يابعد قلبي وروحي يأشيخة البنات
حبيبتي وقسم بالله كلامك يسعدني
زي العسل ع قلبي أحسك تداوينه
أحبك أحبك حبيبتي
والله هدي ثاني مرة اقرأ كلامك وتمتلئ عيوني بالدموع
دموع الفرحة ياحبيبتي
الله يسعدك ويوفقك ويسهل أمرك اينما كنتي
الله ينور دربك بالخير ورضا ربي عليك
دربك خضر يالغالية
بعدي انتي كم تسعديني بكلامك
وربي يجزاك الجنة ع دعواتك لي بظهر الغيب
ولك بالمثل وأكثر ياروحي
ذاكري حبيبتي ولاتشغلي نفسك فيني
أنجحي وتفوقي لأن وحدة مثلك تستحق كل النجاح
أسأل الله ان يحفظك بحفظه زويرزقك كل ماتتمنينه يأكريم
بشريني عنك
ولا تغيبي ياقلبي مو عشان موضوعي
بس عرفتك من مدة بسيطة واستقت لك
وكيف ما اشتاق وأنتي كلامك بلسم الجروح
عين ربي ترعاك وتحفظك
أحبك حبيبتي

__________________

فديتج والله حبيبتي
صدقيني وما أبالغ لو قلت لج
صحيح إني ما أعرفج من زمن
لكن صدقيني أحس فيج
كلج حنااااان وطيبة وحب

والدنيا ظلمتج وايد
وتعبتج واااايد
وخذلتج واايد
لكن يا عمري
الحياة دروس نتعلم منها
والأهم إن لازم نقتنع كل شي يسوويه لنا رب العالمين هو صلاح
واحنا ما ناخذ إلا نصيبنا اللي مكتووب
" لو تجري جري الوحوش , غير رزقك ما تحوووش"


بس تصدقين من خلال قراءتي لكل موااضيعج
وحتى الموضووع اللي كتبه زوجج
صدقيني من خلال حجيه وكلامه
ومن بين السطور لمست إنه يحبج وااااااااايد
يعني آنا صحيح مش مدة هني وياكم
ولا ملمة بكل الأمور
بس ما أدري ليش هذا اللي حسيته و لمسته
حسيته يحبج ويبيج
بس هالكلمة الشينة ( تنذكر ما تنعاد) يقولها رغم عنه
مو بصدد الدفاع عنه حبيبتي
أبداااا
لكن من جد اشلوون ما يحبج
وانتي مثل العسل لا وأحلـــــــــى بعد


ياعمري الحياة كانت قاسية عليج
لكن انتي لا تخلينها تهزمج
صدقيني دوام الحال من المحال

كل شي بيتغير ياعمري
وانتي مدام نيتج صافية ربي بيعطيج على قدهااا

سعدت واااايد لما قلتي لي إن كلامي ريحج
الحمدلله , فرحت من جد لما قلتي لي جذي
ومشكوووورة يالغالية على هالدعووات الحلوووة
ماقصرتي يا عمري


شنو أذاكر وما اهتم لج , لا حبووبة أذاكر بس والله انتي بالبال
انشغلت بس هالفترة وجايتني بعد امتحانات
لكن قد ماقدر لازم أطل واشوووفج



حطي في بالج شي واحد مهم
" الضربة اللي ما تقتلك تقوووويك"
أبيج على هذي تستندين وتوقفين على رجوولج بقووة
ثقي تماما كلنا معاااج وآنا أولهم
أقرح لما تفضفضي باللي بقلبج
لأن هالشي يريحج
والحمدلله بردت الوالدة من جديد
ربي يحفظها لج ويطوول بعمرها ويعطيها الصحة والعافية


واستعدي بعد شهر للردة
ما أووووصيج
هالله هالله
أدري فيج قمر وتجننين
خلي الابتسامة ما تفارق محياج
وأكرر وأكرر
حااااااااولي تدوسين على قلبج
صدقيني كل ماتبيني له إنج غير
هو بيحس
عصبيتج خفت لما ابتعدتوا شووي
وبإذن واحد أحد تنتهي تدريجيا
ومهما حاوول يقول لج أو يستفزج
لا تخلين في بالج
عامليه على النقيض
حسسيه إنج أبدا ما انتي مثل قبل
إن انتي غييييييييير
صرتي غيييييييير
منتي الأولية
مع مرور الأيام واستمرارج هاللون
هو لازم بيجي يووم
وبيحس
وبيتغير
وبيقدرج أكثـــــر
ويحبج أكثر وأكثر وأكثر
وبيقدر كل تضجيتج وحبج له
وبيحس إن كان قاسي عليج
وإن واااايد جرحج
وهالكلمة بتنشال من قاموس حياااته للأبد

وإنشاءالله تبشرينا بعدها <<<< بالبيبي يااااااااااااااااااااااااااااارب


وانتي بعد نفسيتج بتتغير إنشاءالله
اهتمي فيه
كووني معاه قلبا وقالبا
لا تقووولين ما أقدر
بلا تقدرين
قووووووووية
انتي قوووووووية
تقدرين وتقدرين وتقدرين
وكل هالألم والتعب والجرووح والتحطم
بيروووووح
بيزووول
دووم انتظري الأمل مهما غيابه طااااال
لازم بيجيج يوووم وتتغير الأحوااااال

غاليتي وبعد قلبي
دعواتي لج ودعوات جميع الأخوات والإخوة دوون استثناء
دوووووما نذكرج وندعي لج
و ربي نحبج واااااايد
ولا نزعل منج أبد
فمهما تقوولين تظلين غااااااااالية

راجية من إن ربي يوسعها عليج ويرزقج بالذرية
ويهدي زوجج وييسر أمووورج
ويحفظج وين ما كنتي ووين ما رحتي

متمنية لج كل الخيـــر و السعادة والحب


تحملي بروووووووووحج ياعمري


مع حبي

__________________
"إخوان سنـة وشيعـة هذا الوطن ما نبيعـه ,, خذ هالشعار و ذيعه و تذووب الطائفيـة"
( منصووووووووووووورين والناصـر الله )

يابعد روحي وش أقول وش أعيد بعد كلامك
تدرين ياروحي خليت الجوال بغرفتي ورحت جلست مع أهلي
وأفكر فيك وأقول ياربي تجي
أفكر بكلامك لي تقولينه لي
انتي تبين تسعديني أسأل الله ان يسعدك
تبين تداوين جروحي بكلامك العذب أسأل الله ان يحفظ لك قلبك
استودعتك الله كلك
ياه يأشييخة البنات أحبك
سبحان من عطاك حسن الخلق
بعد عمري شوفي انتي وين وأنا وين وتفكرين فيني وتدعين لي
وقسم بالله اكتب لك وابكي من الفررررررررررحة
دامك الدنيا هدي فيها مثلك وشرواك والله احنا بخير
تدرين وش نفسي فيه حبيبتي ؟
نفسي احضنك وابكي لأنك أسعدتيني
دموووووووع فرحتي بناس يحبوني وأنا ماقدمت لهم شئ
ما احلى الحب في الله
طاهر صادق نظيف
خجلتيني بكرمك وجودك
ووقفت منذهلة لعباراتك
غلبتيني بذوقك
مالقيت شئ بمقامك أقوله
غير الله يحبب خلقه فيك أكثر وأكثر ويسعد قلبك مثل ما أسعدتي قلبي بكلامك
والله كل ماذكر انه في ناس هنا أحبهم ويحبوني اشعر بسعادة الكون
الله يبيض وجهك يوم العرض عليه يأشيخة
ويجعل النجاح والتفوق بطريقك
الله يسترك بستره
سامحيني ع القصور والله مهما أقول لن أوفيك حقك
مقصرة معكم كلكم
وأنتم غلبتوني بزود كرمكم
الله يجمعني فيكم بالجنة
يارب أجمعني بكل احبابي بالجنة يارب
يارب أجمعني بذكريات لا تغيب وروح الطير وبنت الحكمي وذلوعة مودي وشيخة البنات
وكل الاخوات لي بالمنتدى
أحبكم كلكم

__________________

الله يسعدك ياشيخة البنات مثل ما أسعدتي وفرحتي أختنا وحبيبتنا ونور عيننا
صابره المحتسبه والله ياصابره إني حسيت بالفرحه والسعاده في ردودك على أختنا شيخة البنات ويشهد الله إني فرحت من فرحتك وأنبسطت وأنا أشوف ردك عليها ياالله شوفي ياصابره كيف الله ردلك أمك ردا جميلا وصارت جنبك وتنامي في حضنها وإن شاء الله ربنا مثل مارد لك أمك وفرحك برجوعها وإحساسها بك يارب يرجع لك زوجك ويرده لك ردا جميلا مثل أول وأحسن ويحس فيك ويهتم بمشاعرك وأحاسيسك تجاهه بالنسبه للبس والكشخه بدون ماتقولى لي عن شئ بنات الإمارات ماعليهم زود من ناحية الكشخه واللبس والدلع ولاهانو ا الباقين وأنا بقول لك شئ ترى بعض الأزواج بالذات في مجتمعاتنا الوحده لو تسنعت وتكشخت وضبطت حالها ترى فيه أزواج مايعرفوا التعبير اللفظي يعبر لك بس تعبير حركي يحسب إنك تسنعتي بس لهاذيك الرغبه بعضهم مايمدح ومايتغزل بزوجته بس لو حس نفسه وصل لحاجته منها يحسب إنه أرضاها وإنه خلاص ماله داعي يجلس يتغزل ويمدح يعني بعض الأزواج رومنسيته وكلام الحب يبتدي عند المعاشره وينتهي عقبها رغم إنهم طيبين وحنونين وكريمين بس إذا كان الوحده قدرها إنها تاخذ زوج وهاذا طبعه فما معاها إلا تصبر وتحتسب الأجر من عند الله وأحيانا البيئه والأسره إللي عاش فيها مثل هالزوج تكون فيها تحفظ شديد بين الأبوين مثلا كلمة حبيبتي وحبيبي وحياتي وروحي ياعمري مثل هالكلمات في بعض الأسر قدام أولادهم تكون كلمات مشفره وكمان البوس محضور قدام العيال مثلا لو الزوج باس زوجته على جبينها أو على يدها أوالزوجه باست زوجها على راسه او جبهته هاذا محضور وعيب عندهم طيب كيف بتكون حياة طفل نشأ في هاذي البيئه وهاذي الأسره وهوماعمره شاف أبوه قال لأمه كلمه فيها حب ومشاعر أوشاف أبوه دخل وقبلها وضمها وقال لها كيف حالها الحبيبه أم فلان اليوم أشتقت لك ياحبي
وأمه ترد على أبوه وأنا أشتقت لك أكثرياعمري وحياتي بدونك ولاشئ يالغالي .
الطفل إذا تربى في بيئة ملؤها الحب والتفاهم والإحترام بين الأبوين ستجده في حياته مع زوجته يعاملها كما رأى والده يعامل أمه ونصيحتي لك ياصابره إن لوربنا عطاك ورزقك إبن فعلميه على كلمات الحب والحنان والعطف من صغره وحسسيه بذلك الحب والحنان حتى إذا كبر يمنح أسرته من ما تعلمه من حب وحنان في صغره وطفولته ولاتنسين الإنسان على قد ماياخذ يعطي في حياته أنا عن نفسي متعوده في البيت أنادي زوجي أقوله ياحبيبي لدرجة إن حتى بنتي الصغيره نسيت كلمة بابا كل مابغت شئ من أبوها تقلدني تنادي ياحبيبي وكل إخوانها في مثل سنها كانوا يقولوا نفس الكلمه لأبوهم وأنا هنا أقول لك ياأختي الغاليه أعطي ولاتنتظري
أسقي الشجره وأنتظري في يوم من الأيام سترين ثمارها بل ستتذوقينها إن شاء الله وشوفي ترى الرجل عكس المرأه إذا تربى في أسرة جافه من معاني الحب والموده يطلع قاسي مايهتم بمشاعر أحدوالعواطف لاتعني له شئ أبدا ويعتبرها كلام فارغ أما البنت لا إذا نقصها الحب والحنان في أسرتها تجدينها عند كبرها وفي حياتها تبحث ورى العواطف والحب والحنان لأنها أفتقدتها في صغرها فتحاول تعوض ما فقدته مع زوجها وأطفالها وصديقاتها وحتى الأولاد إللي متربين على الجفاف العاطفي إذا ناديتيه وقلت له تعال ياحبيبي تلاقينه تنتفخ أوداجه ويزعل حبيبك ليه وش شايفتني قدامك لأنه خلاص صار يعتبر الكلمه هاذي عيب وماتجوز وتقلل من قيمته لأنه ماتعود يسمعها في أسرته عكس البنت المحرومه المشاعر إذا قلتي لها حبيبتي أحمر وجهها خجلا وأغرورقت عيناها بالدموع لأنها تفتقد تلك الكلمه ولم تسمعها من أسرتها وهي تحس بحاجتها
لمثل تلك الكلمات فأنا هنا أقول لك زوجك لاتلومينه في تصرفاته يمكن إنه ماتعود يسمع كلام حب وحنان في محيط أسرته لذى لايستطيع أن يغير ما نشأ وترعرع عليه من صفات في يوم وليله فأصبري وصابري وربك سيحلها إن شاء الله تعالى أطلت عليك ياحبوبه الله يعينك ويجعل التوفيق حليفك في كل أمورك يارب إن شاء الله .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

هلا بأم سلطان
هلا ببعد روحي وقلبي وحياتي
هلا بالطيبة بنت الجود والاصل والحسب الطيب
والله كلامك اقراه وأعيده أكثر من مرة
أحبك وأحب كلامك لأني لايمكن اقرأ ولا اطلع بفائدة
الله يجعله بميزان حسناتك يالطيبة يأم القلب الكبير
والله يأم سلطان أقول نفس فكرتك إذا ربي رزقني بأولاد بعلمهم ع كلام الحب والعبارات الحلوة من صغرهم
وأهم شئ بركز ع ثقتهم بأنفسهم حتى إذا كبروا مايحتأجون من يقولهم كلام حب ولايكون عندهم تعطش للكلام الحلو
طريقتك كثير حلوة مع أولاذك وكيف ماتكون حلوة وأنتي أم عظيمة
أسال الله ان يحفظهم لك ويديم عليك نعمة السعادة والحكمة
إذا احنا بالمنتدى تعودنا منك الكلام لي يشرح الصدر ودوم تعطين الأمل وتدخلين السعادة لقلوب القراء بكلامك الطيب الرائع
لأنك انسانة روعة
ياحبي لك يإلحبيبة ارتاح لك يابعد عمرررري
أسال الله الجنة
الله يسعدك ياحبيبة قلبي
انتي فوق الخيال بطيبتك وعذب أسلوبك
ومنك اتعلم الطيب ياحبيبتي
أحبك

__________________

حبيبتي وحبيبة الكل
اشلوونج اليوم ؟
إنشاءالله عال العال

ياعمري والله آنا ما أشتحق كل هالكلام
انتي قاعدة تقولين في حقي كلام آنا ما أستحقه
والله ما سويت شي
اساسا أحس نفسي ظل صغيـر يداري عليج
بين أخواتي العزيزات
اللي كانوا ومازالوا معاج قلبا وقالبا
واللي أكن لهم كل معزة واحترام وتقدير , وأقف لهم إجلالا
على وقفتهم يمج في كل الظروف
وعلى أرائهم السديدة . وعباراتهم المشجعة , وكلامهم اللي برد الروووح
آنا صغيرة بجنبهم ياعمري

ومن جد فرحتي كانت كبيــرة لما قريت ردج ياقلبي
حسيت نفسي فعلا قدرت أعطيج شي صغير جدا

آنا أحبج أكثر واكثر واكثر
و ودي أحضنج و ألمج وأبجي معاج
بس أكيد دمووع فرح

دعووواتك لي والله أسعدتني
طالعة من قلب طاهر
قلب طيب
قلب حنووون

آنا اللي لازم أشكرك ياقلبي
على كل دعووة دعيتيها لي
وعلى كل كلمة حلووة قلتيها
واثقة إن الشكر صغير بحضرة جنابج

ياعمري أهنيج على هالقلب الطيب والحنون
والروح الجميلة
الكل هني يحبج و آنا أولهم
نحبج في الله
معاج دااايم
على طوول
نتمنى دووم من رب العالمين
إن يكوون معاج
وإن يفرج همج
وإن يحفظ لج زوجج
ويرده لج أحسن
يرد لج حياة حلووة جميلة
يرزقج بولد صالح
يحفظ لج الوالدة الغالية
يعطيج كل ما تتمنين
يحفظج وين ما كنتي وين ما رحتي

ندعي لج بصلاتنا
ندعي لج بالفرج والصحة والعافية والسعادة

أشكر الأخت بنت الحكمي على التعليق الحلوو
يسعدج ربي على كلامج الطيب وعلى عباراتج المميزة بجد
ربي يحفظج لأعيالج ويحفظ إعيالج لج
ويكونون دووم حواليج الله آمين

حبيتي صابرة
أبد ما منج قصوور يالغالية
تكفيني إبتسامتج لما تقرين الرد
وتكفيني ظلتج هني معانا وردج الرائع
وتكفيني دعواتج اللي من جد تفرح القلب وتسعد الرووح
ما منج قصور أبد والله

ياعمري كلامج انتي مثل الحلا يا كل الحلا

ثقي تماما إن رب العالمين يشوف كل شي ويسمع كل شي
و ربي بيعطيج و بيرزقج وبيسعدج
كفاية طيبة قلبج
وكفاية نيتج الصافية
وكفاية روحج الحلوة

آتمنى من جد إني لما تردين لزوجج
أسمع أخبار حلوووة مثلج
أسمع أخبا تسعدني وتسعد كل من يحبج ويغليج
أسمع خبر من زماااان ننتظره <<<
أهم شي أبي أسمعه
" إنج سعيــدة"
صدقيني هذا الشي اللي ودي يصير
من قلبج
صابرة عمري
ثقي تمام الثقة
ربي بيعوضج كل خير
وبيعطيج اللي تتمنيه
و بيرد لج زوجج أحسن من قبل
و بتصير حياتكم أحلى وأحلى

ياااااااااااااااااااااااااااارب العالمين

اكرر شكري لج ياعمري
وأقف لج إجلال على هالدعوات الحلووة
والكلام الطيب اللي أحلى من الحلا والله

و ربي يسمعني عنج كل خييييييير
ربي يكوون معاج دوووم

تحملي بروووحج يالغالية

و قلبي معااااج
لا وقلووب الكل بعد معااااج

مع حبي

__________________
"إخوان سنـة وشيعـة هذا الوطن ما نبيعـه ,, خذ هالشعار و ذيعه و تذووب الطائفيـة"
( منصووووووووووووورين والناصـر الله )

اه ياحبيبتي شيخة البنات والزين والذوق {أحبك}
صرت اطلع جوالي وابتسم عشقت الجوال عشان كل مافتحته
أدخل واحصل كلامك العذب
سحرتيني بسمو أخلاقك
انتي من وين مصنوعة حبيبتي كلك حلا ولسانك يتقط شهد
ياعمري تعلقت فيك وش بيصير لو تروحين عني
من كثر ما أسعدتيني صرت أنزل بزوجي كلام حب
كل ماكلمني أقوله حبيبي وحياتي
كان لساني مربط حبيبتي
بس قلت مو معقول بعد الكلام لي سمعته من شيخة وخواتي وفرحني
كيف مافرح زوجي
أنا مدينة لك بعمري وحياتي انتي وكل الاخووات
وقفتوا جنبي ورفعتوا من معنوياتي أسال الله ان يسعدكم بالدنيا والاخرة
أحبك أحبك أحبك يإشيخة
من جد شيخة بنت شيوخ
الله يرحم من رباك
ونعم البطن لي جابتك
الله يسعد والديك لي جابوك لهالدنيا بلسم الجروح
والله يابعد حياتي وعيوني
يابعد هلي استحيت منك
غلبتيني بذوقك
ولك مني دعوة في بيت الله الحرام
لج ولكل خواتي
يارب أسعد شيخة البنات مثل مأسعدتني
يارب أحفظها لأهلها وناسها
يارب أسعدها اينما كانت ووفقها وسهل لها كل صعب
يارب استرها فوق الأرض وتحت الأرض وبيض وجهها يوم العرض عليك
يارحم الراحمين
أحبك يإمن رسمت الابتسامة بوجهي
أحبك يإمن نزلت دموع الفرررررحة من عيني
يارب انك تخليها يارب

__________________

فديتــــج والله ياصااااابرة
فديتج يا بعد عمري

أحلى شي فرحني
وأحلى شي أسعدني
لما قلتي
إن بديتي مع زوجج بالحجي الحلووو
يا الله يالله يالله
وش كثر حسيت بسعااااادة
وش كثر فرحت
وش كثر استانست
كان ودي بهاللحظة
تكونين معااااااي
وأحضنج من قلب قلبي
والله يا حبوووبة
فرحتيني عسى ربي يفرحج دنيا وآخرة
هذا أول المشوار
وخليج مواااااااصلة ياقلبي
دلعيه
تحبينه وتموتين فيه
هو يدري
وصدقيني حتى هو يحبج ويموووت فيج
بس عطيه كلام هو
بيذوب في قلبه مثل العسل
انتي بكبرج عسل
وتقولني حجي أحلى من العسل
فديتج وفديت قلبج الطيب

والله إني حبيتج من كل قلبي
حبيتج كأني أعرفج من زمااااااان
حبيتج واااااااااايد ياصابرة
وربي يشهد

يالله خبر حلوووووو
تعرفي
ألحين بهالخبر
فتحتي نفسي
بظل طووول اليوم مبتسمة وفرحااانة
ودي ارقص من الفرحة
يا ريتج وياي بنفس البلد
جان والله أجي لعندج البيت
طيررررران


حبيبتي وبعد قلبي
كلامج في حقي كبييييييييير
كبييييييييير

من يقول اروح عنج
افااااا
معاااااااااج
آنا ويااااااااااج
خوااااتي العزيزات معاااااااااااااج
كلنا وياااااااااج
وإنشاءالله دوووووووووم

حبي
دعوااااااااااتج لي حلووووة
تخلي دموعي تنزل من الفرحة
تخليني أفرح وااااااااايد
اقراهم بدل المرة مرااااات
دعوات طيبة طالعة من قلب طيب وطاهر ونظيف

ياااااااااااارب
ياااااااااارب
ياااااااااارب
يامفرج عن المكروبين
يامغيث الملهوفين
يامنجي الخائفين
ويارازق كل السائلين
يا قادر ياكريم يا وهاب
فرج عن حبيبة قلبي صااااااابرة بنت الطيب والجود
فرج عنها فرجا عاجلا كلمح البصر أو هو أقرب
و نولها مرادها ياربي ياحبيبي
وفقهااااا في كل شي

ياااااارب حنن قلب زوجهاااا عليها
واهديه ياااارب
وابعد عنه العين والنظرة
واهديهم لبعض ياااااارب
وقفهم في حياتهم
وابعد عنهم العين والنظرة
وارزقهم بالذرية الصالحة
واحفظهم لبعض
واحفظهم لأهلهم واحفظ أهلهم لهم يااااااارب
الله اجمعني معهم في جنانك يااااااارب
واحفظهم أينما كانوا وأينما ذهبوا
بحق المصطفى (ص) واهل بيته الطيبين الطاهرين
ياااااااارب العالمين

عمري صااااااابرة
كلامي ما راح يووووقف
ومعنوياتج راح ترتفع أكثر وأكثر
وهذي بداية المشووار
والله ياعمري ربي يقدرني
وأسعدج وأفرح قلبج
و ربي ما بقصر
والأخوات أكيد ما راح يقصروون
وايد متحسفة
إني ما كنت معاج من زمااااااااان
يا ريتني مسجلة من زمااااااان
جان وقفت معاااااااج من البداية
بس ماعليه
الأهم إني ألحين معااااااج
و احنا كلنا آنا وخواتي الغاليات يد وحدة
ما راح نخليج
بنظل دووم
نسمعج
نحتويج
ندرايج
نخفف همج
نزيل حزنج
نسعدج
ونشجعج


وعسى هالابتسامة الحلووة ما تفارق محياااااااااج أبد
عسى هالوجه الحلووو دووم مبسوط
عسى الفرحة ما تفارق قلبج
عسى الحزن ينسى طريقج
عسى السعادة دوووم وياااج
عسى الأمل على طووول محتويج
عسى الخير دايم منور طريقج
عسى الأمان يكوون ظلج دووووم
عسى الخووف ينساج ويروووح بعيد وما يرجع
عسى دربج مفرووش بأمل وسعادة و حب
عسى ربي يحفظ لج الوالدة الغاااااالية ويخليها لج ويطول بعمرها
وتنامين بحضنهاااا وتحتويج بحنانها
عسى زوجج يدراايج ويراعيج ويحبج أكثر وأكثر وأكثر
عسى الألم ينساااااج
عسى ربي يخليج ويحفظج
ويرزقج ببنوتة حلووووة قمر تشبهج ياعمري

حبي لج كبيييير
ومعزتج بداخلي مالها حدوووود
و ربي يوفقني وأجي ازووورج
وأكوون معااااااج
وأشووووفج
والله إنتي مثل البسلم
مثل النسيم يهب و يخلي المكان كله أجواءه مافي مثلها

ربي من عاااااااالي سماه يسمع ندائي
ويستجيب دعائي
ودعاء كل من يحبج ويدعي لج بالخير

أكرر شكري وتقديري وامتناني من جديد على كل كلمة حلوووة في حقي
وعلى كل دعووووة في حقي
والله ثم والله أحلى من العسل
ربي يحفظج ويخليج


قلبي دووم ويااااااج


مع حبي

__________________
"إخوان سنـة وشيعـة هذا الوطن ما نبيعـه ,, خذ هالشعار و ذيعه و تذووب الطائفيـة"
( منصووووووووووووورين والناصـر الله )

يابعد روووحي تعالي يمي فديتك
وقسم بالله لو أعرف وينك فيه جيتك جري
وبتكوني أغلى هدية رزقني فيها ربي
نفسي اقابلكم كلكم
لكن مع الأسف المنتدى ممنوع فيه التواصل بشكل خاص
طلبت من الادارة ورفضو
حبيبتي أحبك كثيررررر صدقيني
أموت فيك وبكلامك
أسعد لا سويت طلة ع المنتدى والقى ردك
الله فررررحة ياحبيبتي
كيف السبيل للقياك ؟
أبي اصمج وابكي
شوفي ياروحي اليوم بحكيلك وش صار
كنا عند جدتي ياحبي لها سوالف وضحك
شوي ياني منه مسج انه شرى رقم يديد
قلت له مو صارت مشكلة زمان ع كثر الارقام
ليش تجيب رقم ثاني شنو تبا فيه
قال شفته مميز وقلت بأخذه لك بس بستعمله ع جوالي الثاني
قلت أنا مابا رقم إلي عندي يكفيني
قال خلاص أسف وانسي الموضوع الحقيقة ضاق صدري
وطلعت من بيت جدتي زعلانة
قال الدعوة ماتستأهل الزعل
بس هو عارف يإشيخة حبيبتي ان رقم ثاني بيزغلني
واصلا رقمه الحين يأكثر مايدقون عليه حتى العامل يدق بعد الساعة ?? بالليل
جواله مايوقف أبد من الرن
طيب رقم ثاني شكو
المشكلة يإشيخة هو عارف اني بزعل
وقبل يومين قالي شريت جوال جديد
قلت له لو ماعليك أمر مابيك تحظ رقم ثاني
قال أبشري
اليوم يقولي جبته عشانك !
شيخة. عمري نفسي يتجنب أي شئ ينكد علي وعليه
والمشكلة الرقم لي جابه مستعمل
يعني ممكن يجيه أي اتصال عشوائي وتضير مشكلة
تخيلي طلعت من عند جدتي أركص للسيارة ع طول ملامحي تغيرت
مدري حبيبتي
نفسي ومنى عيني يبيع أي شئ يحس انه بيزغلني
بدووون ما أقوله لأنه عارفني زين
يعني من صارت مشكلة ع أحد ارقامه قلت له ليش رقمين وثلاث ووعدني يغير رقمه
وفعلا تغير بس يجيه حول اللف اتصال باليوم
يدقون عليه الناس بكل وقت وأي وقت حتى بالأوقات الحساسة
فعلا انزعج
بس قلت له تجيب رقم غير لي عندك مو اتحكم فيه بس تفادي للمشاكل

__________________

حبيبتي شيخة أنا ماحكيت لك عشان يضيق صدرك حبيبتي
لا ياروحي أنا لازلت فرحانة فيك وبحبك واهتمامك فيني
بس حبيت أقولك وش لي ضيق صدري اليوم
حتى وربي البيت كل الأهل يقلون لي ما شاء الله مبسوطة »» انصكيت عين
وتأكدي انه لي زرعتيه انتي وكل الاخوات بصدري من محبة وحب راح يسعدني مسيرة عمر
بس حبيت أقولج شنو صار اليوم

__________________