ام فهووودي .. حبيبة قلبي ...

صلي على النبي واذكري الله يا امي .. هاي الامومه .. تعب جدا .. عرفتي ليش اجر الام عند رب العالمين كبير ورسولنا الكريم عليه افضل الصلاه والسلام وصى عليها 3 مرات ..

شوفي حبيبتي انا قمورتي كانت نفس قمورج بالضبط .. طول يومها في حضني وتخيلي ماتقدر الا علي .. طول 3 شهوور .. يعني تخيلي ما اتحرك ولا حركه وانا راقده .. لانه معالي سمو الشيخه فاطمة تبي ترقد علي .. وكان والله جسمي خلاااص يتكسسسسسر ..

بس الحمدلله يوم بدت اشوي تكبر .. صارت تفهم .. اقول لها ماما تعبانه رقدي عندي .. وترقد ع السرير معاي .. والحين لها ان شاء الله شهر 2 بتكمل سنتين وهي على سريرها لاني مشيت معاها بالتدريج .. هو تبين الصج انا ف البدايه عودتها على انها تكون في حضني بس الحمدلله رحت عنها هالعاده ..

وحتى يوم كانت صغيره ماتصدقين اني ماكنت اطبخ الا اذا وديتها عند البنات فوق .. وطبعا البنات مب دوم عندي .. يعني كانت وايد اوقات ماقدر اطبخ لانه الشبخه فاطمة تبيني اشلها .. بس الحمدلله اشوي اشوي .. خفت من زنتها وحنتها انتي عليج بالدعاء وعطيها حنان قد ماتقدرين .. لاتحسسين حبيبج انج تسوين له هالشي غصبا عنج .. عطيه كل حبج وحنانج .. وقبل لا يرقد قعدي بوسيه واقري له قران .. وقولي له احبك ..

تعرفين انه فطومتي الحين فديتها قبل لاترقد لازم تقولين .. أبج <<<يعني احبج ..

صدقيني بكره يكبر ان شاء الله .. وترتاحين .صراحة الله يعيينج لانه صج هالمرحله وااايد صعبه خاصه انح بروحج ... وزوجج اغلب الوقت في الشغل ..
بس بقول لج حبي .. ماتقدرين تحطينه في عربيته وتنزلون تتمشون اشوي .. في الحديقه او تحت عمارتكم او بيتكم .. لانه الطلعه تريح البيبي على فكره ..


الله يعنج يا قلبي .. تتكلمين عن ولدج وانتي معصبببببه وكانه عمره 10 سنيين .. ويعاندج .. حبيبتي الاطفال يموتون ع الدلع .. وعلى فكره هو متعود على دقات قلبج وحنانج من بطنج .. عشان كذا يبي يكون قريب منك ومن حنانك .. الله يخليك لا تنرفزيين نفسك يا عمري ..


الله يصبرج ياقلبي ... واذا كنتي واثقه انه قمورج مافيه شارب ومنظف وبطنه مايوجعه ولما شغلتي له القران هدى ونام خلاص خليكي على هالحركه بس لاتطفين كل الانوار خلي ولو نور خفيف جدا جدا ..

الله يصبرك يارب . اختك .. ام فطومه

__________________
يارب فرج كل هموم نساء ورجال المنتدى وارزق كل بنات المنتدى الزوج الصالح ... وارزق من يتمنى الذرية الصالحة .. اللهم آميييين ...

يارب يا رحمن يارحيم يا قادر على كل شي .. يارب فرحني في اختي نايت ... عاجلاً غير اجل ...
يارب نسمع خبر ملكتها على رجل خير طيب صالح فالح يعينون بعض على طاعتك وعبادتك ...