حبيبتي المصرية لا تحزني ان شاء الله خير
و سيجعل الله بعد عسر يسرا
حبيبتي انتي اكتر واحدة عارفة خطيبك وعارفة اخلاقه وصفاته وظروفه اكتر من اهلك
يعني انتي اللي تقدري تقنعيهم بيه من تاني
حبيبتي الاهل دايما بيبقوا عايزين لبنتهم أحسن واحد في الدنيا لانهم دايما شايفينها احسن واحدة
واللي يستاهلها لازم يكون احسن واحد طبعا من وجهة نظرهم
يعني انتي ممكن تكوني شايفاه احسن واحد لكن هما لأ
والله يا بنتي انا مريت بظروف مشابهة ان عيلتنا معروفة وخطيبي كان من بلد تانية يعني اهلي ما يعرفوش عنه حاجه
وبرضه كانوا معترضين بس انا تمسكت بيه ودلوقتي الحمد لله بيحبوه جدا لاني انا كنت عارفاه اكتر منهم
انتي كمان تمسكي بخطيبك
اوعي تفتكري ان دي قسوة من اهلك او اخواتك
لا والله يا مصرية بكرة تحسي هما قد ايه بيحبوكي وبيتمنوا تكوني احسن واحدة
لما تتجوزي وتبعدي عنهم هتشوفي غلاوتك عندهم قد ايه
اهم حاجه انك ما تزعليش اهلك منك واتكلمي بهدوء
والاهم انك ما تحسسيش خطيبك ابدا باللي بيحصل عندكم في البيت
او تقوليله علي اللي اخواتك بيقولوه عليه
لان ان شاء الله المشكلة هتتحل بس ممكن يفضل شايل في قلبه منهم لانهم رافضينه
ويا بنتي والله ما تقلقي كل ده هيعدي ان شاء الله وبكرة تتجوزوا بمشيئة الله
وكل ده يبقي ذكريات
اتمني اسمع عنك كل خير دايما
وربنا يسعدك
__________________
اللهم بارك لي في زوجي وفي ابنتي واجعلها ذرية صالحة
31-01-2009, 05:29 PM
ضوابط المشاركة
العرض الشجري