روح ياعسل استهدي يالغالية

أنتي مضغوطة فانفجرتي مرة وحدة سالفة اللقمة الأخيرة
بس ياليت تقرين ردي وانت رايقة
أول شي أنتي مركزة على سلبيات زوجك ومهملة تماما إيجابياته
وهذا شيء طبيعي لأنك متشبعة منها ولاجربتي فقدها فأنت تشوفينها ولاشي مقارنة بالسلبيات اللي مضخمها لك الشيطان
زوجك جنوبي وأنت عارفة هالشيء لكن للأسف ماتقبلتي شخصيته كنمط له ارتباط بتكوينه
وبنفس الوقت عارفة ضروف تربيته بس ماعاملتيه بناء عليها
بالنسبة لجنوبيته
بداية أنتي بحاجة حقيقة أنك تقرئين عن ايجابيات الجنوبي أو بالأصح تعرفين حقيقة إيجابيات زوجك
أنت مثلا ماجربتي تعيشين مع واحد بخيل ويحسب للريال قبل لايطلعه ألف حساب ويفتح محضر تحقيق قبل لا ييعطيك هللة
ولا جربتي كيف العيشة مع شخص عملي حياته كلها جد فجد مافيه ضحك ولا وناسة ولا مرونة ولو نكتي علييه شافك فطرف عينه وعلق تعليقة تكرهك بعمرك
ولا جربتي تعيشين مع شخص مدقق يدقق بشكلك ببيتك بأطفالك بأهلك يفقدك الثقة بكل شيء تملكينه
وإلا واحد مغروروشايف حاله وهو ولا شي بس أنتي عنده مقامه ولا شيء
وإلا محقر ماعنده الا يحقرك ويحقر أهلك وعملك ودراستك
وإلا واحد عصبي لو تأخرتي دقيقة والا فريتي خلاط الموية صارت مشكلة
وإلا شخص جاف ماعنده رومانسية تتعطشين ماسمعتي كلمة
أو يكرهك ولاهمه رضاك
أو انتقامي يرد عليك كلماتك بخصوصه بأسلوبه الخاص اللي يكرهك بنفسك
الدنيا مليانة وأنتي عارفة
ومثل مانت شايفة زوجك هو برضو أكيد متضايق من شماليتك
أنا شايفة أنك ماشاء الله مطولة بالك وصابرة بس أسلوبك معاه خطأ وجالسة تكررين خطأ أهله وبيوم هو بهرب منك
الجنوبي رغم حبابته وطيبته وقلبه الأبيض بس مايصلح تعطينه الجمل بما حمل
المفروض تخلينه بس للتنفيذ وهو شاطر فيه
أبوي نفس زوجك ووامي قريبة منك تعطيه كل شيء مثل ماكانت أمها تتعامل مع أبوها بس طبعا يوصولون ساعات للانفجار
اللي عرف له حنا عياله صرنا نقوله عن المشروع بكافة أدواته ناخذ منه الأذن والفلوس والتنفيذ أمور كثيرة مشت
يعني مثلا الشيك كان المفروض أنتي خلصتي شغل الايميلات وهو بس ينفذ
السرير المفروض سألتي وبحثتي بس دليتيه ع المكان هو يروح له مباشرة ويشتري
العفش مثلا كلمتي مؤس سة وأخذتي موعد وبلغتيه يستقبل صدقيني يتمشي الحياة على أفضل مما تحبين بس تعاملي مع حياتك صح وحطي صبرك ومرونك بمكانه الصحيح

وأحب أحذرك من انتقام الجنوبي
كلماتك اللي الحين تعطينها إياهرممكن ترجع لك بيوم أنت مو بحاجتهاوصارت لغيرك
الجنوبي الهاديء الوديع الرومانسي أنقلب وحش
وكل الكلمات اللي كانت تنقال له صار يعطيها زوجته بس بأسلوب فضيع

الله يسهل أمري ووامرك ويختار لك الخير يارب