بسم الله الرحمن الرحيم..

سلام من الله عليكم..

مثل ما أنتوا شايفين أنا عضو جديد , عن طريق عضو كبيييير عندكم وهو اللي اقترح علي أعرض مشكلتي عندكم ,
وقالي وحرصني على بعض الاعضاء السيف المهند أخي في الله وشاطئ المحبة وأبو فلان والبليغ والحكيم ومعدن الرجوله ولا يهونون الباقين من أخوني وأخواتي الأعضاء.
ونبهني لنقطة, الهجوم من بعض الاعضاء لكن مو بـمشكله بإذن واحد أحد قلبي وسيع لكم ولإستفساركم لمشكلتي من كل الجوانب حتى يتسنى لكم الرؤية الصحيه والاخذ بيد أخوكم للصواب.. خاصة انه اللي بوسط المشكلة يغفل عن بعض النقاط بخلاف البعيد يرا جوانب مخفية يستطيع من خلالها استشفاف الصواب..

بداية.. أنا رجل عمري 41 سنه .. هادئ.. أجتماعي.. فيني حس الدعابه.. لي حضوري في المجتمع.. محافظ على صلواتي.. غير مدخن ومالي بهالخرابيط.. مو راعي تلفزيون .. لكن تجذبني بعض البرامج .
عندي زوجتين..
الاولى (د) عمرها 28
والثانية (ف) 31
متزوج الاولى من 11 سنة..
متزوج الثانية من 5 سنوات

سبب زواجي الثاني بصراحة أنا كنت أتأثر بكلام الناس شوي وكنت أحس بالنقص بزوجتي.. هي بنت حلال , وظليمتها شينة , صغيرة كملت الثانوي عندي, مأدية واجباتها وزود , لكن كنت أطمع بأكثر.. وخاصة في العلاقة الخاصة..

كنت أسمع وأقرا عن أشياء ما شفتها بزوجتي , من ليالي حمرا وبرتقالية ومدري وشو , من طريقة طلب الزوجات لأزواجهم للـ (.........)

فكنت أفتقد هذا الشي في زوجتي.. ولا من ناحية أهتمام وكشخة وغيره بالعكس مو مقصره .

طبعا أول اربع سنوات كنت أوكي ما حسيت بالنقص .. لكن بعدها وبعد ما تعودت عليها وبعد انتشار المنتديات والمواضيع الجريئة.. وبعد ما أخوياي تزوجوا لابد هذا يجدع كلمة منا و ذاك يلمح .. وهذا اللي يقول عن المنتدى الفلاني وهذاك اللي يقول المنتدى العلاني بديت أحس..

طبعا كلمتها ووضحت لها-
لكن هي شايفة انه الوضع طبيعي واني انا خيالي زيادة عن اللزوم وانه هذا الشي هي سوته لكن أنا ما أستشعره ومن هالكلام..
وبدت تذكرني باليوم اللي فاجأتني فيه يوم جابت لي هدية بمناسبة ترقيتي , ويوم سويت عمليه ونجحت عمليتي, ويوم رجعت من السفر.

أنا عن نفسي كنت أحس أنه حركة عادية ما أججت مشاعري,
يمكن المشكلة فيني لأني تزوجت شوي كبير .

المهم قررت اني اتزوج , ومن حقي اتزوج لأني الحمدلله مقتدر ماديا ونفسيا وجسديا..
طبعا حطيت شروط أول شي قلت ابيها ناضجة , جميلة , ياحبذا تكون موظفه , عشان تكون في دخله وطلعة وشي جديد يعني مو مثل اللي تكون علاقاتها محدودة.

ولقيت كل المواصفات وفرحت كثير وتزوجت.

طبعا أول سنه زواج أقصد أول سنة تعدد تعبت فيها شوي من زوجتي الاولى بسبب صدمتها من زواجي وصلنا فيها للطلاق لكن الحمدلله عدت.
وخاصة يوم شافت اني عادل بينهم فمثل اللي بردت النار اللي بقلبها..
ورجعت معاي تقريبا مثل أول واستبشرت خير.

السنة الثانية كانت الامور ماشيه بهدوء , السنه الثالثة بدت مشاكلي مع زوجتي الثانية
زوجتي (ف) إنسانة غيورة حد المرض
سليطة طبع وسليطة لسان بشكل مو طبيعي
لدرجة بديت أكره الحياة معاها.. ما أخفيكم انها بارعة جمال لكن والله أنها لاتؤثر فيني قدر انملة.

زعلت منها , عاقبتها , هجرتها, مافي فايدة , !!
الان صرت اخاف ربي يعاقبني بعدم عدلي.. حذرتها بينت لها مافي فايدة متسلطة , إذا غضبت تحولت لوحش كاسر, تتلفظ بألفاظ بذيئة ومافي رجل يقبل بالكلام هذا لكن تحملتها وصبرت من أمثلة تسلطها وغيرتها ..

أنا ولدي الكبير فهد.. وأسمي أبو فهد ..
إذا صرت عندها وجاتني مكالمة من الدوام او من أحدا الشركات وويسألوني من معي أقول : أبوفهد.

تقول ليش ما تقول أبو سارة؟؟ ولا عشانها بنت

أحاول أسايسها وأطيب خاطرها وأضيع السالفة..
جاني منها ناصر صارت تقول طيب هذا ولد ليش ما تعترف فيه
ليش ما تقول أبو ناصر .. ولا هذا مو ولدك بس فهد هو اللي ولدك!!

قلت لها يا حبيبتي أنتي شايفتني حالت سارة وناصر بالشارع عشان تقولين أعترف وما أعترف؟!!

أنا أبو فهدو ما جبت سيرة اخوانه كللهم لا اللي منك ولا اللي منها !!!

تسوي لي سالفة وتزعل وتطنقر وتلوع كبدي.

مثال ثاني:

أنا متعود إذا جبت شي لزوجتي (د) وتكون هي محتاجته .
على طول أعطي زوجتي (ف) قيمته.

مثلا زوجتي (د) تبي سشوار لأنه سشوارها انحرق اشتري لها السشوار.
وأروح لبيتي (ف) أعطيها قيمة السشوار من باب العدل.
وهي كذلك إذا اشتريت لها مكوا ملابس
إذا رحت بيتي (د) أعطيها مبلغ اللي هي قيمة المكوا.
بدون ما أفصل لهم وش سويت ولا وش شريت للبيت الثاني إلا إذا عرفت أنهم اثنينهم يبون نفس الشغله
اشتريلهم اثنينهم.

أتعامل معاهم مثل أولادي كلهم سواسيه عندي مافي وحدة أحسن من الثانية.

صارت زوجتي (ف) تتدخل بالموضوع هذا إذا جبت لها شي تقول خلاص مو لازم تعطي زوجتك الاولى قيمته لأنه مكلف وهذا شي ضروري مو كمالي عشان تعطيها!!!

وتسوي لي مشكلة مالها أول ولا لها أخر وتنكد علي عيشتي .. وأمشي الموضوع معاها وأقول لها خير ان شاء الله , بعد بكرة اللي هو يومها ترجع تسأل عطيت بيتك الاول تكلفة اللي سويته لي؟!!

أقول لها لا ما أعطيتها , تقول أحلف , وربي يحرمك عيالك منها إذا كنت كذاب وكلام ماله داعي وسب وتلفظ أعوذ بالله..
وينقلب يومي نكد بسبتها!!!

ومواقف كثيرة لا تعد ولا تحصى يبيلي أتفرغ عشان أكتبها..

والمشكلة أنه مشاكلي معاها مو مشاكل زوجية تحصل في اي بيت - لا مشاكلي معاها لازم في طرف ثالث بالمشكلة يا زوجتي الاولى او أصحابي أو أهلي , أو عيالي من الاولى

فعلا قرفت .

ساعات أقول هل هذا ابتلاء من الله لي عشان يرفعني بصبري غصباً علي , أو هذا عقاب لأني ماحمدت ربي على زوجتي بهذاك الوقت وربي بيورني النعمة اللي كنت فيها.


ألحين صرت أقول ااااااااه لو اني قاعد على وحدة كان مالي بعوار الراس وبعدين أتعوذ من الشيطان وأقول فترة وتعدي - والان لي ثلاث سنين وانا ما ذقت الراحة والاستقرار بسببها , مدري يعني لمتى اصبر عشان تعدي.

طبعا انا الان طالب إجازة من الدوام , واضطريت أكذب عليهم بأنه عندي انتداب , وأنا والله لا انتداب ولا هم يحزنون.
صرت أتهرب من بيتي الثاني بسبب نكدها وعلتها.. واهرب من بيتي الاول عشان ما أغلط عليهم بسبب نفسيتي الزفت.

شوروا علي وش اسوي ؟

زوجتك يبغي لها شويه حزم


وليش اصلا تدخل بحياتك مع زوجتك الاولي

لوكانت هذا الحركات من زوجتك الاولي ممكن اقول بسبب الغيره

لكن الثانيه من ايش تغير

وما عندك غير انك تقولها انا تزوجتك عشان ارتاح

واذا كل يوم نكد

حدور علي وحده ثالثه الي ان اجد ضالتي

وحاول انك تطنشهااذا بدأت بالصراخ او ادخل غرفتك وسكر الباب

الي ان تهداء









كان الله في عونك

__________________
الحمدلله علي أنعم الله الظاهره والباطنه

وش ذي الغيرة الزائدة ؟؟

المشكلة انها الاكبر و المفروض انها تكون واعيه و فاهمة و داخلة على بيت ثاني بعد !!

واضح انك ما قصرت معها و فوق هذا عادل ما شاء الله عليك

طيب وش تبي اكثر من هذا اجلس معها و صارحها شوف وش اللي ناقصها

مع اني اشوف ناقصك شوية حزم كما قالت الفاضلة ( نور دبي )

الله يسخرها لك و يكون بعونك

و الله يعين كل واحد معدد ع الثانية ( لعيون نورين )

__________________
ليتني طفلة أكبر همي لعبتي

خليك حااااااااااااازم وطنشهاااا لاتعطيها وجه ليين تتعدل وتصير سنعه زي الأولى
وان قلبت يومهاا نكد هي الخسرانه وربي هي هههههه طنشهاا ودخل غرفتك وناااام
ربي يهديها ويسخرها لك
والله يعين كل معدد على زوجته الثانيه

__________________
[ ﯾٱﻟﻟہ ﺣﺳﻥ ﺂﻟﺧٱﺗﻣہ

مشكلتك حلها بيدّك انت
الموضوع مقتصر على الغيره واسلوب زوجتك الثانيه المتسلط معك
خلك صارم وخصوصا في مسائل مثل كذا ولا سالتك عن دفعت عطيت وش سويت اكتفي برد حازم ونظره معبّره عن
موقفك وردة فعلك مثلا تقول " لا تملين علي وش اسوي" خلها تحس انك ماراح تغيّر من نهجك مع الثنتين سواء ضروري او كمالي
بيّن لها ان في مواضيع ماتقبل تغيرّها او تجادل فيها لانها ترضيك وبالتالي ترضيهم وحلو انك عادل بينهم صحيح
انه مسبب لك ازمه في فتره ليست ببسيطه نوعا ما بس ثمارها عند الله ابرك ان شاء الله

يوووووووة ياشين غيرة الحريم خوفها بالثالثة والله ان تتاأدب

وبسراحة شكل زوجتك الاولى طيبة ومسكينة وعلى نياتها يااعزتيلها ماتعرف كيد الحريم والدليل انها قبلت ورضت بزواجك

اقولك الحل زوجتك ف

يبى لها درس تعطيه اياة يعنى هددها بالصلاق ان ماتعدلت اجدعها فى بيت اهلها ورح لزوجتك د لانك بسراحة احس فية ظلم ناحيتها فى شى اهى مالها ذنب فية يعنى لا تفكر ان اللى تسوية عدل بهجرك لزوجتك الاولى عشان الزوجة ف موريتك نجوم الظهر اذا كنت فعلا خايف من الله سبحانة لا تضلم احد على حساب احد ثانى

[QUOTE=& نور دبي&;2583035]زوجتك يبغي لها شويه حزم


وليش اصلا تدخل بحياتك مع زوجتك الاولي [COLOR=Indigo]


أنا حازم معها, لكن بطبعي ما أحب عوار الراس والمشاكل.
فكنت أحاول أحتويها , لكن الظاهر انها مو كفو الحشيمة , وسالفة ليش تدخل هي عندها حب تسلط ولقافه

شاكر لك مداخلتك

بارك الله فيك,

قولها يعني تبيني أطلقها مثلا عشان اعيش بسعادة معاك

معليش قهرتني لأنها أنانية مع احترامي لها و لك

__________________
ليتني طفلة أكبر همي لعبتي

و الله يعين كل واحد معدد ع الثانية ( لعيون نورين )

تسلم عيونك ياقلبي هههههه
يختي كده الصـــح غالبا الغيره المفرطه تجي من الثانيه
عاد الله يعين اخونا ابو فهد على زوجته الثاانيه

__________________
[ ﯾٱﻟﻟہ ﺣﺳﻥ ﺂﻟﺧٱﺗﻣہ