ايام المتوسط كان جنبي واحد دافووووووور ... كل سؤال يسأله المدرس يرفع يده عشان يجاوب ويقومه الاستاذ ويعطي الجواب المهم اول مره ثاني مره كثرها هو وانا ضاقت فيني الوسيعه اخاف يقومني وانا موفاهم شي وانفضح المهم هذا صار علي عقوبه كل سؤال رافع يده ومجاوب وقلت له خلاص يا بن الحلال يكفي درينا انك ماشاء الله عليك الا اذا ودك تنكبني هذا شي ثاني وبعدين يا خي عط غيرك فرصه يجاوبون قال يا خي محد يرفع يده قلت الله يعدي اليوم هذا على خير فضحتني وحرجت علي :14:
المهم انا كل مارفع يده اضغط نفسي على تحت وامد رجولي قدام لحد مايصير راسي على رقبة الكرسي عشان ماابين وينتبه لي
مل الاستاذ من وضع الفصل المزري اللي مايجاوب فيه الا واحد وبدا المدرس يهزأ بالفصل ... انتوا بقم ما بتفهموش انتم مش وش مدارس بصوا مفيش الا واحد هوا اللي يقاوب ويتكلم ويناظر لي شوفوا مافيش الا محمد هوا اللي يقاوب وياريت العلم يتنئل بالعدوى كان أعدا (( بغيت اكتب اسمي )) ... كان انتئلت العدوى لولهااان .... وشوي ويسأل سؤال ويقول بسرعه أوم أوئف وقاوب يا ولهااان ... رديت لا شعورياً على طول ماذاكرت يا استاذ قال اللي بسأل عنه هو درس اليوم المهم حقدت على اللي جنبي وأنا واقف شفت دبوس جنب كرسي اللي قدامي المهم سحبته وقلت دواك عندي ... وقام كالعادة وعلى طول احط الدبوس على الكرسي وراسه لفوق
وجلس وانتظره يصير فيه شي ماصار المهم قام وجاوب اطل والا الدبوس يلمع لازق فيه ... ويجلس ولا صار شي بديت ادفه يمين يسار قرب ناظر ... والا اللي ورانا يقولون لك تقدم شوي مو شايفين السبوره شوي والا كأن بجنبي زلزال هههههههه قربعة كرسي على طواله وكل شي صار بسرعه وأطل فيه الا هو مزحلق وداخل تحت كرسي اللي قدامه ويصارخ وصار الوضع حوسه انا هنا انفجرت ضحك ماقدرت اسكت ووقفني بالفصل وانا بس اضحك ويسأل المدرس ولا عاد يرفع يده صاحبنا بلش بعمره ...
المهم من بكره بالطابور اكلت جلد سنه بيوم .