الله يعظم اجرها ويصبرها عليك وعلى زوجتك الجديده...
طبييييعي ماتبي تشوفك ماتنلام ..وصدقني زوجتك ماكرهتك من عبث..
اكيد كان فيه مشاكل بينكم وانت زدت الطين بله بعلاقتك مع البنت اللعوب على قولتك...
الله يهديكم ويسخركم لبعض...بالتوفيق...

__________________

الأخ المحتار
أرجو إخباري بما يحصل معك من جديد

أخي البليغ والله إني ممتن لك وأشعر إنك أخ ناصح تتقي الله فيما تكتب مما جعلني أشعر أنك وأمثالك تعتبرون عماد هذا المنتدى تنصوحون وتوجهون.
أماعن الجديد :
طبعا تغير الوضع وأصبح البكااااااء ملازم لها حزنت عليها كثيراً وصارت في حالة هستيرية .. تناديني وتقول وأطلع من عملي خير تقول اجلس أقول طيب وأجلس أمامها .. ما عندها شيئ تقولها فقط بكااااااااااااااااااء وبعدين تبدأ تتكلم وتقول والله ما أسامحك .
أقول قبل كم يوم تقولين روح اتزوج غير مأسوف عليك وتقولين والله لأساعدك في المهر والحين تبكين ، حاولت أهدئها وإن اللي حصل لأني محتاج إلى إنسانة تعفني وإنتي رفضت تقومي بواجبك تجاهي .
لكنها في حالة هستيرية .. تخيل قلت لها صلي على النبي قالت ما أعرف الله ولا أعرف النبي وبدأت تردد كلمات كفرية .
تركت النقاش معها خشية عليها والتزمت الصمت .. طلبت جوالي وصاحت أعطيتها الجوال أخذت تقلب فيه تدور رسائل ولما ما وجدت شيء ضربت الجوال في الجدار لما صار كل وصلة في جهة .
والحمدلله إن الجوال سلم ورجع اشتغل .. وطلبت مرة ثانية وأصرت قلت خذيه وخليته عندها لين هدأت.
كلمت أمها تجي عندها وتهدأها والمصيبة إن الحريم غير موثوق في كلامهن .. لأني سبق إني رحت لأمها وشكيت الحال وفهمتها على كل شيء والله حتى الوضع الخاص لأني ما أتحمل .
كان رد أمها بالحرف الواحد قالت : روح اتزوج والله إنك معذور وبنتي ما حد يقدر عليها كلنا عجزنا فيها وهذا الكلام ما قالته مرة وحدة بل أكثر من مرة.
لما طلبت من أمها تهدأ الوضع وتجي للبيت وتجلس مع بنتها قامت تصارخ علي وتقول ظلمتها .. وقهرتها وعذبتها .
البيت عندي يغلي والعيال يراقبون الوضع باندهاااااااااش تااااام ، أمهم مشغولة بمصيبتها وجدتهم ما طلبتهم عندها عشان ما يتأثروا ، وأنا ماعندي مكان ثاني أخليهم فيه.
حاولت البارح أخذهم لبيت عمهم مع إنه بعيد عشان يلبعون مع عيال عمهم وينسون الموضوع ، لكن ما زال الوضع في البيت متأزم .
الله يصلح الحال

__________________

سبحان الله ليش ما تنلام .. يعني أكثر السنين اللي مرت علينا وهي حارمتني من حقوقي كزوج ولا أستطيع الوصول إلى حقوقي وخاصة حق الفراش إلا إذا هي مزاجها معتدل وراضية .. وبالمناسبة هي عنيدة لأبعد الحدود حتى لما كانت في بيت أهلها . كانت دائما في مشاكل مع أخوانها وأمها.
امرأة غير قادرة على إسعاد زوجها ولا قادرة إنها تعفه .. ودائماً ترد بصلافة وعناد وتحدي وتكبر ولا تعترف بي كزوج واذا أرادت مني شيء تقلب علي الدنيا حتى أنفذه .
إمرأة يهددها زوجها بإنها رح يتزوج عليها إذا ما تعدلت تقول وبكل جرأة وتكبر روح اتزوج غير مأسوف عليك .
تجي إنتي في هذا الرد وتقولين ما تنلام.
سبحان الله كيف تفكرون .

__________________

الصراحه اي حرامه على وجه الارض ماترضى ان يشاركه احد في حبيب وشريك حياته
انا اشوف انك تبعد عنه فتره وترجع وراح تشوف التغير في حياته اتجاهك لانها راح تغار وراح توراك ازين ماعندها لان تبي تترك زوجتك الثانيه وانا من كل قلبي اتمنى تنصلح حياتكم وتنسى موضوع لزواج والله يوفقك