انا وكلام الحب مشكله كبيره

انا متزوجه ليا سنه وكنا مملكيين لمده سنتين المهم احب زوجي موت ماقدر اعيش بدونه واذا رحت عند اهلي علماُ بان اهلي مو نفس المنطقه ماقدر انام بدونه يعني انام وانا اكلمه ع الجوال

بس مشكلتي بكلام الحب ناادراُ ماقول لها كلام حلو وزوجي متضايق يقول ماتحبيني زي اول
ايام الخطوبه كنت اعبر بالمسجاات والحين يوم اصحيه من النووم اقوله هالكلام اما مواجه
وجهاُ لوجه مااقدر

بتسألوني شنو السبب
السبب اني احس نفسي اتصنع الكلام او مو طالع من قلبي او زوجي مو مصدقني
مدري شنو السبب اتوقع لان امي وابوي منفصلين وانا صغيره
ومشاكل بمشاكل واخواني قلوبهم قاسيه زي ابوي عمره ماقالي كلمه حلوه واخواتي الاكبر مني تزوجو صغار زيي المهم عشت مع امي ونادراُ ماتقول لي كلمه حلوه او تحضني احس شي ناقصني او تطب طب علي يعني زي يوم يقولو فااقد الشي لايعطيه

ومادري اخاف زوجي يبتعد عني لهالسبب او يدوره بعيد وتعرفون الشات المسن كله بنات وكل كلامهم معسول

اذا احد عنده حل شي نصيحه لايبخل علي

يا أختي ما دمتِ تدركين سبب مشكلتكِ فحلها بسيط بإذن الله.

المسألة باختصار تحتاج لتمرين .. أكتبي في ورقة بعض الكلمات الحلوة واحفظيها .. وقرري أن تقوليها لزوجكِ.

ستشعرين في البداية بصعوبة وبأنكِ تتصنعين وأنها ليست من قلبكِ .. ولكن شيئاً فشيئاً ستألفينها وسيعتاد لسانكِ نطقها .. وبعدها ابحثي عن بضع كلمات أخرى .. وكرري الأمر .. بعدها ستجدين نفسك وقد أصبح الأمر أكثر سلاسة وستبدأين ـ ليس في البحث ولكن اختراع كلمات وتعابير حب جديدة.


وقد يكون من المناسب أن تصارحي زوجكِ بالمشكلة التي تعانينها حتى يساعدكِ على حلها واجتيازها بالصبر وعدم الضغط عليكِ.

__________________


اللهم طِيبَ الأثر .. وحُسْنَ الرحيل.

اذا شفتي نفسك ماتقدرين ابدا ابدئي بالمسجات ارسلي له احبك ومااقدر اعيش بدونك والله يخليك لي و و و و

واول مايجي من الدوام رحبي فيه وقولي اشتقت لك << ترا انا اعاني نفس مشلكتك لا وبعد انصح هههههه

بس لابد من الكلام الحلو ومثلا اذا وصلك مشوار او تسوقتي قولي اتعبتك معاي الله لايحرمني منك

الله يخليه لك ولايحرمكم من بعض

__________________
لااله الا انت سبحانك اني كنت من الظالمين

مهره ومش مجرد كلام يسلموو ع الردوود الحلوه

انا للحين يوم يطلع لدواامه عشاان مايحس انه فقد هالشي كل يوم ارسله مسج اعبر له عن اللي بقلبي انتظره يوم يجي من الدوام احضنه واقوله وحشتني بس برضه ماقدر اقوله وانا عيني بعينه مدري ليش


الله يخليلكم ازواجكم واولادكم ويوفقكم

ياحبيبتي انتي
انا زيك لا حنان اب ولا ام تخيلي نادر جدا يوم احضن امي او هي تحضني بس رغم هذا اقول لزوجي كلام حب لاني ابيه يقولي هو بعد ويعاملني نفس المعاملة وحرمان الماضي خلاني ااتعلق بزوجي اكثر بس هو مو مقدر هالشى ويعتبر اني لما اخضع له ضعيفة
الله يعوضني واياك خير الدنيا والاخرة

__________________

وهو بلدوام ارسلي له مسج شوق حب غرام ...
وتشوفينه جايك من الوام وهو فرحان حيييييييييييل ....

اول مايجيء

استقبليه وضميه وقولي هلا وغلا اشتقت لك ...وانتي ضامته لاجل ماتشوفين وجهه وتخجلين ...

ناديه باسم دلع او حبي ابي مثلا كذا او كذا !! اول مره اذكر زوجي التفت بقؤه وصدمه ...ولكن مع الوقت صرت خبيرة رومانسيه خخخخخخخخخ!
اجبري نفسك ....تذكري ان زوجك بيبتعد عنك وعن قلبك ويبحث عن غيرك !

هذا زوجك اذا ماسمعتيه من وين يسمع من بنات الحراااااااااام ...وهم ماهرات بهلاشياء ...

اكتبي له مسج وحطيه علئ باب البيت علشا اذا صار يطلع للدوام يقرءه ....وتكونين انتي نايمه مثلا ...

فاجئيه بليله رومانسيه او ورده له مع كارد فيه كلام حلو ...

اللي فيك خجل ..الدليل ماتقدرين تقؤلينها وانتي تشوفين وجهه ..!مو برود !!
انا كنت سابقا كذا
قعدت شهرين او اكثر
ولكن كنت اقول لزوجي بمسج حلو واكتب
انا ابقؤلك الصراحه انا اخجل وانحرج اني اقؤلك كلام حلو وانا اشؤفك امامي بفترة الخطوبه كنت بلبل لاني مااشوفك .ولا اشوف عيونك الحلوين ..
اصبر علي وجرئني وهو ماقصر كان يقؤل لي فااخجل وارد عليه بلمثل ولكن ماكنت احط عيني بعينه

انتي حطي تحدي بينك وبين نفسك
قولي
اتحدئ عمري اني اقؤل لفلان (زوجك) كذا وكذا ....
صدقيني بتقدري قوليها وانتي تناظري وراه او نزلي راسك وقوليها وروحي وضميه !!

زوجك لاحظ وقال لك !!!وانتي شكيتي لنا كأخوات


يلا ورينا الهمه .....مع الوقت بيصير لامر روتين ومستحيل ماتقولين له كلام حلو .

توكلي علىالله واتصلي لو هو بعيد.. وأول مايرد قولي: أحبك ووحشتني
ولو هو موجود قوليها أول ماتفتحيله الباب..
ولو نايم صحيه وقولي قوم تراك وحشتني..
الله لا يحرمكم من بعض..
ألحقي على زوجك قبل يبطل يبغاها منك..

حرام تضيعي عمرك... يااااااارب زوجي يرجع وما اسكت عن قولة أحبك ياكل الدنيا.. والله دمعت عيوني..

__________________
اطبع الطين ما دام رطباً، واغرس العود ما دام لدنا، لو رأيت ما في ميزانك لختمت على لسانك.

مهره و صابره بدنيتي يسلموو ع المرو

يارب يرجعلي زوجي
ان شاء الله يارب يرجعلك زوجك ويحقق امالك واحلامك وربي من اليوم ادعيلك

بنات بجد منتدى بقمه الروعه حسيت انكم خواااتي يوم تنصحوني وترشدوني للصح والغلط

يارب عمرنا مانفترق

[QUOTE=يارب يرجعلي زوج;2485382[SIZE="4"]ولو نايم صحيه وقولي قوم تراك وحشتني.SIZE][/g


من الممكن أن يصفعها لو صحته من نومه

[QUOTE=ابو حكيم 1;2485814]الله يقل همك يا أبو حكيم.. ويسعد قلبك الطيب.. كنت أسويها.. ووالله كان يحضني ويقول وإنتي كمان..
آه بس آه.. الحمدلله على كل شي.. أدعيلي ياأخي.

__________________
اطبع الطين ما دام رطباً، واغرس العود ما دام لدنا، لو رأيت ما في ميزانك لختمت على لسانك.