الله يسعدك بنفسج حسيت انك عاقله
شوفي عزيزتي انا من النوع الهاديء
وبنفس الوقت صريحه
ومشكلتي ماعرف امثل واكذب واسوي نفسي مبسوطه واكتم في نفسي مااااااقدر
تلاقيني على طول مواجهه ......
ريحتيني بكلامك الله يوفقك .....

__________________

حبيبتي انتي نفس طبعي بالضبط والحل بسيط اتبعت وصية رسولنا الكريم (انما الحلم بالتحلم) يعني الانسان عاااادي وبسهولة يقدر يغير من أطباعه وهذا اللي سويته وصرت ماأهتم اذا طلع وإذا دخل وكان اسبوعيا يسافر تصدقين انه لما راح الحج قبل اسبوعين كان صاير له سنه ماسافر قاعد على قلبي _الله يخليه_ أقوله قوم روح سافر خل نشتاق لك يضحك علي يقول انتي مجننتني أموت وأعرف شنو اللي قلب طبعك والحنة والرنة اللي كل يوم (لاتتأخر لاتسافر لا لا لا) ارد عليه حسيت ان هالشي يضايقك جاهدت نفسي على اني اتغير والحمد لله مرتاحة ...
والله ياوخيتي متعلق فيني حيل ولازم بالليل يأنا بحضنه ياهو على صدري بس الى الان عادي عندي طلعاته هو رجال موحرمة يجلس في البيت بس هو مومتزوج علي وانتي بردي على قلبج وتذكري دايما عقوبة اللي مايعدل بين زوجتين انه يأتي يوم القيامة وشقه مائل _أي نصفه_وإلا ماشرع الله الزواج من ثانية الا لأن فيه الخير لبنات حواء واذا المسلم تلاعب بهالتشريع وقام يدخل في البحرام من عدم العدل والتفرقة ربك راح يحاسبه حبيبتي خليها على الله الله موجود وراح تشوفها ضرتك اذا كان هي من يساعده على عدم العدل
وفقك الله حبيبتي..

__________________

اخت بنفسج

كلامك كله عين العقل ماشاالله عليك

لكن اسمحلي لي اخفقتي في شي واحد

الزوجه الثانيه ليش تعاقب عشانها زوجه ثانيه

لأنها رضت تاخذ رجل متزوج باستثناء ان الله حلل للرجل اربع

هذا نصيبها رجل متزوج انت تتوقعين كل زوجه ثانيه ماودها ان يكون لها زوج

بدون زوجه غيرها لكن اذا كان نصيبها حتم عليها الزواج بزوج متزوج نشن هجوم عليها

انا ماقول هذا لأني تزوجت رجل متزوج لا ورب البيت

لكن حقيقة كلامكم يألمنا كأن انتم والزمن علينا

[color=#4B0082]ياعمري ياقلبي والله ماقصدت اني انزل من قيمه الزوجه الثانيه لاننا ممكن كلنا نكون مكان الزوجه الثانيه محد يدري وين النصيب صحيح اني على وشك الزواج لكن والله مدري وين النصيب بس انتي فهمتي قصدي غلط انا اقصد وحددت كمان نوعيه من الزوجات الله يهديهم يتزوجون متزوج ويتوعدون كل الوعد سحبه من زوجه الاولى وداخلين لخراب البيوت اعوذ بالله مثل الى صار مع اختنا سابرينا شي يقهر ياختي اليوم يومها وتطلع مع زوجها فالنفرض انه منه وهو ظالم وماينصف عاد هي ماتستغل الوضع وثانيا الحين وضح من كلام اختنا سابرينا ان زوجته الثانيه كانت مطلقه وبينها مشاكل مع زوجها وصار خلع و و يعني مثل مانقول سوابق
يعني ماينفع مع ها النوع الى الحكمه ولا وش رايك تخرب بيتها وبيت زوجها في نوع ترا مايرحم وربي عطاها عقل لازم تتصرف بحكمه وماطلبنا شي منها يغضب رب العالمين وبعدين ياما في زوجات ينحطون على الجرح يبرا واغلب اصلا الزوجه الثانيه مظلومات اشد الظلم وحياتهم عذاب لكن والله ماقصد اجرح بالزوجه الثانيه وحقك علي اذا هاجمت بالزوجه الثانيه[/color]

تاجي حجابي
هذا اللي صرت اسويه بعد ماتزوج يروح يجي ماأسأل فيه عشان احسسه انو عادي حتى انا ممكن اعيش بدونك
بس ودي يكون معاي على طول
اسعدني تواجدك

__________________

حبيبتي والله سابرينا صج محد مرتاح
زعلت عليج وحسيت بقهرج من زواجه عليج .. ولا بعد مايعدل !!
صعب الواحده زوجها يتزوج عليها ومايعدل بعد ؟!
الزواج بثانيه لين رابعه حلال بس بشرط العدل ...... بس بعض الازواج يتزوج على زوجته يظن انه بيأدبها والا بيقهرها مادرى انه ظلم نفسه وتحمل ذنب زوجته وفتح عليه باب من ابواب جهنم .... والله ماراح يوفقه في دنيته وفي الاخره يمشي ونصه مايل
وعادة الازواج العادلين بعد مايجربون الزواج بثانيه ماينصحون بالتعدد لمعاناتهم من صعوبة العدل وتوزيع الاوقات بين الزوجتين بالملي
ونفس الشي النفقه حتى لو الزوجه الثانيه تعمل وراتبها ضعف راتبه فهو يعطيها من ماله نفس المصروف اللي يعطيه للزوجه الاولى حتى يكون عادل ولأنه يخاف من عقاب الله في حال الظلم
ومثل هذول الازواج ربي يجيب الطمأنينه للزوجتين ومع الوقت يحبون بعض وعيال بعض لان كل واحده تدري ان زوجها مايرضى الا بالعدل واللي يسويه للثانيه هو نفسه للاولى خاصة اذا كان الزواج من الثانيه كان لسبب ملح وليس نزوه

ولاتزعلين ياعزيزتي وتتهاوشين معاه بسببها لان الزوجه الثانيه بتستغل تنكيدج له وبتتفنن فيه حتى لو ماسوت له ربع اللي تسوينه بس يكفي انها طبطبت عليه وسوت عمرها كانها حنونه واطيب منج
لكن اذا كنتي عادي ومطنشه هي اللي بيطلع قناعها وبيكتشفها زوجك ويعرف انها فيها عيوب مثلج ويمكن انتي افضل منها واللي بقلبج على لسانج مو مثلها وبيعرف ان محد كامل
واظن لو انا بمكانج انا اول شيء قلبي بينكسر منه خاصه اذا كان الزواج بدون عيب مني واظن ماراح اكون مهتمه فيه مثل قبل دام رخص فيني وتزوج علي ولا بعد مايعدل !!يعني لو كان يعدل بيشفع له
وبصراحه انا نفسي ماراح اتغير خاصه اذا كنت مو مقصره معاه ... وبعطيه حسب طاقتي واستطاعتي والا يعني علشان تزوج علي بصير واحده ثانيه (ويني من قبل ؟؟)
بالعكس بكون انا نفسي باصالتي وطبيعتي لان التمثيل وبذل طاقه فوق طاقتي بتكون مو دايمه ومؤقته ومصيري بتعب منها .. حتى الزوج بيمل وبيكون محتاج يعيش حياه طبيعيه وحب طبيعي بدون تمثيل ومبالغه ..
وبعض الازواج اذا لاحظ عقلية زوجاته جذي يستغله ويقعد يقارن بين الثنيتن علشان يتنافسون عليه .. ولو خاف الله ماسوا جذي بس قلة عقل منه ومن حريمه ... وبعدين مو هذي الحركات هي اللي تكسب الزوج وبتمنعه يتزوج في ازواج يتزوجون على زوجاتهم مع انهم مو مقصرين مع ازواجهم بكل شي وفي الاخير يتزوج .. يعني هذا قرار يكون في الرجل ويحدده المكتوب والنصيب
وبنفس الوقت لو انا بترك له المجال وبهدا وبسكت وبتجاهله في مشاعري لين الغموض وانتي سوي جذي لين يشبع من الثانيه ويتهاوش معاها ويرد يدورج انتي ووقتها سوي نفس اسلوب الثانيه وحطي نفسج طيبه وحبوبه وعقلج كبير
وهي اللي بتنجن لانها بتكون تعودت انه يطنشج انتي ويروح لها مو يطنشها هي
ووقتها استغلي عصبيتها عليه وكوني اكثر حنان له ودام ظلمج بيظلمها هي واذا قال لج تعالي نطلع بيوم هو يومها اطلعي علشان هي تحس وتذوق اللي ذقتيه دام زوجك مايعرف كيف يعدل ودام هي تتعدى حددوها سوي مثلها
وخليها هي بعدين اللي بتطالب بالعدل وان محد تطلع بيوم الثانيه
بس لا تتعلقي فيه كثير لانه مو عادل ولمن يزعل منج بيرجع لها ويقهرج فحاولي يكون الموضوع عادي ..... جا عندج عيشي حياتج واستمتعي معاه واشبعي غريزج منه واطلعي معاه وتونسي .... راح لها خذي لنفسج فرصه للراحه منه ...وبجذي عيشي يومج ولاتخلين زوجك محور حياتج ..
وصدقيني كوني بطبيعتج وادعي الله بالصبر .... واذا انظلمتي فربج فوق وتذكري قوله تعالى: (( ولننصرنكم ولو بعد حين ))
ان شاء الله بيكون معاج على طول

والله ياجرك ويصبرك ... ان شاء الله

__________________