والدتي وعلاقتها بزميلتها في العمل
السلآم عليكم والرحمــة ~
حــآابه أنزل قصتـي عندكمــ .. وأتمنى ألقى عندكمــ الحل !!
لأني بصــرآاحه ماا عــآاد هالوضـع أحتمله أبد !!
المشكــلة بدت تقريبــآأ من حوآالي السنـة ~ لمــآا بدت أمي تكلمني عن وحدة عندهاا في الدوآامــ
تقولي عنهــآا إنهاا تقولهاا أحبج وإنتي غيـر عن بااقي الحريم ، ومرة قالتلي : انهاا تقولهاا أنا أرتاح لمـآا أحضنـج !!!
المشكلة إن أمي (( كــآانت )) اتشوفهاا صغيرة واتعاملهاا كنهــآا بنتهاا ~
أناا كنت أستغرب الوضــع ~ بنت جامعيــة أعرف إن الي قاعد يصير مع أمي ، يصير معااناا يوميــا بس نعرف اندبر امورنــآا ونتخلص من هالنــآاس ، لأن ما يجي من ورآاهم غير المشــآاكل ~
نبذة عن أمي ~
إنسـآانه ملتــزمه ، دينـه ، خلوقـة ، عصبيــة جداً ، حبـوبه ، اجتمااعية جدا ً
دايم تحذرني من يوم كنت في سن المرآهقه عن البناات وحبهن لبعـض ، وكيف اختار اصدقائي .
في البداية كانت تتصل وتتكلم مع أمي في حضورنا أنا وخواتي ، وفي الأغلب كان فضول مني أبى أعرف حقيقه هالبنت وشو الي تبـى توصل له ~ ماا كنت أبى أظلمهــآا حتى ولو بتفكيري
وبعد فترة كثرت الاتصالات وصارت في أوقات وأمااكن ~~~ مزعجــة بالنسبـة لناا
أمي تكون بين الناس وبين الحريم ,, وحضرتهاا تتصل واتسكر !!!
أو تتصل وتجبر أمي إنها ترجع البيت أو تقوم عن الجلســة !!
الكل لاحظ ~ واناا انزعجت ,,
اختي كاانت تتصرف بالتيلفون من دون ما ترجع لأمي ~~ لأنها ماا رح ترظى !!
اختي كانت على وشك زوآاج ~~ آخر أساابيع عزوبيتهاا عاشتهن بين دموعهاا على سريرهاا وبين غرفتي وكلامهاا من قهرر هالبنت !!
أمي ماا ترظى كلمـة تمسهـــآآ ولا ننطق بحرف عنهاا !!
طوول هالفتــرة وأناا خــآارج الموضوع ، يعني ماا صار شي من أمي زعلني ~ رغم إن كل الي كنت أشوفه يقهرني~
كنت أبي أكلم أمي ~ألاقيهاا في الصــآاله تتكلم معـآآهااا ~ موضوعي كــان مهم وضروري وماا أقدر ءأجل الكلام عنه دقيقــه ~ ومن جانب آخر ~ هي أمي أنا وكلامهاا مع هالدخيلة كان مجــرد ~ ســوالف مدتها ساعاات ~
صـآار موقف وزعلت من أمي كثير لدرجـة إني كرهـت حتى أكلمهاا !!
ولأول مرة أثور وأخبرها بكل شي في خاطري عن هالبنت ، قالتلي أناا أرتاح معهاا ، أنتو ما تبون راحتي !!!!!
راحتها مع بنت طايشه تعيش مراهقتهاا || عمرهاا 21 سنــه وأمي عمرهاا 43 !!!!!!!!
شو هالمواضيع الي يتكلمون فيهاا ســآاعات
أخواني ضاق صدرهم من الموضوع ~ أخوي البكر قعد وتكلم مع أمي ~ ياا عيالج يا هاي البنت !!!!
وظلت تكلمهاا بالخش !!!
ويتلاقون في الدوام !!!
أخوي خبرني شي ، ما رضيت أصدقـه بس كان الشي واظح ومن وقتهاا وانا ما أطيق أقعد مع أمي !!
كان الكل يفور عليهاا ويزعل ~
واناا ساكته ~ من بعد النقــآاش الاخير سكت مدة 6 شهور
اشوف بعيني ، وكأني ما أشوف !!
اسمع بإذني وكأني ماا سمعت !
بس من حوالي 3 شهور ~
زادت العلاقه وكبر الموضوع ووصل خالتي ~ في البداية كنت أعتقد ان امي فيها شي بس بعد الي صار لخالتي اكتشفت ان الدخيله هي الي فيهاا اشياء غلط ~
بنت خالتي بعد تشتكي~ اشتكت لي أكثر عن مرة عن الوضع الي عايشه فيه امهاا مع هالدخيله !!
الوضع غريب !!
ما أقدر أستوعب ان امي قدوتي تصير جذي ~
الشهرين الي مروا ، ماا قامت تتكلم معاها قدامي ،
النتيجــه من هالموضوع ,, وهو الشي الي خلآني أدخل منتداكم وأكتب موضوعي ~
إني ما قمت أحب أقعد مع أمي ~ لاني كل ما قعدت ما احس بها امي ، صارت انسانه ثانيه ~ غريبه كأني ما أعرفهاا !!!!
أمي ,, وربي إني أعشقهــآا وأحب الجنـة الي تحت أقدامهــآا ~ بس شو صاير في الدنياا !!!
قولولي شو الحــل ~ تعبت كملــنا سنه ونحن على هالحال!!!
الإشراف :
تم تعديل العنوان ليتناسب مع المضمون .
التعديل الأخير تم بواسطة ملاك الغربة ; 17-04-2009 الساعة 09:16 PM
17-04-2009, 06:53 PM
ضوابط المشاركة
العرض الشجري