أتفق مع رأي الأخت ( تركتها لله )

صحيح إنه حل قاسي و صعب ، بس فترة و تعدي

و سنة من عمرها مو مشكلة دام إنه لصالحها

و زميلاتها لازم تبعد عنهم بأي طريقة ، عشان كذا قلت لك تنقلوها من مدرستها

بس النقل راح يخليها يمكن تتعرف على شلة أسوأ من شلتها

يعني تنفصل من المدرسة ، عشان يكون عقاب لها

و دحين في دا السن سهل تتحكموا فيها و لا يوم تكبر و ماحد يقدر يمسكها


يعني لو جيتي و قلتي مثلا ، أختي عنيدة و لسانها طويل ووو إلخ

كنت قلت لك حاولوا تتفاهموا معها و تتقربوا منها و إلى آخره

لكن الموضوع وصل لعلاقة مع شاب ، يعني هناك طرف آخر بتروح لجهته يوم تشوف قسوة أمك عليها

بس مصيرها تعقل و تعرف إنه القسوة هذه لصالحها و اللي حسيته من كلامك إنه أمك انسانة عاقلة و فاهمة

بس البنت عنيدة و زميلاتها يشجعوها على الغلط