احضرى فورا ... اخبارك و اخبار صحة بابا و ماما ايه

__________________

يا حبيبتي يا أم سيف

مش عارفه أقولك إيه و أشكر رقتك و حنيتك إزاي

ربنا يجازيك الجنه و يرزقك من غير حساب من حيث لا تدري و لا تحتسبي

إنت تؤمر يا قمر

ماما و لله الحمد بصحة أفضل ، لكن بابا ما زالت حالته مستقرة ، صحيح مش فيه تحسن لكن لله الحمد و الفضل و المنه مش بتسوء

دعواتك يا أم سيف ،،،


أما عن موضوعي ... فبصراحة صحة بابا و ماما شاغلة كل تفكيري

ربنا يصلح الحال

ربنا يكتبلك كل خير و يرزقك بالذرية الصالحة السليمه المعافاة البارة التقيه اللي تسعد قلبك في الدنيا و ترفع درجاتك في الآخرة

__________________

	[blink]"و اصبر حتى يحكم الله و هو خير الحاكمين"[/blink]

ما فيش ارق و لا اطيب من دعواتك الجميله يا صن ربى يكتب لكى مثلها و اكثر
و حمدا لله على سلامة ماما . و ربى يكتب الشفاء التام للوالد و يحفظهم لكم يا رب
اما بالنسبة لك يا جميل لازم يكون فى شوية حركة من ناحية الاطمئنان على النقاط المسببه لقلقك
اكيد الوقت بييعدى و حسب فهمى ان اجراءات السفر بتتحرك ... اقطعى عرق و سيحى دمه قبل السفر و انت لسه
بداخلك قلق ... فضفضى معاه و اخرجى كل ما بداخلك فى الكلام مع خطيبك علشان تسافرى و انتى راضيه و مرتاحه بأذن الله
ربى يكتب لكى الخير كله و ييسر لكى كل عسير

__________________

حبيبتي أم من شبرا

بشكر لك سؤالك و اهتمامك ، ربنا ما يحرمني منك

أنا فعلاً بدأت أتحرك في كلامي معاه ، صحيح مش كان في نفس الحاجات اللي أنا خايفة منها ... لكن كنت منهارة جداً بسبب مرض والدي و والدتي و ضغطه المستمر في إني أجهز للسفر و بصراحة لقيت فيه و في كلامه كل خير

لكن اللي بيخوفني ،، إنه بسرعه بيتغير و بيبدأ يقسى تاني عليّه

بمعنى إنه مستعجل على سفري جداً ، و الفترة دي كل شوية خناقات بسبب إني مأجله السفر لغاية لما أشوف ماما و بابا (لأنهم مسافرين)
و هو مش ممانع إني أشوفهم قبل ما أسافر لكن شايف إن أهلي لازم يدوا معاد محدد لرجوعهم ، و بيني و بينك في ظروف كتييييييير مش مخلياهم يعرفوا وقت بالتحديد لرجوعهم

و بالتالي إحنا في خنااااااااااااااق مستمر اليومين دول

شوية ألاقيه كويس و مقدر الحيرة اللي أنا فيها و شوية بيضرب كل شئ بعرض الحائط و مش يهمه غير إنه محتاج أكون جنبه و بس

خايفه من أنانيته و من قسوته عليّه لما بعترض على شئ (من حقي أعترض عليه) و مش برضى أنفذه

بيتقلب لشخصية تانيه ممكن تدوس و تضحي بأي شئ


خطيبي مر بظروف صعبة جداً في طفولته و في مراهقته ،، و كمان في شبابه
حياته كانت مليئة بالعذابات و المآسي ... أحياناً بعذره و بيصعب عليّه
و أحياناً بخاف ليكون مريض نفسي و هيعذبني معاه

لما بقعد أقرا مواضيع أخواتنا في المنتدى و ألاقي صفة من صفات زوجها في خطيبي ، بموت من الرعب و بتمنى إني مش أتجوز نهائياً

الحمد لله أنا عايشة في بيت بابا معززة مكرمة و مش بطلب من ربنا غير إني أعيش عيشة كويسه من غير إهانات و أمراض نفسية تأثر عليّه و على عيالي


معلش يا أم سيف أنا عارفه إني واجعه دماغك بس كل ما قلبي يهدا و يرتاح ،، أرجع أخاف و أبقى عاوزة أهرب من الموضوع


يارتني كنت بفهم في البطيخ :20: مش كنت احترت كل الحيرة دي



ربنا يكرمك بكل خير و يجعل عونك في أمر أخيك المسلم قضاءاً لهمك و فرجاً لغمك

دمت بود

__________________

	[blink]"و اصبر حتى يحكم الله و هو خير الحاكمين"[/blink]