أنا فيه موقف سواه معي مستحيل أنساه هو إن الوالد الله يرحمه يوم توفى هو والوالده كان عندي إخوان باقي صغار يعني أكبر واحد 17سنه وكان الوالد مستأجرلهم بيت وبعد مامات ساأت ظروفهم الماديه وصاروا ماعاد يقدروا يدفعوا الإيجار و راعي البيت خيرهم بين دفع الإيجار أو يطلعهم من البيت فراح زوجي طلع قرض من البنك وباع سيارته جديده وأشترى لهم بيت وأثاث وسكنهم فيه وكان دائما يقوم بخدمتهم ورعايتهم وإذا نقصهم شئ يعطيهم حتى من غير ما أدري طبعا المواقف كثيره الحمدالله مواقفه معي دائما مشرفه وماعمره جرح خاطري بكلمه أو زعلت منه في شئ وأعترف إني أنا أحيانا أكون أنانيه لاكنه صبور وباله طويل أحيانا أغلط بحقه
وأعتذر منه بس دايم يقول أنا راضي عنك بدون إعتذار والله إني أجلس آكل نفسي حسره وأحيانا أبكي ندم على تصرفاتي معاه وأقول في نفسي ليت لساني ينقص قبل ما أطلع الكلمه عليه لأنه فيه أوقات تحس المرأه بضغط على نفسيتها وبالذات أنا وقت الدوره الشهريه حتى عيالي ما أتحملهم أحس نار شابه وعصبيه وتقلب في المزاج ما أطيق أحد خلاص تقفل معي صاروا حتى أولادي يلاحظون وأسمعهم كل واحد منهم يسأل الثاني يقوله يا أخي أمي وش بها معصبه علينا هاذي اليومين ويعتزلوا حتى الغرفه إللي أجلس فيها ويحاولوا يتفادون أي مشاكل أرجع أفرغ إللي في راسي على أبوهم وهو ساكت ومقدر وبعد ما أخلص إللي عندي يقول لي إيش رأيك أطلعك برى تغيرين جو أحياناأطلع وأحيانا لا ومره صار لي موقف مع أهله ووقف معي ورد إعتباري طبعا مو أمه أو أبوه لا أخواته صارت معنا مشكله وهم غلطانين بحقي وقام معي وقال لهم البيت إللي يغلط بحق زوجتي ماعاد لي جلسه فيه بس أهم ماقصروا أعتذروا وقبلت إعتذارهم ومشت الأمور واليوم مثل الأخوات أنا وياهم موضوعك حلو بصراحه فتح صفحات قديمه في حياتنا وجعلنا نتذكرها جزاك الله خير .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله