أخوي

مشكلتك سهلة جداااااااااااااا و ما يحتاج تفكر بالإنفصال لا سمح الله

مشكلتك كالتالي كما أعتقد :


1 - إنت حاليا شكلك مضغوووووووووط بالمرة و حبيت تنفس عن نفسك كما هو واضح من طريقة كلامك،

و الشيطان يوسوس لك إنه سبب ضغوطاتك ، هي زوجتك. و تخلص منها عشان تنتهي الضغوطات.

و احتمال توك متزاعل معها و بدأ الشيطان يلعب. لكن السبب مو هنا ، لإنها جدا سهلة الحل فلا تشيل هم.


2 - مشكلتك هي مشكلة أغلب الرجال ، الزوجة بحاجة لإهتمام زايد و أنا منهم. بس الفرق بيني و

بينها إني فهمت طريقة تفكير الرجل ، لإنه نحن النساء ، تفكيرنا مو مثل الرجل. و احتمال كبييييير إنك

في فترة الملكة عودتها على إشباعها عاطفيا فهي ما تبغى تفقد الإهتمام هذا و تعتقد عدم سؤالك

عنها ، إنه خلاص ما تحبها.


3 - مو حكاية إنها ما تخاف منك و لا تهابك ، يعني اللي زوجته تخاف منه على بالك مرتاح ؟؟؟؟؟؟؟؟

تلاقي زوجته كل ما راحت مكان تكلمت عنه من وراء ظهره و دعت عليه بالموت و أعرف كم وحدة من

النوع هذا. الحكاية إنها تعودت على الدلع بس إنها مزودتها حبتين .



لاحظ إني قلت لك ( هي مزودتها حبتين ) فيا إنك تتكلم معها و تشرح لها إنه الرجال مو مثل الحريم.

بس شكلك كل ما قالت لك ليه ما أرسلت لي مسج و زعلت ، تقوم جري ترسل لها فهي تعودت.

فلازم تشرح لها ، إنه محبتك لها مو شرط بالرسايل و كذا ، و هي من كلامك واضح إنها رومانسية جدا

و حساسة و تبغى تحس بالأمان و رسايلك هي اللي تحسسها بالآمان و هذا هو تفكيرنا النساء.


إنت اشرح لها ، علشان لا تستنى هي الشئ هذا يوم تنسى بيوم و لا تقوم تقلب عليك. و نفس

الووقت ، حاول بين فترة و فتتتتترة بعيدة شوي إنك تفتكرها لو بوردة أو أي شئ.


باين عليها تحبك و شاريتك ، مو إنها ما تحترمك بس إنت لازم توضح لها وجهة نظرك ، يمكن سكوتك

يقهرها ؟؟؟؟