كريستالا طبعا أختى أنا والله ما تركت الصدقة منذ أن تزوجت منذ قرابة الثلاث سنوات حتى الان ولا يوم ولو تركتها يوم بأعوضها فى اليوم الذى بعده جزاك الله خيرا على النصيحة

حبيبتى زهوورة يارب تفرحى الشهر ده بأخ أو أخت لأولادك ويرزق كل أخواتنا هنا يارب

بنات أنا متضايقة جدا لأن الدورة أول مرة تتلخبط عندى كدا عمرها ما اتلخبطت قبل زواج أو بعده ولا حتى لما كانت الدكتورة بتقول لى إن عندى تكيسات المهم انى فطمت بنتى من أربع شهور تقريبا لظروف مريت بها وكان عمرها سبع شهور ومن وقتها والدورة رجعت تجينى تانى لأنها كانت منقطعة تماما مع الرضاعة وكانت بتأتى كل 28 يوم بالساعة ماشاء الله ولكن الشهر ده اتأخرت وعندى تعبها قلت يمكن حمل لأنى مش واخدة أى مانع للحمل ولا أى احتياطات وقلت أتركها لله أنا أصلا حملى يحدث بصعوبة

ولحد دلوقت يقالها عشر أيام ما جت وحللت دم بعد يومين من تأخرها طلع سالب ومتضايقة جدا مش عشان مطلعتش حامل لا والله صحيح أنا مشتااااااااااااقة جدا للحمل مرة أخرى ولكن موقنة إن ربنا سبحانه وتعالى جعل لكل شيئ قدرا
وكمان أنا ولدت قيصرية وعندى سكر ربنا يعافيكم جميعا

ولكن الى مضايقنى أنها رجعت تتلخبط تانى وخايفة أدخل فى دوامة التكيسات مرة تانية والمنشطات والبهدلة الى حصلت لى أول سنة زواج

نفسى تنزل أوى عشان حتى أعرف أشرب بردقوش أو مرمية وأعمل حجامة وزوجى مش راضى أبدا قال لى لما تنزل اعملى الى انتى عاوزاه لكن دلوقت لا مع إنى محللة دم ومفيش أدق من تحليل الدم

معلش طولت عليكم لكنكم أخواتى وبأحبكم واتشغلت عنكم فترة طويلة

__________________