اقتباس:
المشاركة الأصلية كتبت بواسطة موهبة الكويت
الرجال يختلفون كما تختلف النساء
في موضوع كتب قبل فترة
محتواه
ام من خوارم الانوثة التعليم العالي للمراة
وانت تثني على المراة المتعلمة
الصراحة صار عندي لبس في عقلي منكم
|
غلاتي موهبة
بسم الله عليك من اللبس العقلي
ترى كلها اراء وكل شخص والي يحب
اتذكر الموضوع الي تقولين
انا بعد لاحظت في رجال يحبون المراة
المتعلمة ورجال لا ..
تفسيرها من وجهة نظري .. نفسي
المسالة نفسية وفكرية بحتة
كل شخص (رجل ولا امراة ) يقدر يستغل نقاط
قوته ( سواء مال جمال علم منصب ) اما بشكل
سلبي او ايجابي
بالنسبة للرجال الي مايحبون المراة تتوسع بالعلم ..
وحدة من ثنتين
يا انهم يؤمنون ان المراة تستغل كل نقطة
قوة عندها بشكل سلبي .. هذا ايمان مترسخ
بعقليتهم ..
او انهم يعتبرون وجود ..بس مجرد وجود نقاط القوة
هذي = تحدي او تهديد لمكانتهم كرجال
وبكلا الحالتين يحاولون يجردون المراة من نقاط
القوة هذي .. فهمتي ؟؟
لذلك نشوف رجال يقولون ما نحب الزوجة تكون
متوسعة بالعلم .. او موظفة .. او لها تجارة او اي نشاط
فيه نفع لها هي على وجه الخصوص .. ما يبونه
يبونها متفرغة كليا لهم عشان ما تكتسب اي نقاط قوة
وعشان بالاخر يطمئنون انها ما تستغني عنهم باي شكل
طبعا معروف ان القناعة الغلط .. هي اساس الموضوع
بالمقابل ..
في رجال يحبون اصلا المراة تكون عندها نقاط قوة
لان اولا يحسون الشخصيات الطموحة لها جاذبية
البنت كل ما تعلمت اكثر كل ما فهمت الحياة والناس اكثر
وهذا الي يبونه .. ثانيا ما يتحسسون من نقاط القوة هذي
ولا يعتبرونها شي مهدد لامانهم النفسي
الايمان المترسخ جواتهم ان البنت ممكن تستغل
نقاط قوتها بشكل ايجابي .. عكس النوع الاول
بس يتوقعون (ومن حقهم طبعا ) انها تستغل
هالنقاط بشكل ايجابي وان هالنقاط ابد ما تاثر
على الواجبات الزوجية
لذلك تشوفين بعض الرجال ( وبصراحة يعجبني
هالنوع بقوووووووة ) يقولون : ما عندنا مانع البنت
تتوظف او تدرس او تسوي اي نشاط تحبه
اهم شي .. لا ياثر بواجباتها الزوجية ولا ياثر
بطريقة تعاملها معنا ..
والبعض الاخر اصلا يحفزونها تكتسب نقاط القوة
هذي يشجعونها على الدراسة التجارة اي نشاط
لان البنت الخاملة الي ما عندها اهداف
ولا هوايات ولا انشطة .. ما تجذبهم ابد حتى
لو كانت احسن ربة بيت واحسن زوجة واحسن ام
هذولي الرجال اتوقع طبيعتهم النفسية اكثر تعقيد
__________________
شتان .. بين من تسيره مبادئه ، ومن تسيره مصالحه
التعديل الأخير تم بواسطة روعة المعنى ; 09-03-2010 الساعة 12:36 PM
09-03-2010, 12:30 PM
ضوابط المشاركة
العرض الشجري