بس ماحسيت انه هذه نصيبي

ماعرف شولن اوصف شعووووووووووري

حسيته غريب عني
وخفت

مو عارفه
قولو شسوي

سمعي حبيبتي مسألة حب من أول نظرة هذي بس في الأفلام والقصص

مراح تلقين ولا تحسين بهالشي أبد إلا اذا عاشرتي الشخص بس قولي إعجاااااب وليس حب الحب شي عظيم مستحيل يجي من نظرة أنا ضد هالفكرة

بعدين مقابلة ربع ساعة اكيد غير كافيه لازم تكون عالاقل ساعه وثاني شي اذا ما قدرتي تعرفين عنه شي للحين تقدرين تطلبين مقابلة ثانية هذي من حقج مراح تعرفين شي من يوم وليلة وهالاسئلة اللي قلتها لج حفظيها لا تروح من بالج

بعدين الشخص اذا مو مكمل دراسته مو معناها فاشل ناس وايد مو مكملين وهم مثقفين ويتكلمون احسن من المتعلمين مليون مرة وعندهم خبرة بالحياة ومسؤلين يعتمد عليهم ولكن ...... اذا مو متعلم وغير مثقف وهمه بس يتزوج ويجيب عيال حاله حال غيره من الناس مراح اقبل فيه اكيد لنه ماحب الحياة التافهة العادية اكرهها افضل أتم بدون زواج ولا اعيش هالحياة يارب يا عظيم ما تكون حياتي بس هلون
سمعي لا تفكرين ابدا تدخلين حياة جديدة كمغامرة او تجربة لالا هذي حياتج ادخليها بكل قناعة لا تقولين بجرب يمكن افلح لا ميصير هذي مسيرة حياة كاملة الييين تموتين بعد عمر طويل فكري فيها من هالناحية مو اذا ما عجبني بتركه وبنفصل لنه هذا بتخربين حياتج.

واللي صار معاي اني فاتحت امي وقلت لها اني مابيه ما حبيته ولا اعجبت فيه ولا اتوقع راح احبه ازعلت مني واكا ما تكلمني واحسها وايد زعلانة لني حطمت آمالها بس ياربي والله العظيم موبيدي اجرح قلبها الغاليه مو قادرة اتقبله ان شاء الله راح ترضى بكرة انا بنتها مهما كان

وانتي الله يوفقج يارب توكلي على الله بكل شي بكـــل شي

هلا هلا خيتوو
ماعرف شقولج

مو قصدي الحب والعشق والهيام لاااااا
قصدي يعني انه احسه انه نصيبي او اقول اي هذه الشخص الي ابيه ويعجبني

بس صراحه مافي شي حسيته جذبني له

يعني البنت لي تدش مقابله اكيد بعدين بتفكر فيه وبشكله

هذه ماصادني هالاحساس

واذا كلش بحاول بمقابله ثانيه

والي قاهرني زود يمكن انتي اهلج يعطونج راي

بيتنه اذا مو زينه يقولون رايهم بس اذا زين
مايعطون راي
اقول لهم قرروو معاي ساكتين يقولون حياتج ماندري كيفج

ولي رفضته قالو انتي كله ترفضين حيروووووووووني محد يساعدني

بس انا ابي احس بالاحساس الي يجذبني له ماصار معاي؟؟

وعلى طار يالي خطبج قلتي حق اهلج زين تسوين صراحه اذا مثل حالتي لا تجازفين فكري الف مره

ومثل ماقلتي الزواج مو لعبه

سوالف بنات البحرين .بالتوفيق .

ع فكرة يمكن وحده تاخذ واحد عن حب بس بعد فترة يتحول الحب لكره ..

ما في شئ يدوم للأبد .. الدوام بس الله ..
و قياس ع ذلك .. حتى مشاعر الإنسان إلا بإراده الله و حسب نيه كل إنسان الله يعطيه ..

__________________


سبحان الله و بحمده .. سبحان الله العظيم ..

ههههههههه حلوه سوالف بنات البحرين

والله شوقلج ولا شقولك

كلامك صح

على العموم التوفيق من رب العالمين

والنصيب والزواج هم مثل الشي

خلاص ما يحب الدراسه وانتي تريدي واحد مثقف


اعتقد انو ما في توافق بالموضوع



ثم ليه تريدي اهلك يقررو هذه حياتك قولي لا


ووقت النصيب ما رح تحسي حالك الا مبتسمه وعندك شعور غريب ما تقدري تفسريه


ما تصعبي الحياة على نفسك وتنتظري جواب من اهلك


اعطيهم قرارك انتي فتاة جامعيه ومثقفه وقشطه يا قشطه

والقشطه لا تأكل الا مع العسل


انتظري العسل لحين يوصل

__________________
http://live.gph.gov.sa/
اللهم اني استودعك اولادي

.. أقرئي ردج اهنيه مره ثانيه .. وبتعرفين تقررين !!

.. ضحكني كلامج انه عيونه صغيره أنا عكسج .. عندي انه الرجل الا عيونه صغيره .. مررره وسيم

.. المــــــــــوهيـــــــــــــــــــــــــــــــم ..

.. هو قال لج ما يحب الدراسه صح !! .. يعني ما عنده طموح .. انه يكمل ويطور من حاله ..

.. وقال لج كملي دراستج بس مو على بعض .. يعني كملي دراستج .. يعني تروحين كورس .. وتنسحبين كورس ؟؟؟

.. وشكله هو يبي ربة بيت .. ما يبي وحده تكون مشغوله عنه وعن بيته بالدراسه .. لكنه يبيها تكون دارسه ..

.. كان المفروض .. يكون وقت المقابله أكثر .. وتسئلينه أسئله اكثر عن دراسته وعمله الخ ..

.. وانا أؤيد كلام الأخت ( جرين ) .. ومثل ما قالت لج .. انت قشطه .. والقشطه لا تؤكل بدون عسل ..

__________________

أختنا الكريمة

أحدثك عن موقف حصل لي قبل إسبوعين ، تقدمت لوحدة وكانت مثلك تماماً تخاف من الزواج ولا تريد ان تتزوج وقالو لها ان المتقدم على قدر عالي جداً من الوسامة ومقتدر مادياً ، هي وافقت على المقابلة وبالفعل جلست معها فإنصدمت من مستوى تفكيرها وسطحيتها ، فهي لا تعرف مسؤلية الزواج ولا نسبة 10% ولا تعرف كيف تختار الزوج المناسب أخذت أفكارها من الافلام والمسلسلات الكاذبة المائعة
شعرت وهي تحدثني انها مغفلة ساذجة أعجبت بي وتحركت كل مشاعرها إتجاهي لشكلي ومظهري ، ولكن أعرف ان مثل هذه المرأة السطحية لا تصلح تكون ربة بيت وقادرة على تحمل مسؤلية الزواج فرضنا الموضوع .


أنصحك أختنا الكريمة أن لا تقدمي على الزواج حتى تدخلي دورات تثقيفية متخصصة بالحياة الاسرية قبل الشروع والدخول في متاهات ، حسب ما اجده من كلامك فانت عندك مفاهيم خاطئة عن كيفية اختيار الزوج المناسب وعن تحريك المشاعر
واراك ترددي بشكل مبالغ عن سؤالك ( كيف اتزوج رجل لا احبه ) ( كيف اتزوج رجل واحبه من مقابلة واحد ) كل هذه الاسئلة لا تبشر بالخير واعتقد عندك معلومات خاطئة تسربت لك من الافلام والمسلسلات و الصديقات من حيث لا تشعرين

لا تغتري بالممثلين إقرأي عن قصص حياتهم الواقعية سترين العجب البعض منهم يتزوج ويطلق اربع خمس مرات والبعض يتزوج ويخون وتنشب الخلافات والنزاعات ويحتكون في المحاكم سنوات طويلة لا تنتهي قضاياهم ، فلا تنخدعي بهم فحياتهم كلها فشل وإطراب وخوف وما ترينه على الشاشة ما هو الا تمثيل واستعراض دقائق وتنتهي ، ونصيحتي لا تستمري بمشاهدة هذه المسلسلات حتى لا تتفاقم عندك العقد النفسية وتكرهي الزواج بسبب اصطدامك بين مشاهدة هذا التمثيل وبين ارض الواقع .



أيضاً لا تثقفي نفسك بموضوع الزواج من مصادر غير موثوقة مثل الصديقات والمنتديات الطائشة والاسر المنحطة الفاشلة
خذي الثقافة من هدي الرسول الاكرم ومن العلماء الاجلاء ومن منابع الخير .


هذا ما عندي لك وان احببتي انقاذ نفسك فضعي هذه النقاط نصب عينيك وان لم تتبعي نصائح اخوانك الناصحون فلن تخرجي مما انت عليه .


اتمنى لك دوتم التوفيق والنجاح

الزواج ضربة حظ
موفقة

كناري البحرين

ليكون انته اللي متقدم ليها



امنيات فعلا الزواج ضربة حظ ممكن اني اخذ كورسزز في الحياة الزوجيه

وأأهب نفسي لتحمل المسؤليه واسعى لاسعاد زوجي لكن مع هذا افشل

لان الزواج يتكون من طرفين وليس طرف واحد

__________________