تسمحلى اقلك فى البداية موضوعك نرفزنى واراء بعض الزملاء كمان نرفزونى انت عايز ايه بالظبط عايز الى ينافقك ويقلك ياعينى ماتتجوز وحد يصبر على العيشه دى ولا عايز الى يصارحك
يعنى ايه تتجوز بنت عندها 15 17 19 سنة ايه التفكير ده تفكيرك غير منطقى وكمان ازاى تتكلم عن زوجتك بالطريقة دى على النت وتفضحها بين الاعضاء ترضاها على نفسك زوجتك تكتب كده بحقك وما اظنش انك ملاك خالى من العيوب وكان ممكن اوى بدل ما تتكلم كده فى حقها تكتب على جوجل كيف الزوجة تحافظ على انوثها وما الى ذلك مش حضرتك تكتب عنها بالطريقة دى تصدق بالله انا عمرى فى حياتى كلها شفت زوج بيفضح اسرار زوجته على النت عيب بجد عيب وفاكر البنت 17 و19 تدى هتديلك ايه زيادة بل العكس لم تعجز انت هتبيعك لانها هتكون لسه فى ريعان شبابها وكمان خلاص بطلت الموضة دى الزواج المبكر بجد انا صعبانة عليا زوجتك اكتر منك تخيل كده لو قعدت على النت ووقع فى ايدها موضوعك ده شوف رد فعلها هيكون ازاى
انت تستحمل على نفسك حد يقول فى حقك الكلام ده معرفش ازاى جتلك الجراة تتكلم فى حق مراتك بالشكل ده قدام الاعضاء حقيقى عيب عليك انت غلطت بحقها غلطة كبيرة ومتهيئلى عمرك ماهتعرف تكفر عنها شوف كام واحد قرا موضوعك وهان مراتك سرا او علنا حقيقى مش لاقية كلام اقلهولك