اهلين حبيباتي معليش اتأخرت سامحوني بس كنت ارتب بعض الأمور بعد خروج زوجي للعمل

المهم

الحمد لله اللي فرجها علينا اتاري زوجي مسكين هو كمان زعلان بس يا الله يا بنات ماتخيلت انه ممكن يكون مضايق لهذي الدرجة
طبعا الشيطان اعوذ بالله منه خلاني اعمل عمايل امس بس الحمد لله قلبت عليه و انطحن في الأخير
بس في هرجه ابغا اوضحها
انا لما كتبت اول انه يتزوج مو اني شاكه انه اتزوج عليا لا انا كنت اتخيل انه ممكن اما انه يمل و يتزوج او اننا ننفصل عشان يتزوج وحده تانية
ما ادري اش له لزوم دا الكلام الفاضي كله يجي على بالي و انا اشتغل كنت في قمة الانهيار و اعصابي خلاص مدمرة
و اللي زاد الطينة بله اني بعد ما نام شيكت على ايميلي لقيت فيه ايميل منه - مو عوايده يرسل ايميلات لي - بس الايميل غريب و فيه محشات قوية للحريم
عاد انا اختلطت عندي الامور اكثر و البكا زاد

واصلت و ما نمت لتاني يوم و خططت اني انام الظهر بعد ما يرجع من العمل
و الله يعطيكم العافية ما قصرتو خففتو عليا و دخلت في راسي فكرة الايميل خصوصا اني اعرف نفسي ابكي من اول كلمتين قلت فرصة اوصل كلامي كتابيا احسن
رديت على ايميله بكلام مرة قوي و انا اكتبه ما ادري ليش باقول زي دا الكلام كأنه مو انا والله

قلتله انت اكيد ناوي نكد و و و بداية الرسالة هجوم
و بعدها قلتله اني كنت تعبانة و محتاجة كلامك و دعمك و حنانك و و و لا تقول انا اش عرفني
انا لمحت لك و قلتلك بصريح العبارة متى الاجازة ؟؟ نفسي نقضي نهاية الاسبوع لوحدنا!!
ما كنت ابغى منك غير لمسة حانية و كلمة تصبر قلبي
انا ادري انك تعبان بس تعرفني اكره اني اشوفك في اوقات تعبك و عصبيتك تقلب انسان تاني و تعصب و تتهرب مني بكل الطرق بدل ما تكلمني و تفضفضلي و نتفاهم لاني انا تعبانة اكثر منك
انا معد فيا اتحمل اكثر و خلي وحده تانية تسعدك و تحمل اول ما تلمسها و تعبيلك البيت عيال و اللي حوالينك يسعدو بيكم و يلاحظو انك رجعت لطبيعتك قبل ما تعرفني الانسان العطوف المحبوب اللي يوقف مع الناس في الحلوة و المرة و هذا كله انبدل اول ما تزوجنا و كاني انا مصدر همومك
كلها كم يوم و ارتبلك امورك من غسيل و تنظيف و ارتب اغراضي و اترك لك البيت للأبد و اريحك مني
و اتمنى لك أجمل ما في الوجود..<<<<حسيت مالها داعي بس بركة اني كتبتها جابت مفعول في النهاية

والله والله والله يا بنات ما ادري اش خبطني على مخي و خلاني اكتب و ارسلتها بسرعة من غير تفكير
طبعا خفت من النتيجة
ارسلتها قبل ما يجي من الدوام و فتحت له ايميله و خليت رسالتي في اول القائمة و اكيد يلاحظها اول ما يدخل

المسكين حبيبي اعرفه اذا يفكر ما ياكل عملتله غدا يومين و خليته عند الكمبيوتر اغراء عشان ياكل و يقرا الايميل

و جائت اللحظة الحاسمة

دخل غرفة النوم يبدل ملابسه و انا امثل النوم والله كنت مرة قلقانه و انتفض
كان يمشي على اطراف اصابيعه
اخذ دش و خرج و جا عند راسي و غطاني<< زي الافلام و خرج
انا و هو جمبي اتمنيت ارتمي على صدرة وو ابكي بس مسكت نفسي
خرج و راح للكمبيوتر
قرا الرسالة
و انا انتظررررررررررر
عرف اني كنت امثل لان الأكل حار و مو معقول اكون نمت
و اسمع الخطوات عند الباب و قلبي كان ح ينفجر من الخوف و القلق من المجهول
فتح الباب و قال بصوت عالي دودي
و بسرعة جلس على السرير و انا لا شعوريا اتغطيت كلي باللحاف يمكن افكر انه جاي يديني كف يفوقني
بس اتفاجأت بيه يقول حرام عليكي و انخنق
عاد انا دوروني تحت البطانية
بكيت بحرقة اكثر من كل البكا اليومين اللي راحت لكن بصمت
اتكلم اخيرا
اخييييييييييييييرا نطق الحمد لله :14::14::14:
قال سامحيني اا ما كنت اعرف انك لهذي الدرجة تعبانه والله انا آسف اني قسيت عليكي بس غصبا عني
انا مستحيل اصدق انك قلتي هذا الكلام
ليش تتركيني
انا ما افكر اعمل شي بدونك
هوا يتكلم و انا اعيييييييط
خلاص كلامه من جد حسيته من قلبه والله
و انا ابكي تحت اللحاف و هو يلح اني ارد عليه يقول سامحيني خلاص
و فتح اللحاف و مفاجأة
لقاني انطبخت و وجهي متبهدل من التعب و البكا عيوني صارت قد الفصفصة و وجهي زي التوت الاحمر
طبطب عليا و جلسنا نتكلم و انا راسي قريب من صدره و اسمع بطنه من الجوع والله تتعصر
قلتله خلاص قوم كل قال لا ابغى اتكلم كمان و فعلا جلس يفضفض و حسيته ح يغمى عليه من الجوع سحبته من السرير عشان ياكل
قال والله ما تلاومي الا نفسك حاجننك من كتر الكلام خلاص معد اكبت في نفسي
و اكل و ما قدر مسكين يوقف كلام من يومين و هوا ساكت و بيعوض و انا في قلبي زغدة من موقفة نفسي اضحك بس خفت لا يزعل
و خرجنا في الليل و اشترينا كم سمكة زينه للحوض حقي هدية يعني و انا كاني كنت باحلم لاني مو تعبانه تعب عادي الا مواصلة 24 ساعة و حاسة اني طايرة في هوا من النوم
و بس
و توته توته
خلصت الحدوتة

__________________
رب لا تذرني فردا و انت خير الوارثين

ألف مبروك حبيبتي ان المشكلة حلت
ربنا يخليكم لبعض و يفرحكم بنونو قريبا

__________________

الحمد لله شفتي ما احلى الهدوءءءءءءءءء
مباااااااااااااارك الصلحة ويارب السعادة للأبد
:14::14::14::14:

__________________

والله اني افرحت الك يا دودو والف الف مبروك :14::14::14::14::14:
والله يسعدك ويوفقك يارب
وان شاء الله ربنا بيرزقك بيبي زي القمر قريبا

يالله والله بكيتييييييييني انا كمان

ماشاء الله عليه تبارك الرحمن حساس مرة وعاطفي

ربي يخليكم لبعض ولا يفرق بينكم ابدا

والله يادودي بكرة لما ربي يرزقكم العيال راح تفتكروا هدي الايام بكل محبة

لانها خلتكم قريبين من بعض

مو زي لما تخلفوا على طول

كل شي فيه حكمة من ربي

الله يرزقكم الذرية الصالحة يارب

الحمد لله الذي بنعمه تتم الصالحات

اسأل الله لكم ان يديم عليكم الألفة و المحبة..و ان يرزقكم الذرية الصالحة


تنقل نسخة من الموضوع إلى عالم المشاكل المحلولة بعد اكتمال الردود

__________________
اللهم احفظ اخي و ارفع عنه..و اكشف ضره..و اعده الينا سالماً معافى..عاجلاً غير آجل..

و احفظ اهل بيتي من كل سوء...

يا حي يا قيوم برحمتك استغيث..
حسبي الله و نعم الوكيل..
لا تنسونا من الدعاء..

ألف مبروك يا أخت يادودوي .. وعقبال ماتكمل فرحتكم ان شاء الله بالأولاد

الله يديم عليكم الفرح والسعادة اللهم آآآآآآآآآمين

مبروك يا حبيبتي علي الصلح
ربنا يديمه عليكم ويرزقكم بالذرية الصالحة عن قريب اميييييييييين يا رب العالمين

__________________

مبرووووووووووووووووووووك يا حبيبتي والله فرحت جدااااااااااااااااااااااااااااااااا جدااااااااااااااااااااا بهذا الخبر

لاني كنت زيك منهاره من يومين وخليته يبكي برضه

الله يسعدكم يااارب ويبعد الشر عنكم ويرزقكم الذريه الصالحة

__________________

الحمدلله والله فرحتيني
بصراحة انا قريت موضوعك وما عرفت شو اكتبلك
حسيت انو في كلام كتير بداخلي حابة انو قلك هو وما عرفت عبر لذلك ما كتبت رد
وكنت حاسة انو هيك رح تكون النهاية لانو صار معي نفس الموقف مع زوجي من فترة وطبعا لأسباب مختلفة
وكان شعوري وتفكيري وتخبيصي كلو متلك وحتى الرسالة اللي كتبتيها نفس الكلام انا قلتو بس وجها لوجه
وأخيرا كانت النهاية مثل نهاية قصتك
المهم الحمدلله فرحتيني والله يخليكن لبعض ويرزقك الذرية الصالحة

__________________
الكيس من دان نفسه وعمل لما بعد الموت/والعاجز من أتبع نفسه هواها وتمنى على الله الأماني