هلا اختي .. الله يعطيكي العافيه .

انا ساكن في الدمام وانا اعرف موقع الكلية التقنيه .


طيب اختي الطبيب السعودي اللي بتسألين المنتدى هل هو يقدر يعالج نفس حالتي . اذا ماعليك امر اختي اذا قدرتي تجيبين رقمه عطيني و اذا انا اكلف عليكي قليلي كيف اتواصل مع ادارة المنتدى علشان اخذ رقمه

الله ينور دربك اختي على وقوفك على حالتي ...
تكفون ياناس ادعولي بالشفاء

مرحبا اخوي اعذرني تاخرت عليك بالرد وبصراحه انا فرحت جدا جدا لاني اشعلت في نفسك بريق من الامل والسعاده ادري والله انه شعور مايوصف شوف اخوي بقولك بختصار انت معطي حالتك اكثر مماتستحق
ترا الكل يعاني من الى تعاني منه ويعتبر شي تاااااافه جدا لانه سلوك اجتماعي عادي الحمدالله على كل حال بس اهم شي لازم تعرفه انك اي حاجه عطيتها اكثر من حقها راح تتازم ممعاك واي حاجه تنظر لها بقدر وسهولتها راح تمشي معاك وابشرك انا كنت اشتكي من رهاب اجتماعي وتخلصت منه بنفسي من دون اى معالج او دكتور وذهبت فقط لدكتور حمود العبري فقط لاكتشف العلم الجديد الي صدمني واذهلني وهي طريقه علاج سريعه بدون اي تعب
بالاول راح اقولك كيف تخلصت انا من الرهاب الاجتماعي هي كلمه ومختصره جدا ... كنت عندما اكون بحفله او مكان مجتمعين فيه الكل من اصحابي وجماعتي .. واحسست برهاب او خوف اوشي كنت افكر اقول في نفسي طيب واذا غلطت واذا تلعثمت بالكلام عادي يعني راح يقطعون راسي عادي بقول اذا تلعثمت او تصببت من عرق بقول مثلا لساني مجروح اعذرني وبمشي الحال واذا تصببت عرق وتازمت حالى وماعرفت اتكلم بقولهم العفو ياجماعه سخنت شوي وكنت اقول في نفسي يعنى هذولا الي خايفه اتلعثم عندهم او اغلط عندهم هل هم ملائكه لان كل واحد لو تبحث ياخي في شخصيتهم راح تلقى مليون عيب ويحاول يخفيه ولمن صرت افكر بطريقه التفكير هذة صرت ادخل بكل ثقه تغيرت حالتي صرت اجتماعيه سبحان الله شوف اخوي اهم حاجه الايمان بالله تقول في نفسك اخاف من مين يعني ولا اضرب حساب لمين يعني وحتى اذا تتفشلت( طز) <<<عذرا على الكلمه ولكن بمعني من هما يعني الناس عشان اضرب لهم حساب ولمن تجي تفكر في ابوك وتتاثر من القصص القديمه تحمد ربك الف مره مو تذمر لانك انسان مبتلى والله سبحان الله اذا حب عبده ابتلاه
شوف طريقه التفكير المختصرره الي لازم تفكر فيها ( قول في نفسك حتى لو صار ها الشي يعني ايش راح يقتلوني راح اطيح من عينهم راح اتفشل عادي عادي عادي من هما يعني ملائكه راح اصلح الموقف حط لكل موقف ممكن تتطيح فيه او تتفشل حط( عذر )مثلا تلعثمت قول اسف انا مسخن او بوادر سخونه او قول شي يوجعك عادي اهم شي ماتخاف انت ياخوي مجرد ماتفكر بهذة الطريقه وان كل شي عادي وان الي قدامك والاشخاص الى تتعامل معاهم مش ملاكه منزهين راح تتطلع من الحاله هذة الى تحسها وراح تتحول لشخص اجتماعي وراح تنذهل من شخصيتك والله على ماقول شهيده انا كنت زيك وتحولت شخصيتي بسبب طريقه التفكير الى شرحتلك اياها ولازم تعرف ياخوي على ايام اول ماكان في دكاتره نفسين ولامعالجين كان في ايمان بالله وحدة والتوكل على الله والواحد مايفكر بالماضي او حتى لو فكر يعتبره ابتلاء والابتلاء يعتبر محبه من الله عزة وجل


اما بخصوص الدورات لحمود العبري في هي دره تختصر عليك كل المشوار الى قطعته انا وبنفسي

شوف ياخوي دورات حمود العبري تعالج ماهو اسوا من حالتك بدوون ان تدخل بنفاصيل وشد وجذب انا ابين لك بالضبط وش تتكلم عنه دوره حمود العبري

مثال شفت ياخوي التلفزيون الحين لمن تحس انه يشوشر معاك او جته شوشره وبداء تروح الصور وش نسوي عادة نحاول نضربه ضربه خفيفه عشان تتعدل الصورة لانه يكون في التماس في الاسلاك الكهربائه وبالفعل ترجع عاديه

بالضبط دوره حمود العبري تعتبر حركات وضربات في اليد وتحت العين وتحت الانف وووو تخلي الصور السئيه والالم والرهاب يتلاشي منك مايحتاج لك تفكير هى عدة مرات الين تختفي تماما

يعني مثلا واحد عنده رغبه قوووووويه بالتدخين راح يموت ويدخن تجيبه تسوي معاه هذة الحركات او هو يوسيها على نفسه من رابع محاوله او خامس محاوله تقل الرغبه عنده وتتلاشى الين تختفي ومدة التخلص من التدخين وهى اصعب حاجه تحتاج الى 4 ايام لكي يتخلص منها تماما عشان النكوتين بالجسم يخرج تماما

اما حالتك راح تتخلص منها من عده ضربات وياريت اقدر احط لك الرابط لحمود العبري اثناء الدوره لمن جاب

العقرب لواحد سبق وانقرص منه وصار عنده خوف حتى من مجرد روئيته وبعد عده حركات صار عنده عادي يمسكه

ياخوي هذا العلم يعتبر معجزة وهو الضرب على اماكن في الجسم سببت خلل ممن يعيد الخلل مثل الرهاب مثل الخوف مثل الالم بجميع انواعها التدخين كل شي

فيا اخوي نصيحه ترا حالتك تافه جدا وان معطيها اكبر من حجمها واحمد ربك على الصحه والعافيه وامورك انشاء الله كلها تمام واذا تبغى تستفسر عن حمود العبري ادخل موقعه
اكتب في قوقل حمود العبري واذا ممكن الادراة يسمحون اعطيك رقمه وتشوف وتحظر دوراته واتركك ممن الكلام الفاضي الدكاتره النفسسين لاني جربتهم والله ثم والله هم الى يبغالهم علاج وراح يورطونك بادويه ومهدئيات وتعب اعصاب ماله داعي اخوي امورك سهله باذان الله وبالتوفيق وانا بخدمتك اذا سمحو الادراة

انا اويدك الراي اختي وشكلك مجربه حالات الرهاب صح كلامك لكن احب ان اوضح شي مهم في دورات حمود العبري

انه اثناء الدورة والتربيت ليس شرط وليس مهم ان يقنع نفسه من عقله الباطن انه سليم واصلا حركات التربيت الى يقوم فيها حمود العبري هى ضربات ويختفى الشعور ماهو ملزوم الشخص ان يفكر او يقنع نفسه هو اصلا راح يتخلص منها من مجرد التربيت راح يختفى كل شي

بجد بجد انها معجزة هذة الضربات سبحان الله لحول ولاقوة الا بالله الى علم الانسان مالم يعلم

اولا اخي الفاضل _ ما شاء الله عليك _ بما وصلت اليه الان من استقرار في الوظيفه والبيت_ اسال الله لك دوام السعاده
ثانيا لاتدع هذه المشكله تصيطر على تفكيرك ,, وتفسد عليك حياتك ,, (معاملة ابيك )


اما الان فهون على نفسك ,, واعلم ان ما تمر به من ارتباك وتلعثم مع الاخرين هو من اهون الامور وايسرها,, وان فيه اناس كثر يصيبهم حالات من الارتباك والتلعثم ,, حتى انهم لم يمروا بما مررت به من صعوبات في طفولتك ,, ولكن قلة التجارب مع الاخرين والاحتكاك بمن هم اكبر من عمرك حتى تتعرف على تجاربهم ,, وتستفيد ,, فما زلت صغير في امور الحياه

عزيزي دعائي لك بمزيدا من الاستقرار والسعاده وان يطمن قلبك بذكره الابذكر الله تطمئن القلوب

,

__________________
يا مرحبا .. نورت المنتدى بوجودك .. حياك الله

سبحان الله وبحمده

الله يكون في عونك

معليش اخي انتبه لكلمة (( العظيم ))

اخوي... اللي عند التقنية.. اللي سألت قالوا حق طلاب المدارس اللي قصدت..

واخوي اللي قلت لك عندي رقمه سعودي.. جدا متفاهم.. فيك تتمرحل معه .. وتاخذ وقتك بالكلام.. ممكن ساعة اكثر اقل..

وانت اسأل هذا الدكتور عن دكاتره ثانين سعوديين اكيد يعرف..


وبقولك قريب لي كان مثلك واشد.. بس تعالج بمستشفى حكومي..حبوب وجلسات.. تحسن اكثر من الاول.. بس هو بطل العلاج..


وفيه دكتور ثاني بمستشفى الملك فهد الجامعي بالخبر.. بس مضيعه البطاقه اللي فيها رقم جواله..

واول ما احصله برسله لك..


وياريت الادارة تتجاوب معي بسرعة.. اليوم بنزل الرقم لهم وهم ينزلونه لك..

__________________

قال رسول الله صلى الله عليه وسلم:
(سورة البقرة أخذها بركة ,تركها حسرة, ولا تستطيعها البطلة)
البطلة= السحرة..
من فوائدها سرعة اجابة الدعاء

أسأل الله العظيم و نحن على أبواب الشهر الفضيل أن يفرج همك و يكشف كربك...

إن شاء الله بالتدريج و بالمجاهدة و الإصرار راح تنحل مشكلتك ،يمكن راح تاخذ وقت بس بإذن الله راح تتغير

للأفضل ...و صراحة أغبطك على روح العفو و التسامح إللي عندك ... الله يصلح نيتك ....

اخوي موضوعك شغل بالي جدا جدا... وانا ارسلت للمشرفين رقم الدكتور وان شاء الله يوصلونه لك..

وفيه اخوي موجوده دكاتره يمدحون فيهم.. لقيتهم يمدحون في موقع نفسي..

دكتور سعيد هواس.. في مستشفى التعليمي بالخبر.

وفيه دكتور اسمه عبدالله الملحم.. بالدمام سعوي.. بس والله ما اعرف شئ عنه..

وان شاء الله راح ارسل لبنت دكتور تقولي افضل دكتور يعرفه ابوها.. وبرسل لك ردها هنا.. ان شاء الله..

واهم شئ لا تروح الا لسعودي.. ويفضل مستشفى حكومي.. لانه مايكونون طماعين وهمهم الفلوس مثل المسشفيات الخاصة ..

__________________

قال رسول الله صلى الله عليه وسلم:
(سورة البقرة أخذها بركة ,تركها حسرة, ولا تستطيعها البطلة)
البطلة= السحرة..
من فوائدها سرعة اجابة الدعاء

حبيبتي أنا عالجت أخوي بالطريقة الي انت عالجتي فيها نفسك
وهو إقناع الذات
الي عرفته ياقلبي بالحرية النفسية إنه يتم التربيت بذكر الشئ الغير مرغوب فيه يعني
التدخين صعب
التدخين صعب
التدخين صعب
لكن في البرمجة اللعصبية تذكر الاشياء المرغوبه وتقنعي العقل الباطن فيها
صراحة أنا مبتدئة في هذه التقنيات
واتمنى من الاخ view point إنه يتحسن حاله للافضل

__________________

دعووووواتكم لاختكم لحن السعاده

اختي بنفسج

السلام عليكم ورحمة الله وبركاته :
اولاً : اهنئكي بشهر رمضان المبارك واعاده الله علينا وعليك بالصحه والعافيه ويعيننا على صيامه وقيامه والله يجعلنا ممن يحسن صيامه وممن يحافظ على قيامه ..آمين يارب العالمين .

ثانياً : اختي الفاضله والله عجزت اكتب كيف اشكرك كثر ما خطت ايدك بكل كلمة تحاولين فيها انك تدخلين السعادة في قلبي . ومشكوره اختي وانا ماراح اوفي شكر قدر ما نصحتيني ودليتيني على معالجة نفسي ....وكل هذ الوقت اللي كتبتيه من اجلي ...ربي لايحرمك الاجر وربي لا يضيع تعبك .

الحمد لله انا حصلت موقعه في الانترنت وان شاء الله راح اتواصل معاه عبر موقعه واعطيكم تجربتي معاه .


تنبيه: لفظ المشيئهـ يكتب هكذا..( ان شاء الله)..

__________________
----------