الأخ الفاضل ..

أسأل الله أن يفرج همك ويزيل ألمك ..

أرى أن تبعث لها برسالة تقول لها ..

بيتك بانتظارك وأنا مستعد لتفاهم معك ..

وانتظر ماذا ستفعل ؟؟

إن لم تطعك .. ورجعت للبيت .. حاول تطنيشها فترة ..

وأتصل بين فترة وفترة لبيت زوجتك للإطمئنان على أطفال ..

ولا تنسى الدعاااااااء ..

ياجماعة الخير أشوفكم أغلبيتكم تهجمتم على زوجته واظهرتوه كأنه المغلوب على أمره وأن زوجته هي الظالمة!!!!!!!!!


الأول لابد أن تخبرنا بأسباب الزعل بينكم فمن المستحيل أن تترك الزوجة بيتها إلا لأسباب قاهرة

واعتقد أنك السبب في ذلك وذلك بإعترافك بنفسك وواضح من كلامك أنك ندمان

وصدقني لاتفعل الزوجة مافعلت زوجتك إلا معناها أنها يئست منك ومن إصلاحك والدليل صبرها ست سنوات

فأخبرنا بالحقيقة كااااااملة وبدون إدعاء المثالية لنعرف كيف نشاركك الحل.

__________________

شكرا لكم جميعا على المرور والتعليق
كل ماقلتم هو ماقررت سلفا ان انفذه لا كرها لكن حفظ لمستقبل ان بقي مستقبل معها من المهزله


ام جمانه ، يازين صراحتك
انا معك ، انا ندمان بس مش على الخطا بس ندمان على اشياء كثيرة كلها داخله في بعض من اولها الى اخرها بدء بمحاولتي ارضائها وارضاء اهلي ومرورا بفقداني رضا نفسي.

الانسانه ملاك طاهر كانت لمدة 4 سنوات وكنت اطردها من البيت وتقعد تبكي وترفض تروح، بس بعد اربع سنوات صار خلااااااااااااااااااف تافه ويضحك جيت اليوم الثاني ومالقيتها في البيت راحت لاهلها ومامداهخا وصلت الا وانا عندهم وطوال 3 اشهر لعبو باعصابي واحتجزوا اولادي ازورهم عندهم زي السجناء ممنوع خروجهم معاي.
رضخت ودفعت مبلغ كبير منه ذهب بعته لها ومنه رضوه ومنه شرهه وغيره.

بعد ان عادت ام العيال ندمت على مافعلت وحست انها جرحتني جرح كبير، وحاولت ان تحسن هذه الصورة بذات فيما يتعلق بالماده وكان معي مبلغ من المال واعطتني مبلغ من عندها مرة اخرى ، وزي الافدغ اخذته، يعني اقنعت نفسي انها ندمت ، وشريت قطعة ارض، وسجلت لها في فلوسها ورقة، ماقدرت احط اسمها في صك الملكية ، لان الادمية كل يوم تهددني بالروحه لاهلها، يعني ماصارات.
قبل يوم "الهروب العظيم" انا سميته كذا على الطريقة المعارك اامريكية في العراق جايو اهلها عندنا
زيارة ودخلت ولاحظت ترتيب البيت والعطور وقلت لها "ياليت اذا جايو اهلي عندنا نشوف ربع هذي الترتيب"، الموضوع اكل وشرب معاها، وفي المساء جات وفتحت الموضوع حق لوي الذراع ، ابغى فلوسي ولا تسجل اسمي ولا تسوي، يعني ياتاكل تبن وتسكت ياتدفع ، المشكلة اللي ماتعرفها ان صك الارض له اسبوعين في المحكمة عشان اضيف اسمها وكنت باسوي لها مفاجاءة لانها جابت مولود قبل شهر وحسيتها تعقلت وكبرت وحست ان مالها الا بيتها.

طبعا لما شفت الموضوع كذا شكلت عليها واعطيتها طنش ورقدت وانتهى الموضوع .
وهذي كل القصة .........


لكن

__________________
المستريح الي من العقل خاااااالي

فعلا هذا الكلام الي جاء بخاطري وكتبتيه يا ام جمانه
فليس هناك زوجه وان تعذبت مع زوجها تتركه لتذهب بيت اهلها
الا ان كان هناك امرا لم تحتمله وفوق طاقتها ولكل قاعده شواذ طبعا

__________________
الحمد لله على نعمه وفضله وكرمه ..

شكرا لاهتماممك وماتقولونه امر استفيد منه فعلا .

كلامك سليم اخي ابو وضحه وانا مقتنع تماما بما قلت. ولكن الماضي لايعود،


المشكلة الان ان لدي 3 اطفال من وهم طفلة في الخامسة وطفل في الثانية وطفل في اللفه.
والاثنين الكبار متعودين علي جدة، وخاصة البنت ، فهي تحب ان تكون معي اينما أكون، وهو مايثنيني.
لدرجة انني فكرت ان احيل الامر الى الجهات المختصة واعني الى محكمة اما ان تعيدها الى منزلها او ععلى الاقل استطيع التواصل معا اولادي.
لان هناك مالم اقله " في المرة السابقة التي ذهبت فيها لاهلها كنت ازور ابنائي عندهم في البيت زي السجناء، وممنوع اخذهم معاي".
هذا ماانا محتار فيه حاليا
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

__________________
المستريح الي من العقل خاااااالي