ما أدري ليه حسيت من مقدمة الموضوع إنها مطلقه فلازم تتحمل اي شي يجيها

اعتقد ان زوجتك واصلها نفس الاحساس

ما في نقاش ان أمك على العين والراس

وكونها تضحك بوجهها فالله يجزاها خير

تشتكي لك وهي تقابلهم كويس فهذا شئ يحسب لها مو عليها

لأنها تراعيهم على شانك على الرغم انها تتعب من الجلوس والسوالف

واي حامل تحب تاخذ راحتها وتتمدد

وهي لسى ما عرفت أهلك ولا اخذت عليهم

طول بالك عليها وخذها باللين

واشكرها على حسن ضيافتها

وهمسه صغيره بعض النساء تحب التشكي الكثير من أجل فتح النقاش والسوالف

ناقشها بالبدايه وحول الموضوع ببساطه لأي سالفه ثانيه

وكأنك ما سمعت شي

يعني مو كل شي تشتكي منه لازم تلقى له حل

لا اسمع بس وطنش

لأن المرأه تحب تتكلم عن الي يضايقها

لو انها تعرف انه مافي حل

او الحل مستحيل

يعني لا يمكن تطلب تطلع اهلك او حتى ما تستقبلهم بشكل مناسب

اتمنى اكون أفدتك