضك عن صبرك برجل صالح تقي نقي قادر ياكريم

__________________


اللهم فرج كربتي ويسر امري واكتب لي الخير يارب

توني تكلمت عنك أنا وإحدى عضوات المنتدى


ومتأكده تماماً إني بفرح فيك
لكن الدعاء يجعل الرزق قريباً


.
.
.

قلت لك فرحينا بتفاؤلك وإفرحي

والله فرحك قريب

يا إنك مدوختني يا اعذروها بخوفي عليك

إنتبهي لنفسك

وربي خاطري أضربك لأنك حساسه وذابحني دلعك ..!!

.
.

سلمي على أمك

__________________

ياحبيبتي ..الله يجزاك خير يارب ..ويسعدك ياأختي

يارب ياحبيبتي يارب

تصدقين ..وانا بعد متفاءلة فيج ..إن شاء الله يالغاليه الله يرزقنا جميعا في اوقات متقاربة ونفرح كلنا ..

تعالي تعالي ..

أنتي ومن تتكلمون عني؟؟ ..وايش قلتوا فيني ..اعترفي؟؟؟

تدرين تعب ياريتك عندي في البيت

أما من ناحية إني حساسة ..فهذي ماأقدر انكرها ..موقف بسيط صار لي خلاني أعاف هلي والأكل 3 أيام ..

من زمان حتى ماتكلمت..اعترف اني صعبة جدا ..الله يعين اللي بياخذني ..

الصراحة أحس صج مالي حظ ..والكل يقولها لي في وجهي ..

انتي مالك حظ !!

لكن الحمد لله والله كريم

لا تخافين علي يالغالية تراني مزاجية مرة تحت ومرة فوووووووق ,,

الله لايحرمني من كلامج الطيب ..ومن دعواتج ..ولايحرمك السعادة والراحة ياااااااااااارب