صباح الخيرات على احلى بنات

ملوكة ان شاء الله البيت الجديد يكون بالخير عليكى و ذى مابنقول عندنا فمصر ان شاء الله تكون عتبته عتبة خير بأذن الله

مشاميشو انا طبعا كنت مبسوطة جدا لوجود اصحابى معايا بس انا مش بحب اللون الاسود فى حياتى خااااااالص ولا احب اشتريه لحد ابدا يعنى انا حتى مش بحب العبايات السودا و بشوف ان ممكن صحباتها يلبسو اى لون غامق برضو بس مش اسود جايز عشان اللون الاسود مرتبط عندنا فمصر بالموت فحتى عندى بلوزتين سود واحدة صيفى و واحدة شتوى عشان العزا فاللون قبضنى قوى لما جالى هدية
انا مستنية ايميلك بفارغ الصبر و ان شاء الله المدير يوافق بأذن الله

ماسا انا مش بيجيلى وجع فى الحلمة بس الالام اللى بتكون قبل الدورة متفاوفة من واحدة للتانية بس اعتقد برضو ان الالام الحلمة من اعراض الدورة و الحمل برضو و اذا كنتى قلقانة استشيرى طبيبتك عشان تتطمنى و تطمنينا ربنا يبعد عننا الشر كلنا بأذن الله

اما عن اخر اخبار اخويا و زوجته فوالله بابا لسة مكلمها النهاردة و قعد اااااااااد كدة يتكلم عشان بالبنات و ربنا يهديهم و انا برضو اتكلمت معاهم ااااااد كدة بس مامتها سبحان الله هى اللى ورا الموضوع مش عارفة هى ليه عاوزة تخرب بيت بنتها!!!! ربنا يهديهم جميعا و يصلح الحال عشان خاطر البنتين
محتاجين دعواتكم

رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة