السلام عليكم ورحمة الله وبركاته

كيفكم يا أعضاء ويا عضوات المنتدى ؟؟

بغيت أستشيركم في موضوع .. أتمنى تشوروا علي

بنتي اللي عمرها خمس سنوات في المدرسة ..كل يوم أعطيها مصروفها اليومي وتروح

المهم هي أحيانا تشتري بالمصروف وتجيب للبيت لأختها

في الكم أسبوع الأخيرة لاحظت إن بنتي بتشتري أقل من مصروفها .. يعني في فلوس بتروح (فين ما أعرف )

أول الأياك كانت تقول لي طاحت مني

بعد كذا شكيت إنها ما تعرف تصرف يعني لما أعطيها خمسة وأقول لها رجعي ريال ما ترجعه

المهم بعدين قلت يمكن حقت المقصف بتاخذ منها .. وأعرف إني أسأت الظن ولكن في إن في الموضوع

أرسلت رسالة للمديرة ... وقلت لها إنتو زودتوا الأسعار ولا كيف ؟؟ ومو معقول اللي بيصير

فقالت لي معليش وأعتذرت وإنو الموضوع طلع خطأ في تقدير الأسعار من مسؤولة المقصف ..

((( تتوقعو كلامها صحيح )) طبعا أنا ماصدقت وعرفت إن الموضوع إنهم بياخذو ضعف المبلغ من

الأطفال لكل سلعة عشان المقصف هو مكسب المدرسة ووراهم حفل ختامي ..

وكلمت كم وحدة من اللي بناتهم مع بنتي قالولي لاحظو نفس الشي .. وإن المدرسة حرامية

اليوم لما جات بنتي سألت اللي تجي معاها في الباص وهي حرمة كبيرة .. مسؤولة عن

توصيل الأطفال لمنازلهم وكمان عن المقصف .. فسألتها والله وجهها صار ألوان وقالت لي ما أعرف

ما أعرف .. بكرة أسأل المديرة .. قلت لها ترا المديرة ماراح تنفعك وأنا سألتها ورمت الموضوع عليكي وقالت

إنو أنتي غلطتي في الأسعار .. قالت ما أدري والله ...

شفتو مبين الموضوع مدبر ومخطط ..

الان أنا صراحة أفكر أكلم المديرة .. الموضوع مو مسألة فلوس والله لكن المسألة مسألة إستغلال ..

لو ريال .. ليش هذه الحركة الدنيئة منهم ..

هما لو نتأخر في أقساطهم ما يقبلو .. ولازم ندفعها ... ليش هما كدا يسوو ... أستغلال والله

إيش رأيكم ... ؟

ولو المديرة قالت لي إحنا رفعنا الأسعار للضعف .. هل من حقهم .. ؟ أنا اللي أعرفو إن الرقابه

ما تسمح بوضع أسعار خيالية ..

قسما بالله أتصلت على المديرة ولكن من حسن حظها ماردت .. والله بغيت أقولها راح أسويلكم

فضيحة على السرقة من الأطفال ... نعم أنا أعتبرها سرقة .. وبأسلوب قذر ..

وكمان بدون إعتراف يعني تلف وتدور وتقول معليش خطأ .. وهي أساسا المديرة اللي مدبرة كل

هذا الموضوع ..

أنتظر رأيكم

ايش هالمدرسة وايش هالمديرة !!!


والله أول مرة أسمع شي مثل كذا!!!


تقولي عصابه!!


الله يكون بعونك يا سمو الأميرة وأكيد ضروري تروحيلها وتكلميها مو بس بالتلفون


ويكون أفضل لو تجمعي الأمهات الي لاحظوا السرقه وتروحوا ويا بعض


ما صارت يعني ..


اذا محتاجين فلوس للمدرسة .. المفروض يرسلوا للأولياء الأمور رسائل محترمة مو يسرقون من الأطفال !!!



وطمنينا ايش بيصير

__________________

أختي أم هيا

هذا اللي قاهرني والله ..

وهذه مو أول مرة .. قبل كذا طلبو مبلغ لرحلة الأطفال .. على أساس يشترو لهم وجبه ..

أنا والله مادققت .. وأرسلت المبلغ مع بنتي .. لكن وحدة من أومهات الأطفال ما سكتت وقالت لهم المبلغ كثير

وإيش الوجبة اللي راح ياكلها الطفل ..

وتقول لي أنو ايش ... بيعطو للأطفال وجبات صغيرة ... والباقي يشترو فيه المعلمات لنفسهم تخيلي ..

والله ما أدري فين راحت الأمانة .. في هذا الزمن خلاص ماعاد في أمانة ..

يعني الأم ترسل طفلها ومتطمنة عليه .. وماتدري إيش اللي بيصير ...

ياعيني وبنتها تقول قالت لها ياماما شفت الأبلة بتاكل بطاطا وما أشترولي ..

يعني ايش نسوي نترك البيت ونداوم مع أطفالنا .. مستحيل

أشكرك على المرور

أختي الكريمة...نصيجة اكتبوا خطاب شكوى للمديرة "وان كنت تشكين انها تساهم في موضوع استغلال برائة الأطفال وجهلهم" ,فحو ى الخطاب"انكم والدات الطالبات تلاحظون زيادة في تسعيرة المقصف عن ماكان عليه قبل فترة,ونأمل توضيح الأمر وإلا سنضطر آسفين لرفع الشكوى لوزارة التعليم" ويوقع عليه مجموعة من والدات الطالبات....

أعتقد هذا هو الحل الأسلم.

مع الأسف ظهرت مع الأيام أن أغلب المدارس اللأهلية ذات هدف تجاري بحت بغض النظر عن الهدف الأسمى وهو الهدف التربوي.

__________________
[gdwl][gdwl]نفسي الَتي تملك الأشياء ذاهبة.......فكيف أبكي على شيء كان قد ذهب[/gdwl][/gdwl]

بالفعل أخوي ...

المدارس الأهلية أصبحت تجارية ... وإستغلالية .. بالدرجة الأولى ..

لكن للأسف .. قبل شوي كلمت وحدة من المعلمات اللي أعرفهم في مدرسة أهليه أخرى .

قالت لي يحق للمديرة أن ترفع أسعار المقصف إلى ثلاث أضعاف .. تخيلو ..

لأن المقصف هو دخل المدرسة .. يعني ببساطة لو بكرة كلمت المديرة راح تقول لي ايوة غيرنا الاسعار

والله المفروض تكون هناك مراقبة عليهم ...

من بكرة بإذن الله راح أقنع بنتي ما تمر ولا تشتري منهم .. وراح أخليها تشتري من السوبر ماركت كل أسبوع ..

هذا أنسب حل ..

السلام عليكم و رحمة الله و بركاته

عفوا,

نقل الى هنا حيث مكانه الأنسب ان شاء الله ,,

__________________
اللهم تقبل دعاء

للاسف بعض المدارس الاهليه يستغلون الاطفال
اذا تبين نصيحتي اعطي بنتك سندوتش وعصير وحليب من البيت
واعطيها مصروف ريال فقط
عوديها انها ماتأخذ مصروف عالي لانها بعدين اذا كبرت بتطلب اكثر
ولان الخمسة ومع زحمة المقصف ممكن تضيع او يتلاعب ببالباقي من قبل مسؤولة المقصف
وطالبات الابتدائي دائما يشتكون ان عاملة المقصف لم تعيد المبلغ المتبقي لهم
فمابالك بطفلة بعمر ابنتك
صدقيني ابنتك اذا استمرت هكذا تفقد مصروفها فستشعر بالقهر والظلم وربما يؤثر على نفسيتها مستقلا لاسمح الله
والله ييخلي لك بنتك وتشوفيها عروس

منالأفضل انك تعطيها كل شي من البيت بدل ما تشتريه

واعطيها مصروف لا يزيد على ريالين لان سنها صغير في حال اشتهت شي او احتاجت شي

الله يعينا عليهم هالمدارس الأهلية

راح أكملكم اللي صار معاي ..

اليوم كلمت المديرة .. وكلمتها كلام جامد ..

أول ما بدأت قلت لها ممكن تشرحيلي الموضوع .. ؟

شوفو الكلام الغير مقنع بتاتا واللي ما أتوقعته

قالت إنه بعض الشوكولاته سعرها في السوبر ماركت بيكون 1,75 فطبعا الطالبة ما حتقدر تدفع 75, فنبيعه بريال

والمدرسة بتتحمل الخسارة ..

قلت لها شوفي .. أول شي أنا بقول لك بنتي فلوسها بتنقص مو بتزيد . .. يعني أنتو بتبيعو بسعر أغلى مو أرخص ..

وثاني شي المدرسة بتتحمل الخسارة هذه صعبة شوي لأنو المقصف دخل المدرسة ومستحيل تخلوه خسارة ..

رجعت لفت كلامها وقالت بعض الكيكات يكون سعرها ريال ونص فإحنا نبيعها بريالين عشان النص .. وهوا كرتون واحد بس

ولما نخلصه ماراح نجيب منه لأنو جبناه بالغلط ..

فقلت لها والله يا أستاذه إنتي من حقك تبيعي الشغلة أللي بريال بعشرة .. أنا ما أتدخل .. لكن يكون عند الأمهات علم

حتى نقرر نخلي بناتنا يشترو من مقصفكم ولا لا .. مو لما نجي المدرسة نلاقي الأسعار طبيعية ولما نروح تزودوها

المهم جلست تبرر موقفها وأكثر شي تقول إحنا اللي بنتحمل الخسارة عن الطالبة ... هذه اللي ما قدرت أفهمها ..

المهم .... أنهينا المكالمة وقالت لي ما راح يصير اللا اللي يرضيكي ..

والله يا أخوات ويا أمهات أكتشفت إنو مدارس رياض الأطفال لازم لهم مراقبة شديدة من الأم ..

ولا يلعبو ويسرحو على كيفهم ..

أول ما قريت الموضوع احسبه طفل بالإبتدائي وطلع برياض اطفال !

يعني انا استغرب طفل صغير ما يعرف الصح من الغلط يعطى مصروف تروح كلها بالحلويات وبعدين انتم تعودوهم على الدلع والبذخ زيادة على كذا المقصف يسرق الطلاب ! إذا كان الطفل برياض اطفال ياخذ فسحه 3_4 ريال اجل اللي بالثانوي كم يآخذ باليوم ! 15 ريال الله يرحم ايام اول والله ما عرفت المصروف إلا لما دخلت المتوسط

اعطوهم اكل من البيت خلوهم يآخذوا اكل صحي ونظيف ونوعوا لهم من ساندوتشات اللي يحبوها مره جبن مره شوكلاته , بيض , مرتدلا وعصير وبطاطس وفروا لهم كل شيء بحيث انهم ما يحتاجون المقصف وما يتعودون على المصروف وطلب الفلوس خصوصا انهم صغار