أهلا أختي صابرة

والله الأخوات ردودهم كافيه ووافية

بس بقولك عن تجربتي الخاصة

أنا جامعية وزوجي ما عنده ثانوية عامة

أول ما خذيته حسيت بالفرق .. بس قلبه الطيب يشفع له أي زله أو خطأ

وكان راتبه ضعيف وأنا ما أشتغل .. بعد سنة صار عندنا ولد ..

أول سنتين كانوا شوي صعبين من الناحية المادية .. بس سبحان الله ..

بعد السنتين أنا اشتغلت وهو بدا يترقى في العمل .. وكنت أقف بجانبه كثيرا ماديا ومعنوياً

علمته أشياء كثيرة .. شوية كلمات انجليزي .. على شوية كمبيوتر ..

صار إنسان طموح .. مع شوية مغامرات تجارية ..

الحين ولله الحمد .. بعد 12 سنة زواج ..

صار بزنس مان جيدجدا .. ووالله صار ذكي في كثير من أمور الحياة

الأسهم والعلافات الاجتماعية ..

إذا حبيتي زوجك كل شي سلبي راح يتعدل أو تتأقلمي على الطباع اللي ما تقدري تغيريها

بس بقولك نصيحة دوم أنصحها لكل وحدة مقبلة على الزواج

أنا عندي قناعة أن من أهم أسباب السعادة الزوجية ( طبعا بعد الدين والاخلاق والتكافؤ الاجتماعي )

1- الاستقلال التام في منزل مستقل ( يعني لا تسكني لا مع أهلك ولا مع أهلو )

2- تنظيم النسل ( يعني كل ثلاث أو أربع سنوات طفل ، عشان أنتي ترتاحي وزوجك يرتاح والبيبي بعد ياخذ فرصته في

التربية والدلع )

ولا تنسي الاستخارة .. الاستخارة .. الاستخارة

فالخيرة في ما اختاره الله

وربنا يتمم لك على خير يا رب