سـلام عليــكم

هذي أول تجربة لي في هذا الموضوع ..

وباحط لكم تجربة شخصية ومن واقع حياتي كوني ابنة مُعدد ..

أمي الزوجة الأولى *

وزوجته الثانية من جنسية عراقية *

+ أمي : عصبية وهادئه .. تناقض عجيب مخلي شخصيتها تتسم بالرزانه والهدوء وبصراحة اشوفها شلون تعرف تجذب ابوي .. تعرف تخلي ابوي يراضيها اذا زعلت

+ خالتي - مرت أبوي : لسانها حلو

= أبوي : عـادل لأبعد الحدود ..

مثلاً نبدأ بالجدول الاسبوعي ...

السبت : نام عند أمي - يتغدى عند أمي - يقعد لي 3 العصر عندنا - ويروح لخالتي اللي تسكن الدور الثاني

الأحد : ينام عند خالتي - يتغدى عندها - يقعد لي 3 العصر - ويجي لأمي اللي تسكن الدور الأول

** بما إن أمي عندها 6 عيال

** ومرت أبوي عندها 4 عيال

فـ من الطبيعي يكون مصروف أمي أكثر من مصروف مرت أبوي ..

ولو مثلاً صارت الساعه 3 وأبوي عندنا فجأة صارت سالفة اضطر أبوي يتأخر عند أمي لي الساعه 4

يوم ثاني يقعد عند مرت أبوي للساعة 4

وأبوي يسافر عنده أشغال بره البحرين .. فـ مثلاً قبل لا يسافر نام عند أمي .. بعد ما يرجع من السفر أول ليلة ينام عند مرت أبوي

= بالنسبة للغيرة بين أمي ومرت أبوي .. مؤخراً اكتشفت سوالف مرت أبوي .. هي ماتقدر تضر أمي بشيء

لأن أمي الحمدلله حكيمة لأبعد الحدود وماتبين ضيقتها لأحد ..

بس اكتشفت آخر اسبوعين أو ثلاثة أسابيع صايره تلعب على وتري آنا وأختي

وغيرتها من أمي امبينه وواضحه جداً

أما أمي صح إنها غيورة وايد .. بس مع هذا كلش ماتبينها حق الغير من تحت لتحت

فـ مرت أبوي ماتقدر تمسك على أمي شي

أما أبوي فـ هو سي السيد .. لأن انسان عادل مثله اكيد بيكون جزاته إن زوجاته الثنتين راضيين عنه ويبون رضاه

بس ما يغني عن وجود حرب باردة بين أمي وزوجة أبوي !

،،،

بالنسبة لكلام أختي صابره .. شي طبيعي إن الزوجة الأولى تبتدي تعدل أغلاطها من حقها !

ولا لازم تبقى على أغلاطها عشان عيون الزوجة الثانية ؟؟

آنا اللي يبط جبدي ويفقع مرارتي .. إن بعض الزوجات خصوصاً الثانية تحاول تبين حالها مظلومة

بينما الأولى تلقينها تشتكي من ظلم زوجها لها بسبب الثانية

وبعضهم لا .. يبون العدل .. على حساب زوجته الأولى تبيه يكون عادل معاها

وعادي لو ظلم الأولى !!

فيه نساء ما يتقون ربهم !!!