شكرا لكم اخواني على ردودكم واحتاج منكم المزيد منها

اخي العابر انا لم اطردها هي اللتي طلبت من اهلها ان يأتوا ليأخذوها بعد نقاشنا وهي دائما ترى نفسها

مخطئه تبكي او تطلب اهلها لمساعدتها او تعصب يعني حتى تقلب الامور علي انا

يا اخي السلام عليكم

بصراحة انا(حسيت انه انا بشبه زوجتك وبعطيك الحل)

الصراحة انا برمضان الماضي صارت مشكلة مع حماتي بحكم انها ساكنه بنفس العمارة واراها كثيرا وصارت تدايقني ولا اقوللك اني مش غلطانة المهم صارت مشكلة كبيرة وبطلنا نحكي مع بعض .. تمام بعدها زوجي شد على ايد امه الله يسامحه وبطل يحكي معي بطريقة لطيفة وصار لئيم ووو.... المهم صار في عزومة عند بيت اخته لانهم كلهم لا يحكو معي كيف اروح ما قبلت اروح هي وبناتها ما بحكو معي طيب كيف اروح ما قبلت هيك هو صار يصرخ واخد ابني وراح لحاله وقاللي اتصلي باهلك ييجو ياخدوكي اتصلت فيهم اجا بابا وماما وانا بقولك اهلي مدلعيني وبابا شد على ايدي وبعدين قال لي روحي يا بابا البسي وتعالي معانا
انا حسيت اني ما بدي هيك يصير فاهمني بدي بس اضل عند زوجي مع ابني
المهم قال لي اخوي لا خليكي أنبسطت قالي بابا بتقدري تقعدي معه ولا لأ قدام زوجي قلتله اه

طبعا زوجي زعل وقالي انتي اول ما قال لك ابوكي روحي بسرعة رحتي انا بس عارف ليش هي امور عزة نفس فاهمني اخي يعني انا متأكدة مية بالمية انه زوجتك تريدك ولا تستغني عنك وبدها ترد لك اليوم قبل بكرة فأنت اذهب لابوها وقول له يا عمي العزيز بدي اقعد مع زوجتي ومعك ومن هالكلام و
ازا قالت لك اعترف باخطائك وقولها انتي كمان اعترفي وقولها يا حبيبتي اللي فات مات احنا اولاد اليوم ولا نحتاج لنتذكر اشياء مش حلوة بعلاقتنا ..

وقولها انا ما بقدر اعيش هالحياة وبشكل حازم جدا بتحبي تلمي اغراضك اليوم وتيجي معاي او مسلا اهلك بكرة بيجو يوصولكي البيت .. ولا بتحبي ننفصل عشان مشكلة عابرة بتصير بين اي زوجين فهمتن.. قلها احنا بينا ولد بلاش يذوق مرت الاب.. وهي رح تغار اكيد ولا امرأة بالعالم بتقبل يكون لها ضرة..
بعدين سدقني يا اخي فكرك هي حاسه احساس ذنب فظيع انها تركتك وكمان صورتها امام الناس سيئة يعني كيف هيك تاركة بيتك وقاعده عند اهلك وابوها وامها حاملين هم كبيييير لانه زوجوها ليخلصو منها ومش ترجعلهم هي وطفل واستقبال ابوها الجيد لك دليل انه حابب يرجعها لك

بعدين لازم تطنشها ولا تبعتلها رسائل حب ولا سؤال ولا شي ولا كانه عندك خبر لانه ازا بعتلها بكبر راسها
بعدين انا زوجي يوم المشكلة بعد ما روحو اهلي و الله العظيم حاربني بحدود الاربعين يوم ما يحكي معي ولا كانه في حدا معه بالبيت كان سيء جدا انا ما بقول لك انه تكون سيء بس حسسها انه مش كل قصة صغيرة بدك تروحي عند اهلك وتكبريها اللي بينا بضل بيننا وممنوع ازا صار بيتنا مشكلة تروحي تتصلي فيهم تقوليلهم تعالو خدوني عندكم المشكلة بتنحل بينا اما لما يعرفو بتكبر وما بترجع تنحل

انا متأكدة انه إن شاء الله بترجع لك

الله يكون في عونك
اخي خبرنا شو بسير معك