حبيبتي أم سيما : أنا يوم شاركت في حل مشكلتك كنت متأثرة جدا من وضعك عشان هذا كنت قاسية معاكي ...لسبب واحد فقط عشان مصلحتك ...وسعادتك ...

أخيتي ذكرتي أنه أجبرك علي اكمال دراستك... الحين قعدي معاه وقولي له وين الاتفاق وين الوعود ...وانت تتصيد لي علي الوحده ..الحياة شراكة بين أثنين ...واذا انت ماتساعدني وتوقف معاي مين غيرك ...وضبطيه بكم كلمه حلوه ...تكونين مجهزتنهم علي مستوي ....وكل كم يوم ذكريه بفضله عليك ...لاتقولين اي فضل ...هذا بس عشان يطمن قلبه ...ويرتاح ويحس بمسؤليته عنك وعن نجاحك ..

ربي يسعدك يوفقك

__________________

انا شاكرة لك ردك على مشاركتي وحفظك لها في المفضلة
وكمان ابارك لك حل المشكلة وحابة اقولك ان فافي ماقصرت ماشاء الله عليها خبرة وتقريبا رايها نفس رايي ولعلمك انا كمان خبرة 18 سنة زواج وان شاء الله اني قدرت افيدك
بالنسبة للموضوع ابارك لك مرة ثانية واقولك فرصة حلوة لما تجي الشغالة في يوم هو موجود خليها تساعدك في شغل البيت الاسبوعي من تنظيف للثلاجة والبوتوجاز كامل مع الفرن والشبابيك والمراوح والاباجورات واعادة ترتيب دواليب الملابس ادا كانت مو مرتبة او زوجك من النوع الفوضوي وكل شغل تحسيه متعب لك استغلي وجودها تساعدك واعطيها بين فترة وفترة مبلغ بسيط غير الراتب كتحفيز لها على مساعدتك او بعض الملابس اللي ماتحتاجيها ادا ما عندها مانع ... عشان ترتاحي باقي ايام الاسبوع وتفضي نفسك لابو الشباب ولنفسك وولدك واهم شي مدااااااااااااااااااااااااااااااااااااااااكرتك..
وفي نقطة لاتغفلي عنها وهي زوجك لاتعوديه على ان كل شي تسويه له انتي تكلمي معاه مرة ثانية انه يساعدك عالاقل في اشياءه الخاصة لانك بكرة ان شاء الله راح تخلفي اثنين وثلاثة ويمكن اربعة وخمسة وراح تنشغلي فادا تعود على شي صعب انك تغيري مو يقولوا ابنك على ماربيتيه وزوجك على ماعودتيه لانه ادا تغير عليه شي راح يزعل على طول ويحس انك مقصرة وممكن تصير بينكم مشاكل كثير الله يستر من عواقبها وانت ساعتها راح تتعبي لانك ماراح توفقي بينه وبين العيال لازم تفهميه انك انسانة ولك طاقة ولازم يساعدك هو ممكن يكون الحين عادرك عشان الدراسة وراح يصبر نفسه لكن حاط في باله لما تخلصي دراستك راح تقومي بكل شي ممكن حتى يمنع دخول الشغالة مرة ثانية وصدقيني العيال ومطالبهم ومشاكلهم اصعب واتعب من الدراسة مليووووووووووووووووووووووووون مرة اساليني اصلا بسببهم تركت دراستي عندي ماشاء الله سبعة 4اولاد 3بنات الله يخليهم لي ويبارك فيهم ويعوضني فيهم خير ...
ممكن تخففي الضغط عليك شوي يعني مثلا خليه هو يحضر لبسه تكوني انت مغسله وكاويه وحاطتها في دولاب ملابسه وقت مايبغى يلبس هو يلبس بنفسه مره ساعديه في اللبس ومره تحججي باي شي وهو يلبس قولي له مثلا معليش البس عندي شي في الفرن او باروح اغسل للولد او حتى قولي بطني يعورني احتاج اروح الحمام المهم من دا كله لنه يتعود شوي شوي على نفسه وحكاية استقباله عند الباب حلوه بالنسبة للزوج لاتتركيها والله لها وقع كبير في نفسه ..


بالنسبة للوررررررررررررررررد وماادراك مالوررررررررررررررررررررررررد وما له من تاثير على نفوسنا بالدات لنا احنا الحريم فانا اقولك كلميه وقولي له كيف انا سامحتك على طول لما اعتدرت عشان موضوع امه بس لانك طلبت مني واعتدرت ترى سامحتك لاني احبك وانت ليه ماتقبل عدري لما اعتدر ترى كل هده الهدايا (وحاولي تجمعيها او بعضها)كلها لو جبت بدالها ورررررررررررررررررررررردة وحدة بس تكفيني ادا ماراح تنسى وتجيب لي وررررررررررررررد زي اول انا كمان ماراح انسى غلطك وماراح اقبل منك ولا هدية الا بعد ماتجيب لي وررررررررررررررررررررررررررررررررررررررررررررررررر رررررررررردة ...

اسفة حبيبتي عالاطالة لكن حاولت اني اساعدك صراحة كلامي عشوائي كاني قاعدة اسولف معاك فمعليش على اي خطا او لخبطة في الكلام ..
اختي رددي دايما الاستغفار وقول اللهم سخر لي زوجي واجعله سكنا لي وسخرني له واجعلني سكنا له واجعل بيننا مودة ورحمة ....