أختي

قريت قصتك من البداية للنهاية ، حسيت بكل أحاسيسك ..
بأتابع الردود للنهاية لكن اللي بأقوله لك حاليا .. لإني مريت بأشياء مثلك بس على أخففف بكثير و الحمد لله
عندي أخ مثل أخوك ،، عندي شخصية مثل شخصيتك ، أشياء متشابهة تقريبا عالعموم

بأقول لك حاليا نقاط ، يمكن ما راح تفيدك تماما ،، لإنك ( متعبية خلاص .. يعني مليانة و فلللل ) .. بس حاليا
إنت لازم تشيلي الترسبات القديمة ، لازم تشيلي أي شئ ترسبات بدأت تظهر على القاع حاليا :

1 - اللي بيصير لك و صار لك ، هي ردة فعل طبيعية جدا ،، يمكن فضفضتك راح تخفف عنك الكثير بإذن الله

2 - كلام الشغالات مو كله صدق ، ترى بالفعل يكون زوجك راح يغطيها ،، صح الشئ هذا من الماضي
لكن اخسريها ، روحي أقري موضوعي عن شغالتي
ترى ما يصدقوا يلقوا شئ عن صاحب البيت عشان يخربوا على الوحدة

و حكاية إنه يقول لها ، البسي لي ووووووووو إلخ ،، كذاااااااااااااااااابة شغالتك و أبصم لك بالعشرة
طنشي كلامها و لا تاخدي عليه

3 - المادة لها دور كبير ، الفلوس لها دور كبيييييير في المشاكل الزوجية
المرأة إذا كان راتبها أكبر من راتب زوجها ،، و خاصة لو كان بخيل الرجال أو عيونه على راتبها
تبدأ تحس إنه وجوده ماله داعي في حياتها ، خلاص هي كل شئ ممكن توفره ، هي بغنى عنه

4 - إنت تفكري في أطفالك ، و تبغي لهم الحياة الكريمة .. و بديتي تستقلي بنفسك
يعني ذكريات من الماضي سيئة + ترسبات بدأت تظهر على القاع + وظيفة و استقلال + زوج نزل من نظرك

كلها بتولد عندك المشاعر هذه

لكن بدليها يا حلوووووووووووة ،، بدليها كلها و اعكسيها ،، برمجي عقلك و صدقيني بتقدري لإنه شخصيتك قوية

---------------------------------------------------------------------

أبغى أعطيك مثال ، ولدي مرة من المرات تجمعوا عليه أطفال الأقارب الثلاثة يأذوووه و يستفزوه ههه،
أصغر واحد فيهم الفرق بينه و بين ولدي سنتين و نص ،، يعني ولدي أصغر منه و لسى توه ما كمل 3 سنوات بالتمام

المهم ، جلس هذا يسحب لعبة من يد ولدي و التاني يعمل حركات في وجهه و يقهروه

ولدي يطالع فيا يبغاني أقوم أدافع عنه و بدأ يخاف منهم ، قمت أشرت لولدي من بعيد و قلت له يا الله إنت > ben 10 <
هذا البطل الكرتوني ، ولدي مغرم فيه

عاد ولدي صدق حاله و صدق إنه تحول بطل خلاص ، و قام يدافع عن نفسه و كلهم خافوا منه

---------------------------------------------------------------------------

القصد

خلينا نحن نتحكم بالظروف ، مو الظروف تحكمنا ، لا تقولي أبغى أتطلق

شيلي كلمة الطلاق من قاموسك ألحين ،، و خلي بدايتك ألحين هنا معنا
و أنا متأكدة إنه بقية الأعضاء و العضوات ما راح يقصروا بإذن الله