ما شاء الله تبارك الله الله يحفظهم لكي يارب


زي ماقالت بنت مكه شوفي تركيزها بايش ونميه وحفظيها قران طالما هي صغيره ان شاء الله ما تكبر الا وهي حافظه المصحف

والفطام حاولي تتكلمي معاها انها كبيره والمفروض ماتكون تاكل وتشرب قبل تنام زي الكبار

وانها تشرب حليب قبل النوم بكاسه واغريها بالكاسات الملونه وعليها اشكال وفي كاسات بالمصاص حلوه كمان

وفيه كتير اشكال بالصيدليه

زي كدا



ومع الايام بتتعود

وعلى الحمام اكرمكم الله

في داخلي للاطفال يكون من جوه قماش ومن برا بلاستك او العكس ما اذكر بس يعني يحمي اذا سوت شي ماتوسخ الدنيا

مره حلو للي بيعلمو اولادهم على الحمام

زي كدا



لبسيها وعلميها انو هادا كلوت اوكي لو في شي على طول تقولك انها تبى الحمام وكم مره حتقول ومره حتعملها على حالها وشوي شوي تتعلم وطبعا كل ماتعملها بالحمام وريها انك مبسوطه وشجعيها وخلي ابوها كمان يوريها انو فرحان ويشجعها بالعبه او طلعه او حلاوه وكدا حبه حبه وتصير شطوره

بس اهم شي تصبري وماتكوني عصبيه معاها

وان شاء الله اكون افدتك لو شوي

[SIZE="3"][COLOR="Black"]الله يجزاك الجنة ويبارك فيك..والله أفدتيني كثير..

غاليتي حاولت بالكاسات الملونة ما فاد..وهي احيانا تنام بدون رضعة بس تصحى من نومها تقوم البيت كله ببكاها إذا ماعطيتها الرضعة..

أخوها يرضع وأتوقع ممكن هذا سبب في الموضوع..

اللي حولي يقولون لي خليها إلى سنة ونص او ثلاث سنوات..وأنا مو متحمسة أبد لهالفكرة وودي بعد أرتاح شوي من سالفة القومة كل شوي لها ولأخوها..

وبالنسبة للحمام أبشركم لنا حوال اربعة ايام الوضع مرررررررة ممتاز ماشاء الله..

أخليها بدون حفاظة وماشاء الله أول ما تحتاج الحمام تكلمني..

حتى وقت غفوتها الله يحفظها وديتها الحمام قبل النوم ولا عملت شي عالفراش..

بس أمس كانت تلعب مع بنات أخوية وعملتها..بس مو مشكلة..

والحمدلله الكل يشجعها..ويحفزها..

__________________
عندما أكتب فأنا أناقش الفكرة لا الشخص..

فلا ضير أن تختلف آراؤنا ولا تختلف قلوبنا..