بسم الله الرحمن الرحيم ...


السلام عليكم ورحمة الله وبركاته ...


بعد الإطلاع على جميع المشاركات والأراء المطروحة في هذا الموضوع وبعد التفكير مليئأ فيها أقدمت على الخطوة التالية :

طلبت بشكل رسمي ( برسالة كتابية على الإيميل ) من أخيها المتدخل في عملية الصلح التالي :

1- أن يكون اجتماع بيني وبين بعض من أخوانها الرجال. >>>> في هذا الاجتماع ببين لهم كيف أختهم تعاملني .

2- بعد الاجتماع الأول اجتماع آخر بحضور والدتها وبعض من أخوانها ( أقصد أخوان زوجتي ).>>>> يفترض بعد الاجتماع الاول أني كسبت أخوانها إلى طرفي وبذلك سيساعدوني على كسب والدتهم أيضاً.

3- على زوجتي أن تحضر إلى الاجتماع الأخير وان تقدم اعتذارها أمام والدتها وأخوانها على طردتها لي ورميها بنتي علي وان تطلب مني أمامهم أن أرجعها إلى البيت.

4 - نجلس ثلاثتنا ( أنا وهي وأخوها ) في شقتنا لمناقشة كيفية إدارة حياتنا الزوجية .


أرسلت له مطالبي هذه الأن ....وأنتظر على أمل البدء في الخطوة الأولى وهو الشروع في عقد اجتماع مع الرجال فقط.



أرجو عدم إغلاق الموضوع ...لاحتمالية حدوث بعض الأمور التي أحتاج فيها إلى أرائكم .


تحياتي,,

الله يهديها لك ويطيح ما في راسها من عناد ...
الله يوسع صدرع عليها ....الله يكبر عقلها وتحس فيك ...

الله يعطيك الصبر ...ويعطيها الحكمة وينور دربها...

اخي الكريم اذا كنت باقي على زوجتك وتحبها لا بد من الصبر ....نتائجة مثمرة ...

انت عجووول....وزوجتك يبيلها وقت علشان تستوعب مشاكلها واذيتها ...

الصبر ....الصبر ...خلها تعيد حساباتها وتفقدك ....

باذن الله...

راح ترجعلك بعقلية ثانية وتفكير ثاني ان شاء الله يسرك ويطيب خاطرك

وفقك الله لما تحب وترضا ..

__________________
الفيلم الوثائقي : أحداث الاربعاء 16 - 11 على اليوتيوب

أختي سافر معي ...أشكرك على هذه الدعوات التي تريح النفس ..


الآن مر على مشكلتنا 23 يوم ولم يحدث بيننا أي تواصل ما عدا الرسائل التي أرسلتها هي والتي لم أرد عليها .. يعني مطنشها


اليوم أرسلت لي رسالتين :

1- طبعأً هي الآن في زيارة لأخت لها في مدينة ثانية تبعد 300 كيلو متر ...أرسلت لي :

" مبسوووووطه مررره في ( اسم المدينة ) وناسه وطلعات مع خواتي تفتح النفس "

ملاحظة مهمه : طبعاً سافرت مع أمها وأخت ثانية ولكنها لم تخبرني ... أنا دريت بالصدفة عن سفرتها ..وحاولت أقطع الشك باليقين فاتصلت على أخيها الذي اتفقت معه أنه كل بين يومين بجي أخذ بنتي ..فقلت له يا أبو فلان بجي أخذ بنتي ...فحاول الاتصال بأخته فوجد أنها مسافره ومعها ابنتي...فرد علي قال ما بتقدر تشوف البنت الليلة ...خلها بكرا ...قلت له ليش ؟؟ طبعاً حسيت منه أنه ما يبي يقول لي لأنها ما أستأذنت لا مني ولا من أحد من أخوانها الرجال ...قال لي مسافره ...فعتبت عليها عند أخيها ليش تسافر من دون ما تقول ..فقال أنه عتب عليها هو أيضاً ..

طبعاً رسالتها اللي تقول فيها أنها مبسوطة كانت بعد اتصال أخيها بساعات ..


الرسالة الثانية :

أرسلت لي نكته ...أحسست من هذه النكته ( طبعاً لا أستطيع أن أكتب النكته لأنه من غير المناسب أن تكتب هنا) أحسست بأنها تعيرني علي شيء فيني فهي نوعاً ما واضحة شعرت بالإهانة داخل نفسي ....طبعاً لست متأكدا ولا أريد أن أظن فيها ظن السوء ....ولكن ما سر هذه النكته ؟؟


كيف تقرأون الرسالة الأولى والثانية ؟؟

سفرها مع بنتها من غير ماتعرف يبيلها وقفه جااااااااااااااااااااااااااااااااااااده منك هي مازالت على ذمتك ومن غير المنطقي تسافر وانت تعرف بصدفه حتى لو زعلانين من بعض وكيف امها تسمح لها تسافر من غير ماتعرف انت ؟؟؟؟؟؟؟

واسلوبها ترسل نكته اكيد انت فهمت ايش الي تبيه مو منطقي انها تبي تضحكك او توسع صدرك اكيد تبي تهينك
زوجتك جالسه تفرغ قهرها منك بطريقة غير لبقة ومافيها ذوق
واسمحلي اقولك
طالم وصلت فيه انها تنسى الخطوط الحمراء لها وتبداء تستفزك بطريقة مافيها ذوق
ماتستاهل انك تفكر فيها وماتستاهل انك حتى تحاول تناقش اهلها في الموضوع
خليها هي الي تسعى لهل شي مو انت
زوجتك متأكده انك تحبها ومهما سوت هي ماراح تتخلى عنها وكئنها تحاول بتفكيرها انها تأدبك واعتذر بشدة على الكلمة بس هذا الي فهمته
يبغالك تعيد سياستك معها


الله يهديها

استهتار واضح سواء سفرها بدون إذنك أوالرسالة الأولى وكأنها تقول :

أنا مبسوطة ولا دارية عنك

أما الرسالة الثانية فليست بأفضل من الآولى فكيف تبعث نُكت وتقول بأنها مبسوطة ومستانسة

وأنتم متخاصمين ومتقاطعين !!

إلا إذا كانت تريد إغاظتك

الحقيقة أن زوجتك بحاجة لوقفة حازمة لتوقف المهزلة وتشعر بقيمة الحياة الزوجية

لا تستعجل أو تفقد أعصابك استفيد من أخطائها لكي تدينها بها

هذه فرصتك للإنفراد بإخوتها وإطلاعهم على طيش ابنتهم وتصرفاتها المستفزة

موفق

__________________

[استغفرالله وأتوب اليه.]

الله يعينك اخووي

اسمحلي ياخوي انتقدك شووي
انا كل ما ادخل المنتدى القاك متواجد !!! يا اخي اذا زوجتك سافرت 300 كيلو ومستانسه وماهمها لا بيتها ولا زوجها ولا شي

انت بعد خذ امك وابوك ورح عمرره وغير جو شووي
الشيئ الوحييد الي اذهلني في زوجتك هي مدى معرفتها فييك !! لدرجه حسييت انها تقرا المنتدى وتقرا مشاركاتك لان قبل فتره كتبت ان زوجتك الى الان ما اتصلت ولا اعتذرت وبعدها كتبت انها ارسلت لك رساله مكتوب فيها الحين عرفت غلاي !!! انت امام امرين يا ان البنت تدخل المنتدى او انها فاهمتك زين
بكل الحالتيين الان دبر لك سفره غير فيها شووي هي في بالها انك جالس بس تفكر في الموضوع وهذا صحيح لانك متواجد اغلب الوقت هنا بالمنتدى فأنت رجل تحرق نفسك عشان انسانه مريحه راسها


انت الان انس مسألة الاجتماع وابحث لنفسك عن سفره خفيفه تغير فيها الجو الكئيب الي عايشه واجمل السفرات الي تكون مع امك وابوك خذهم يغيرون جو واسألهم اذا هم راضيين عليك اذا راضيين صدقني امورك بتتيسر ان شالله

اما بخصوص زوجتك استمر على وضعك ومن الممكن انك اذا ارسلت لك رساله استفزازيه زي الي ارسلتهم ان ترد عليها برساله الله يهديك لعلها تكون دعوه مستجابه واستمر بالتطنيش


الان مسألة انك تجتمع مع اهلها ستصعب الامور لانه الى الان ماطاح الي في راسها خلها زياده عند اهلها
فصدقني الانسانه الي ترسل لزوجها هالنوعيه من الرسايل ماراح تقول له بعد يومين اسفه لانه واضح انها فخوره بالي سوته عش حياتك مع الوقت ومع دعوات امك وابوك هي بتليين ولكن الوقت هذا مو تقضيه هنا بالمنتدى اطلع سافر غير جو

OnlyHuman9 شكرا على النصيحة.

أخوي

حاول تستغل اللي حصل منها في كسب اخوانها .. خاصة المتزوجين منهم
هذا واحد و الحمد لله .. و شوف تاني كمان معاه تحسه ممكن يكون معاك

التصرف اللي هي تصرفته من سفر بدون اذنك ، يعني إنها ( بايعة )
و النكتة أكيد مقصده شئ واحد و إنت اللي راح تفهمه و هي ارسلت و هي قاصدة الشئ هذا

و العيب من أمها اسمح لي ..
زوج أختي ما يسمح لاختي تخرج مكان من غير اذنه ، و أم زوجها تحب الخرجات و تعلم أختي إنها تطنش زوجها
و اللي يصير ابنها و تقولها مو لازم تقوليله ، اكذبي عليه لإنه هي كذا مع زوجها

المهم ، أختي تعلمت من حماتها الطريقة هذه
أمي يوم عرفت خاصمتها و قالتلها ما تخرجي من غير اذن زوجك و لا الملائكة تلعنك
و ما تسمح لها أبدا حتى لو بيوم زوجها زعلها

ياخي تصرفها يدل على إنها متأكدة إنك راح تجي تعتذرلها و إنك ما حتستغنى عنها

لكن إنت إذا عملت مثل ماقال الأخ اوونلي هيومن .. خذ امك و ابوك و سافر معهم
و دام إنهاا ارسلت رسالة بعد ما إنت اتصلت على اخوها

فيا خوووووووووووووووووووووفي إنه أخوها بيشتغل عالحبلين و يقولها إنك تتصل و تسأل عنها
و هذا اللي مخليها تتطمن

لكن قفل جوالاتك و خذ امك و ابوك و سافر غير جو معهم و روح زور اقارب لكم في اي مدينة عندهم بنات
و هي راس تاكلها الغيرة و ترجع لك
و اكيد بيعرفوا من أختك إنه أمها و ابوها سافروا معك

و اتركها كمان اسبوع
هي بتستفزك برسايلها ، و لا هي منقهرة إنك كييييييييييييييف لحدالحين مطنشها و متحمل تجلس من غيرها ؟؟؟؟؟؟؟
الموقف هذا ، إذا عرفت كيف تستغله مضبووووووووووووووووووووط ..راح يصلح حياتكم كلها بإذن الله
و لو ما تصلحت من دحين ، فما راح تتصلح في المستقبل أبدا

قمة في الوقاحه ماعرف وشلون ساكت لها؟!! انا لو مكانك ارسل لها مسج اقول لا يكون بالغلط مرسلك كيفك ولا وش اخبارك؟؟ والله ما افوت لها سفرة البنت كيف تسافر ببنتك بدون اذنك؟؟ دايسين مهابتك بالمررة وما يحسبون لك حساب ابدددد حاقرينك بكل ما تحمله الكلمة من معنى ؟!! ماعرف كيف متحمل اخوي..

عارفه ان حلي مارح يعجبك لكن مارح يأدبها الا هالحل.. طلقة اولى تخليها تحس انك جاد وماعندك لعب قرصة اذن بتخليها تتأدب طول عمرها.. زوجتك حاسه انك خاتم بيدها طردتك من البيت وقاعده تستناك تجي تترجاها ترجع وكل شوي تحاول تسوي شي ينرفزك .. اتخذ موضوع السفر عذر قل انا كنت ابي احل الموضوع بالود لكن بما انها سافرت بدون اذن واخذت بنتي بدون اذن تراها طالق ونشوف اهلها وش بيسوون وقتها.. وخل تدليعهم لها ينفعهم.. صدقني عايشين حياتهم لانهم عارفين ومتأكدين انك بتحاول ترجعها وبتحل الموضوع..

__________________

ما اقول الا الله يعطيك على نيتك الطيبة


انت وين وهي وين

لا حول ولا قوة الا بالله