مساء الخير للكل
انا احب اقولكم عن قصتي وابي رايكم بصراحة وابي نصايح جدية تساعدني كيف اتصرف انا قصتي تتلخص اني ملكت من يومين طبعا يوم الملكة كانت سوالف عادية بس حسيت انة انسان بسيط جدا وحجول جدا يعني طول الجلسة ماحاول حتى يمسك ايدي ولا كلمة حلوة ولا اي تعليق عن الفستان عن الميك اب ولا شي سوالف باردة جدا وجاء اليوم الثاني وتوقعت منة اول ماصحى الصباح مسج او اتصال ولا شي قالي انة بيجيني بالليل وبيجيب العشاء وياة وماسمعت صوتة غير ايوة انا عالباب وصلت يلا فتحي قلت اوكي دخل الاح تعشينا سولفنا مادري انا سمعت كثير عن قصص المخطوبين كلام حلو اهتمام يعني اي شي لو بسيط بس مادري انا واللة مو جريئة انا بعد خجولة من سوالفة وبساطتة حسيت ان الوضع عادي فا توقعت عالاقل لمسة ايد ابسط الاشياء مادري احسة يتكلم وياي كاني واحد من اصحابة مرة خجول او ثقيل او بريء وطبعا على فكرة مافية اتصالات بالتليفون مادري لية يعني انا كاثاني يوم من ملكت الكل اذا شافوني مشغولة بالجوال يقولون لي اي اكيد تكلمينة ومشغولة معاة اكيد مسجات ومادري ايش بس الحقيقة ان مافي هذا الشي ابدا مع انة مسموح عندنا بس ماادري هو بارد شكلة وبرودة قاهرني مادري كيف اتصرف معاة انا نفسي اعيش هالايام مبسوطة واعيش لحضة بلحضة ياريت تنصحوني عن كيف اتعامل معاة واخلية يفك شوي من خجلة لانة صار يقهرني متحطمة جدا
انتضر ردودكم

يا اختي خلي الامور على طبيعتها .. يازين الامور على طبيعتها والخجل زين .. ولا تتعبي راسك بهالاشياء مدام انه راعي دين وخلق هذا اهم شي

اختي انا عن نفسي لو املك صدقيني فيني خجل يعني حتى لو ازورها واجلس معاها ما اتجرى امسك يدها والايام كفيله مستقبلا بان تشيل الخجل

تحياتي

.. اولا ألف ألف مبــــــــــــــــــــــــرووك على الخطبة , والله يتمم لك على خير ..

.. عزيزتي .. أنتي تقولين انك توك مخطوبه من يومين !!!

.. يعني توه الناس على مسك اليد والحركات الجميله , والمسجات والكلام بالجوال ..

.. يعني صبري شوي , وراح تتعودين عليه ..

.. وهو يمكن يستحي شوي منك وانتي أكيد تستحين منه ..

.. اما انه ما علق على فستانك والميك آب , لانه الرجال مو من اختصاصهم هالامور هههههههه

هذه اختصاصنا احنا البنات ههههه , لذلك , وبكل دلال ونعومه أسئليه , شنو كان رايك بفستاني يوم الملكة ؟ عجبك , واسئليه بعد عن الميك اب , لانه هو توه ما يعرف شنو يقول وعن شنو يعلق , يخاف يقول لك كلمه او يعلق على لبسك ومكياجك , وانتي تزعلين او تنحرجين صح << ترى هم كذا الرجال تفكيرهم ..

.. واللمسات لاحقة عليها , لما يتعود راح يمسك يدك , وووو الخ ,, بس لازم تحطي لك حدود ما تتخطيها ,, لانه كل شيء بوقته حلو صح !!

.. الله يهنيـــــــــــــــــــــــــــــــــك ويســـــــــــــــــــعدك ..

__________________

الف مبروووووك..وعقبالي وكل العزابيه هع

اختي بدري..وتو الناس على هالحركات..والله يوفقكم


صبري له اسبوع والا اسبوعين يطيح الميانه هههههههههه

ومن جد الرجال ماراح يعلق..لأنه مايدري وش يقول..

اسئليه وراح يجاوبك وبكذا راح تطيح الحواجز
وشوي شوي المواضيع تأخذ عمق اكثر..لين يلمس ايدك..مو معقوله على طول كذا اكيد بيستحي

بالتوفييق للجميع يارب..~

[rainbow]الكتماذا ما حفظتي سرك من اول مرة ومن اول موقف ياخسارة انتبة فية مليون الف بنت عانس تبي طاري عرس مو لمسة بعدين الحياء شعبة من الايمان انتبهي لحياتك واللة يوفقك قولي امين وكمان كدا كويس معنها مو حق بنات عشان ما تجنينة بالغيرة بداية حياته اللة يصلحك لنفسك اقضو حوائجكم بان[/rainbow]

لازم تنظري لها بنظرة ايجابية

إنه ماله تجارب لا سمح الله مع بنات أو علاقات أو أو .. إلخ

اولا الف مبروووك والله يتمملك على خير :14:ثانيا اعتقد انك عجولة جددداا .والرجل يتمنى ايضا يعيش تلك اللحضات ولكنه لربما يكون متردد بسبب عدم معرفته لردات فعلك فالبنات يختلفن في تجاوبهن.ارجو ان اكون وصلتلك الفكرة ولا داعي لقلقك هذا فسوف تسير الامور على احسن حال يارب .

شكر لكم على ردودكم بس انا ودي ارد ارد على شمس هالدنيا انا مو قصة اني ماحفضت السر انا ابغى حد ينصحني انا ماعرف والسؤال مو عيب السالفة مو قصة لمسة ايد هو حتى تصال مايتصل مو محسسني اني مخطوبة عشان كذا انا مستغربة وحبيت احد ينصحني ويرفع لي معنوياتي شوي ياريت تكونو فهمتو علي

ليسا بكير اكيد مش من يومين حيمسكك و يبوسك و تلفونات و سهر و هالحركات..اصبري شوي الشب خجلان..انتي حبيبيه بنفسك اكتر و خليه يتعلق فيكي اكتر و شوي شوي بيسير الوضع احسن..الوضع طبيعي جدا..و انت بادري بالمسجات الحلوة و صبحي عليه
و اتصلي اطمني عليه و ان شالله رح يسير احسن

تو الناس مافي شي يدل على إنه بارد

اطرديه من راسك وعيشي حياتك

لا تقارنيه بأحد عشان ماتتعبين من التفكير

الله يتمم لكم على خير