هلا برورو.. وحشتيني يا بنت
لاه نسيتيني.. أنا كمان شماليه غربيه و زوجك جنوبي غربي
كنت ديماً أقول إنه في تشابه كبير بيني و بينك، و أعتقد إني إكتشفت السبب
وهو إننا من نفس البوصله،، بس سبحان الله كمان لقيت تشابه بين زوجي و زوجك في وصفك لزوجك
مثلاً إنه كمان زوجي أبداً ما يحب يفطر في الصباح،، و أحب ما عنده إنه يقوم في آخر لحظه
يستحم و يلبس و جري طالع،، و الكلمه المعهوده منه،، تأخرت تأخرت تأخرت
زمان بداية أيام زواجي كنت اصحى و أصحيه و أسوي فطور محترم،، و هو كان يجاملني و يضغط على روحه عشاني
بس بعدين لاحظت انزعاجه و كده،، و صارحني مره و قالي حبيبتي أنا ما أحب أفطر،، أحب أطول نومي بدل ما أقوم و أفطر
يحب يقوم و بسرعه دش و لبس و يدخل يبوسني و مع السلامه و كله خلال 15 دقيقه،،
بس التغير الوحيد إللي أنا و هو ما نستغنى عنه هو قبلة الصباح، إذا صار وراح على عجله و ما باسني، يتصل أو يرسل مسج بعدين و يتأسف
الشي الثاني،،حكاية المساج،، أنا أحب شي إسمه مساج،، لو أنام و اصحى عليه ما يكفي
أما زوجي يكره المساج،، يدغدغ منه،، و ما يرتاح أبداً،،
بس يحب أمسج له رجوله و خاصة لما يرجع تعبان من دوام طويل
كمان حكاية النوم،، زوجي يحب ينام و أبداً ما يشبع منه
بس بصراحه اعذره،، لأنه دوامه مره متعب و كمان فوق هذا رجع للجامعه
أحب ما عنده إنه ينام و ما أحد يصحيه حتى لو يموت جوع
بس مع كل هذا ما أشوف أي شي سلبي فيه،، يعني يشتغل و يتعب فيحق له في ساعات فراغه
ينام و يرتاح و لا يسوي شي،، يحق له يقضي يومه كله في كسل
بس كمان مو إنه ينسى إن له زوجه و محتاجه منه إهتمام و محتاجه إنه تتكلم معاه
مو ينسى إن حبيبته مستنيه يوم إجازته على أحر من الجمر بس عشان تشبع منه
مو ينسى إن عنده عيال كمان محتاجين يلعب معاهم و محتاجين يعلمهم أشياء و محتاجين يشوفوا قدوتهم
فأنا متفهمه جداً لمشاعرك حالياً،، لأني مريت فيها أول أيامي في الغربه عند زوجي
كنت أحس في غربه داخل نفسي،، إنطوائيه و كئيبه،، و الوحيد إللي كان مفروض يكون سند و معاون
كان مشغول يأمن لنا لقمة العيش،، كان يشبعني فلوس وهدايا و أشياء ماديه،، كأن الفلوس و الأشياء راح تسد تعطشي له
كنت عايشه في فراغ مخيف،، ما عند شي اسويه،، أدقق في تصرفات زوجي و اركز على مساوئه
كنت أشتكي له و أقول إنت تغيرت، ما عدت تهتم فيني و و و ،،،، كان يتفهم و يحتويني و كل شي
بس في يوم إنفجر فيني و قال ما فكرتي تلومي نفسك،، ما فكرتي إنه إنت اللي تغيرتي مو أنا
كلامه كان مثل الصفعه في وجهي،، بس من بعدها بدأت بنفسي و من يومها تغيرت و الحمدلله
الفراغ شي صعب جداً،، تحسي العالم كلها تمشي إلا إنتي واقفه مكانك
تحسي إنه مالك فايده،،
لازم يا روح تشغلي نفسك بشي،، أي شي،، لازم
هذا الحل الوحيد عشان ترتاحي و ما تدققي بتصرفات زوجك، و ايش سوى و ليش ما سوى
إنشغلي بنفسك بدل ما تنشغلي بغيرك
شكلي طولت،، بس حاسه اني لسه ما وصلتلك إللي ابغا اقوله
راح أرجع ثاني بعدين مع شوية نصايح و افكار يمكن تفيدك
15-04-2011, 01:54 AM
ضوابط المشاركة
العرض المتطور