أسمع ياخوي ، زوجتك اسمح لي ( سوسة ) ..

تروح عند أهلك و تسلم على أمك و أبوك و ما تسلم على أخواتك ؟ و تزعل يوم انهم يقوموا و يطنشوها ؟؟؟؟؟؟
على الأقل تسلم عليهم ، احتراما لك و لأمك و أبوك .. صح و لا غلط ؟

و ببعد كذا تجي تشتكي لك عن أخواتك و تشتكي لأهلها و هي تدري إنه أختك تصير زوجة أخوها
يعني تبغى تخرب على أختك بأي طريقة ،. نحن حريم و فاهمين الحركات هذه اللي مالها طعمة ..

الحركة الأولى اللي حصلت ،. كان المفروض إنك تعاتب زوجتك مو أختك ..
و إنك تفهم الإثنين إنهم بعد كذا قدامك يتعاملوا بإحترام ، لإنه اللي ما يحترم الثاني قدامك فهو بيقلل من قيمتك ..
أو لا أحد يفتح فمه بعد كذا قدامك .. و بينهم و بين بعضهم إذا ما كنت إنت موجود فإنت مالك دخل بينهم

هذا الشئ فهمه لأخواتك و زوجتك

و الموقف الأخير اللي حصل دحين ، إنت خليها بالنسبة لزوجتك درس ، حتى تحط لها النقاط على الحروف

هي تبغى أخوها و اهلها يبهدلوا في أختك بأي طريقة و حتى لو وصل الموضوع للطلاق لا سمح الله و هي تخرج منها
زي الشعرة من العجين ، و تعمل نفسها بريئة ، و زوجتك أصلا سبب المشاكل اللي بين أختك و أهلها ..
لإنه من الأشياء اللي حصلت و اللي إنت قلتها ، واضح إنها جالسة تعبي راس أهلها على أختك ..


الحركة اللي حصلت دحين ، هي راحت و سببت مشاكل لأختك و زوجها ،، و قامت زوجتك لإنها اسمح لي و اعذرني ..
( تفكيرها خبيث أو مكر نسوان ) .. بعد ما أشعلت اللي بينهم ، دقت عليك و قالت أنا و إنت مالنا علاقة باللي بينهم ..
مع إنها هي سبب اللي صار بينهم ، و زي المثل اللي يقول ( ضربني و بكى ، سبقني و اشتكى )
علشان كذا ، جريت لأهلها و أخدتها حجة علشان تلوي ذراعك و ذراع أختك ..

حكاية إنها تطردك من البيت ، و أكيد أخوها راح يوصل له الخبر .. و يوصل لأختك الموضوع و أهلك ..
فلابد لك من الحزم في التعامل ..

1 - تتكلم مع أهلك إنهم لا يتدخلوا في الموضوع
2 - تكلم أختك و تقول لها ، مررررررررررررررة لا تدخل حالها في الموضوع ،. و اللي يسألها تقول ما أدري مالي علاقة ..
رجال و زوجته ، يتفاهموا مع بعضهم ، أنا مالي دخل .
3 - زوج أختك ، تطلبب منه فصل حياته عن حياتكم نهائي .
4 - بنتك خليها عند أهلك .. و لا تخلي زوجتك تشوفها ، علشان تبطل مرة تانية تستعمل البنت كسلاح لها .
5 - خليها عند بيت أهلها و لا ترد على مكالماتها و لا على رسايلها حتى لو حاولت تلين مخك،
و لو تخلي جوالك مقفل فأفضل .. خليها فترة لحد ما تبطل حركاتها النص كم .. و تعرف كيف تحافظ على بيتها ..
6 - خلي عقابها المرة هذه شديد ، بحيث إنك ما تسامحها غير بشروط ، إنه تحترم أخواتك و أهلك ، إنه ما تتدخل في
حياة أختك و لا راح إنت تعاقبها إذا صار شئ في حياة أختك بسببها ، إنها مرة ثانية تحترمك امام أهلها ..

بس إنت طنشها فترة و هي راح تلاحقك ..