القطط شكلها حلو بس بكل أسف من يوم يومي وأنا ما أطيقها ما أحبها أبد لا أنا ولازوجي بس الطيور حلوه سبق وربينا طيور باقي نفسي زوجي يشتري مزرعه و يجيب فيها إبل وخيل بصراحه من زمان أحب الجمال والخيل ولما نطلع برى المزارع و أشوفها وأقرب منها أرتاح نفسيا وأحبها حيل بالذات الإبل وكمان نفسي أجيب حيوانات عندنا بالبيت من الزواحف ثعابين بس ياو يلي من زوجي يخاف من الثعابين موت
ولو جابوها عرض بالتلفزيون يقفله على طول زوجي عكسي تماما أذكر قبل فتره سافرنا أبها ورحنا هنا ك حديقه فيها مهرجان وفيهامكان خاص بالثعابين والله زوجي مادخل
معاي إلا بشق الأنفس وعلشان أستحى من الناس إللي متواجدين هناك ودخلنا مكان إسمه كهف الثعابين كله مليان حيوانات زواحف عقارب وثعابين و سلاحف و ضفادع أشكال والوان وتماسيح وشفناها
أنا و عيالي وكان معنا أخوي وأخذنا
واحد من الثعابين و صورنا معاه
كان ملمسه ناعم جدا وفيه بروده كان لما أشيله أحطه على كتفي كان أحس ببروده في جلده الخارجي وكنت ألفه على ذراعي يلتف بسهوله وأحطه على رقبتي من جهه ينزل من الجهة الثانيه و عيالي لعبوا معاه و أخذوه و حطوه على رؤسهم و لفوه مثل العقال عليها وصورتهم وما أخفيك سر إن معجبه جدا بثعبان الأناكوندا والكوبرا الإفريقيه بصراحه أشكالها روعه ونفسي أشوف الأنا كوندا على الطبيعه إللي طولها من أربعين إلى خمسين متر شكلها خيال تجنن بس أنا زوجي يخاف الثعابين عكسي تماما أفر ح لما أشوفها .











‏

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

ثعابين؟؟؟؟؟؟؟؟؟؟؟؟!!!أرى بأن خوف زوجك من الثعابين طبيعي,,,وحالتك نادرة
تلمسينها وحملتيها على كتفك؟؟؟؟؟؟؟؟؟؟؟؟؟!!!!
والله لو أعطوني كنوز العالم مقابل لمسي لجزء من جسم الثعبان حتى ولو كان بعيدا عن رأسه لرفضت ذلك
مستحيل,,ولو أراد أحدهم المزاح معي ووضعها أمامي ببعد 100متر لأصبت بسكتة قلبية,,لم أراها في الواقع ولا أتمنى رأيتها أبدااااااااااا
الله يعينو زوجك,,خليلو ثعبان احتياط,,لو صار يسهر برا كثير ويرجع فوقت متأخر,,تصرفي وحطيلو الثعبان عند الباب ,,يصير يبوس راسك وراح ترجعي تتمني يخرج وما يرضى

ههههههههههههههههههه
هلافيك أختي و حياك الله ضحكتيني الله يحفظك وتذكرت خوف زوجي الظاهر عندك نفس عقدة زوجي أنا يا أختي زوجي قد تعرض لقرصة ثعبان من زمان و كان عمره 15 سنه علشان كذا صار يخاف منها بزياده وأنا أحب الثعابين الأليفه
أما النوع الثاني السام ما أقربه لأنه يقرص بس أنا أ طارده و أقتله عادي لأنه سام و قاتل أخاف يأذي الناس فأ قوم بقتله
أذكر مره طلعنا ناحية مزارع علشان نفطر برى في الصباح ونتمشى أنا وزوجي و عيالي
وكانوا عيالي جالسين يلعبوا وكان حولهم في المزرعه كرتونه قام واحد من عيالي يشيل الكرتونه ورفعها وطالع إلا تحتها حيه و صاح يمه ثعبان يابوي ثعبان وزوجي سمع إسم ثعبان بس وحنا باقي جالسين أنا و ياه نفطر وطار جري فتح باب السياره وجلس فيها و قال يعيال ياالله
أركبوا السياره أهربوا يالله بسرعه و قفل على نفسه بالسياره و جلست أضحك عليه كان شكله مرتعب وجالس يناظر بالأرض و يسأل هاه وين راح الثعبان ورجعت أنا رحت دورة صخره كبيره وأخذتها و رفعت الكرتونه أول مارفعت الكرتون عنها طلعت صوت مثل النفخ وحاولت تهرب بس أنا ما أعطيتها تعوذت من الشيطان و بسملت بالرحمن
وطرآآآآخ على راسها مباشره وجلست تتقلب يمين يسار وأخذت حجر ثاني وضربتها حتى فارقت الحياة وبعدها شلت الصخره من على رأسها وجلست أتأمل شكلها و أقلبها قدام عيالي وأشر ح لهم عنها وفتحت فكها وطلعت لهم أنيابها
إللي تقرص فيهم و يطلع السم منها و بعدها شلتها بالكرتون و خليت زوجي يشوفها و تطمن و تأكد إنها ماتت ورميتها قدامه علشان يصدق لأنه لازم يشوفها ويتأكد إنها ماتت يخاف أسوي فيه مقلب
بعدها نزل من السياره وجلس معانا بس كان في جلسته حذر وكل شوي يتلفت
حوله .

بالنسبه إني آخذ ثعبان وأخليه لزوجي علشان لو يسهر برى أخوفه فيه الحمدالله والشكر لله زوجي مو حق سهرات ولا جلسات خارج البيت بس لو كان صاحب سهرات و سو يتها له هالفكره و الله الظاهر إنه يتوقف قلبه و يموت من الخوف أقول لك و الله لو شافها بالصور إنه مايقدر ينام يقول أشوف الثعابين باليل وأنا نايم
يعني زوجي كل شئ عنده هين إلا الثعابين .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

ههههههه,,الله يسخركم لبعض ويحميكم ويحفظكم ويحفظ عيالكم,,والله أرعبتيني وضحكتيني كمان