بأنيم ولدي معليييه ..

بس بأضيف شئ معليه .. يعني أبسط شئ على كذبه .. و قيسوه عليه بقية الأمور الكبيرة و الصغيرة
في الحياة ؟ مادري كيف انسان مثل هذا أثق فيه ؟ و كيف بنبني مستقبلنا معاه و كيف بتمشي الحياة
معاه ؟

فيه شيك بإسمي بمبلغ 7 الاف ريال ، المفروض استلمه من شهر و نص تقريبا ..
سألت زوجي عنه ، قال لي .. كلمتهم و قالولي معليه بتتأخر كمان شهر .. و يألف قصة من راسه ؟

في الأخير يوم طفشت منه ، و عدّى شهر و نص ..
قلت له هات رقمهم أنا أكلمهم أو ايميلهم ..

قال لي ادخلي من ايميلي و بتلاقي كل شئ ..
دخلت و لقيتهم مرسلين لزوجي من زمان ، يبغوه يعطيهم اسم أي شخص عشان يستلم الشيك من الرياض
قلت لزوجي ، و يقول .. لا ، أنا كلمتهم و قالوا بعد شهر كمان ..

قمت أرسلت لهم ايميل أمس ، و ردوا علي .. إننا أرسلنا نطلب منك اسم أي شخص عشان يستلم الشيك
و يكون معاه صورة من جواز السفر أو اثبات للشخصية ..

عرفت إنه زوجي ، لا كلمهم .. و لا تابع الموضوع .. و مؤلف حكاية من راسه ..؟؟؟؟؟
و يوم قلت له كذا ردوا ؟

قال لي .. خلاص أنا بأسافر الرياض و أجيب الشيك <- يحب يعمل زي جحا و فين أذنك يا جحا ؟
قلت له ، مو إنت تقول التذكرة للرياض غالية و بـ 500 ريال ؟

و أعرفه ، لو سافر الرياض .. بيرجع بخفيّ حنين .. و لا ياخذ الشيك و يكذب علي إنه الشيك ضاع

.
.

اليوم أسأله ، هاه .. إيش صار مع الشقة ؟
قال لي .. اليوم مرة اشتغلت ..

قلت له ، إيش عملت ؟
قال لي ، دقيت على واحد عشان يشوف لنا سرير لغرفتنا ..

قلت له ، ليه هو بيختار لنا و لا نحن نختار ؟
قال .. لا ، هو بس قلت له يسأل لي عن المحلات اللي تبيع بالتقسيط ..

قلت له ، ماشااااااااااااااء الله ..
ساااااااااااااااااااااااعتين ؟ بس عشان إتصال و تقول له شوف لي محل يبيع سرير ؟؟؟؟
يعطيك العافية ..

.
.

زوجي يعرف يخلص الأشغال كلها ، بس متى ما أنفجر عليه و أقل أدبي عليه و أقلل من احترامه ..
و أخلي أمي تعطيه كلمتين .. وقتها بيتحرك و يخلصهم كلهم في يوم واحد .. بس ليه يجبرني على كذا ؟


مرة قلت له ، أكلمك بصراحةة بس لا تزعل ،، إنت عندك عقدة نفسية ..
لإنك تعودت عالنكد كل يوم في بيت أهلك ( لإنه قال لي مرة ، أبوه لازم يعيشهم في نكد يوميا ) ..
و لإنه أبوك كل يوم يصرخ عليك .. فتتعطش للأسلوب هذا ..

و لإنه تعود يفك نفسه من عقاب أبوه ، بالكذب .. فصار يتعامل معاي باالكذب
و كم مرة قلت له ، أنا مو أبوك ترى .. و كم مرة جربتني يوم تتكلم بصراحة بأحترم صراحتك و كل شئ ينحل بهدوء ؟
ليه عقدة الكذب هذه ؟

أنا من جد مليــــــــــــــــــــــــــــــت ..

.
.

حتى دحين يوم يقول معزوم عند أخوي ، فأعرفه 50 بالمية كذاب
بس أطنننننش ، لإنه ما يهمني


و كلام الحب و العشق ، ما تسمن و لا تغني من جوع ..
لإنه حتى الشئ هذا ما صرت أثق فيه ..