سالفتك ذكرتني بسالفة صديقة قديمه لي ..

بحكي لك القصة ولك الحكم اخي الكريم ..

كانت لي صديقة قبل 3 سنوات .. تقدم لها رجل اربعيني على كلامها 43 سنه متزوج وعنده 5 اطفال
اكبرهم عمره 21 سنه ,, طبعا الخطبة جات للبنت من صديقتها والي هي بالطبع زوجته صديق الخاطب !!

كلمتني البنت تشاورني ,, وانا بالطبع انكرت عليها فعلتها وقلت لها انتي بنت وعمرك 20 سنه حرام ترمين نفسك هالرميه
اول واحد يطق الباب توافقين !! وش فيه مواصفات علشان توافقين وعطيتها محاظره طويلة عريضه ,,
وحجة الخاطب انه تزوج بنت خالته مجبور وهي اكبر منه بسنه واحده علشان يطلع يكمل دراسته الجامعية بالخارج !لان اهله رفضوا خروجه للدراسة من دون زواج ,, وتزوج وهو في 18 سنه على حد زعمه !!

وجلس مع زوجته الاولى مرتاح لمده 22 سنه الين طلع لهم بسالفه الرومانسيه (( اللي طايحين فيها الاربعينيين)) ..
مع العلم ان زوجته الاولى دكتوره في علم الفيزياء بجامعة في الرياض .. مثقفه وذات خلق ..

انا قلت لصاحبتي منتي مجبوره على هالزواج الطريق قدامك لسه طويل وانتي لسا صغيره ..
قالت لي بالحرف الواحد : اذا ما تزوجت الرجال ,, راح يتزوج غيري , يعني انا ما راح امنعه من الزواج , اخذه انا وأبر فيه وفي عياله بعدين تبين تقنعيني ان الشاب افضل من المتزوج ؟ الشاب ياخذ في عز شبابك ولما توصلين مشارف الاربعين تزوج عليكي زي مو اللي خاطبني مسوي مع زوجته على الاقل اتمتع في شبابي ولا ابدا حياتي معه من الصفر ولما اكبر يرميني هالرميه !!! . بعدين انا ابي اطلع على الدنيا ابي صيف في فرنسا وعيد في جنيف , انتي عارفه انو رصيد الرجال فيه (...) انا اعرف بوكر في البنك (..) طلع لي رصيده !! وانتي عارفه انه وارث من ابوه مجموعه شركات (..) وانه وانه وانه المهم مبين البنت داخله على طمع انا انصدمت صدمه عمري فيها ,, وقالت الفرصه ماتجي الا مره بالعمر وانا ابي استغل هالفرصه والرجال شخصيته مو مره قوية يعني اقدر عليه ! .
طبعا في فتره الخطبه (( فتره النفاق والهياط اسميها احيانا )) وبعد الملكه جالسه تقنع الزوج بأنه مالي دخل في ام العيال ولا ابي اشوفها انت لك حياتك معها ولك حياتك معي ,, ومن هالحكي اللي لفت فيه راس هلضعيف ..
وما حددت موعد الزواج الين حط لها بيت باسمها ( بحجه انه يضمن مستقبلها وعيالها مستقبلا من عياله اللي من الاولى )
تم الزواج وانا خفت علاقتي معها جدااااااااااا لدرجه انها انقطعت تقريبا !
وحينها كنت لا اعلم من تكون زوجته الاولى حتى تم الزواج ,, حيث انني علمت فيما بعد من تكون , ولاسف انها كانت بنت صديقة والدتي وعرفت انها دكتوره جامعيه ..والخ .

اللي ابيه اوصله من الموضوع .. ان الزوج لما خطب كان قايل انه ماراح يطلق ولا يفكر بالطلاق حتى وان هي طلبت ماراح يطلق علشان عياله ..

لكن من 3 شهر من الزواج طلبت الزوجه الاولى الطلاق وعندما رفض .. اخذت ابنائها وذهبت لاهلها .. والان ستكمل عاملها الثاني عند اهلها .. ولكنها معلقه ..وفقدت 20 كيلو من وزنها واثر ذلك في عطائها في الجامعة !! اما بالنسبة للابناء فعندما يعلمون بمجيء ابيهم الولد الكبير يطلع من البيت ما يبي يشوف والده والبنات اصبحت علاقتهم جافة جدا مع ابيه لا تتجاوز تلبيه رغباتهم الماديه فقط !! والادهى والامر ,, ان الزوجه الجديده انجبت فتاة , ولم يشاهدوها اخوتها الى الان وأشك ان كانوا يعلمون بذلك .. لا اعلم ان بدأ ضمير الرجل بتأنيبة ام لا .. ولكنه دمر اسرته ومنزله وشتت ابنائه واثر على نفسياتهم واللي يغبن انه يقدر يوفر لعياله (قصر) لكنه للاسف تاركهم ساكنين في بيت خوالهم !! لا حول ولا قوة الا بلله ..

اخي الكريم .. الي ابي اقوله لكـ ..
لاتكون سبب في تدمير مستقبل ابنائك ونفسياتهم ..
الحياة يبي لها تضحيات ..

فكما قالوا قديما : لا تأتي الرياح بما تشتهي السفن ..
حاول تعدل في زوجتك .. كما قالوا الاخوان قبلي

ولله يكتب لك اللي فيه خير وصالح

آه بس يا أختي الكريمه مايخرب التعدد إلا مثل هالأشكال انا يوم اطلب الزواج من ثانية لأسباب ولو تعدلت الاسباب مادورة على الثانية بتاتا زوجتي صعب تعدل نفسها بسهولة 19 سنة وداخلين بالعشرين علاقتنا مع بعض علاقة عادية كأننا نؤدي واجب الزوجية فقط وتربية الأولاد لاتحب التجديد حتى في العلاقة ماتحب التجديد ابدا انا يضيق صدري لما اشوف متزوجات يحكون علاقاتهم الرومنسية مع ازواجهم وانا مو محصل الشي هذا نهائيا في زوجتي تعبت معاها ومن تكرار الكلام معاها تصدقون مع انها جامعية ومثقفة إلا انها بالأمور هذي جاهلة ولا تريد التعلم سبحان الله

__________________

الذي دمر الأسرة الزوجة الأولى التي طلبت الطلاق. أما الأولاد فأكيد الأم بتزن عليهم صباحا مساءا حتى كرهتهم في أبوهم , هذا شئ معروف. هي التي خربت بيتها.
صدقوني قدام ربنا يوم القيامة الزوجة هى التي ستسأل و ليس الزوج. التعدد حلال محلل انتم ما تفهون

طيب أختي ماشي فاهمك و كلامك معقول. لكن شو هي أنانية هذا الرجل؟ هل ترك بيته ؟ هل طلب أن يطلق الزوجة الأولى؟ هل قال لا أريد الإهتمام بأولادي و سأهتم بالعروس فقط. الأولاد و الزوجة غادروا بمحض إرادتهم و رفضوا أبوهم صدقيني هذا عقوق مهما كانت مبرراتهم. هم أصروا على رفضه هم الذين سيخسرون لأنه سكون عائلة جديدة و ينجب أبناء يعوضوا إلي فاتو لكن الأب واحد ما في غيروا و بر الأم مع عقوق الاب يعتبر عقوق في مجمله و لا تنفعه الام التي أبرها في شئ .