يا اختي والله اني اخذ بكلامك وتعجبني ردودك كثير بس التطبيق صعب يعني ما تغير شي اذا برجع لوضعي الاولي معه انا ابيه يتغير شوي شوفي الحين ما صدق اني زعلانه والله انه ما يجلس في البيت على الاقل يقول اسلي اولادي شوي ما يعرفهم يقعد معهم شوي وصار يتنرفز بسرعه منهم وهو اول يقول لي لا تصرخين عليهم ولا تهاوشينهم الحين انقلب الوضع صار يالله يتحملهم يجي ياكل ويطلع ويجي وهو مره دايخ وينام طيب انا بكيفي زعلانه اقعد مع عيالك وانتي تقولين ما فيه حياة مثاليه المشكله اني الظاهر اقتنعت في ها الشي لاني انصمت بارض الواقع فعلا الواقع غير وبيني وبينك من كثر ما قريت الظاهر ما فيه سعودي رومنسي واذا على اولادي والروضه انا مخنوقه والله نفسي اطلع واختلط بس وش اسوي بعيالي انتي عارفه الحين اجتماع الحريم بدون اطفال واضطر اعتذر علشان عيالي وهو ما يكلف على نفسه لو مره وشافني متحمسه يقول خليهم عندي وروحي واذا بروح لصالون وقلت له امسكهم يقول لي لا والله ما عندي استعداد تبين اخذهم واحطهم عند امي طيب مو معقوله ارمي اطفال عند حرمه كبيره ولا هي قادره عليهم واخرتها بينقال راحت تتمشى ورمت عيالها يعني ما يساعد ابد ابد والخادمه مثل ما ذكرت ما ابيها عندي لحد ما يكبرون اعيالي شوي يالله عاد حليها لي كيف اغير جو وواوسع صدري

الشي الثاني با النسبه لزوجي انا مو من النوع الي اقدر اروح واقول له انا زعلانه منك وابي اتكلم معك وووووووو ما اقدر والله كنت اكتب له واحس ينفع معه ها الاسلوب كثير بس خلاااااااااااص انقرفت حاسه اني مالي نفس ليش اكتب واعبر وانا ما جيت على باله حتى احس اني بس اهين نفسي