بسم الله الرحمن الرحيم:

حالتي بيني وبين زوجي نيراااان الحيين
بقولكم السالفة وقولو من الغلطان .. وإذا انا الغلطانه قولو لي كيف اراضيه !

اولا:
زوجي مسافر مع امه علاج .. بتقولون وين المشكلة؟ المشكلة انه مو الوحيد لامه عنده اخوان وخوات واخوانه ساكنين بنفس الديرة اللي فيها امه
ماعندهم اطفال عقيمين يعني لا مسؤليات ولا شي ..

ثانيا:
سافر ولا عطاني مصروف ولا ريال الا قبل امس حول لي 400 ريال وهو مسافر من شهر ..

ثالثاا:
غير انه اذا كانت امه مو تعبانه يسافر لهاالديرة لحاله يومين ويرجع بحجه عندي شغل ..وانا اتم ببيت اهلي

رابعاا:
عمره مادق وسألني شلوني بس شلون البنت وانا اسأله انت شخبارك يرد بخير يالله مع السلامة ..

خامسا:
امس اتصل ورديت وقال عطيني البنية بكلمها وجلس يكلمها و سكر التليفون ودزيت له مسج ليش ماتسأل عني ومن هالكلام وملاحظة اسلووب هادي مجرد اسئلة . يرد علي كولي .......؟؟؟ يكفي ان ادق عليك وانت مجرد ماتسمعين صوت خواتي عندي تنهبلين من الغيرة !!

سادساا:
طفشت منه خلاص وقلت له اليوم والله مو مصبرني الا عيون هالبنية رد علي وقال انا قايلها لج وانتي حامل ماصبرني الا اللي فبطنج

سابعا:
اللحين اهو اهنااك لادوام ولا شي وفوق هذا يدق يهاوش وبس مقاهي ويودي خواته من مطعم لمطعم

ملاحظــــــــة::

أنا مامنعته من البر بأمه بالعكس والله احيانا اانصحه لو زعلها او صرخ عليهاا ولا عمري جبت سيرة خواته لا بالزين ولا بالشين ..
زوجي ماعندي مشكلة يروح عندها اصلا اهي مسكينة كبيرة بالسن وبالمستشفى يعني زوجي يروح لهاا فقط زيارة ويطلع ولو اتحجى بكلمة قال انا عند امي وهو جذااب

خواته مابي اظلمهم بس مبين غيورات وحقودات ودايم اذا جاء عندناا بس يتصلون ووينك يافلان ولهنا عليك وهو مايصدق خبر الا نهاية الاسبوع عندهم ولا ازيدكم اخته جايبه له هدية بلاك بيري عشان يتراسلون اهو وياها ومع هذا كله ساكته وابلع عبراات وضيقة .. واللحين متزاعلين عقب اخر مسج االلي اهو انتي من تسمعين صوت خواتي تغارين

أختي..

موضوع المصروف لا حق له فيه .. والمفترض أن يترك لكِ مصروفاً يكفيكِ طوال فترة غيابه.

ولكن يبدو أن النفس تحمل الكثير لذلك هو يتصرف بتلك الطريقة التي ذكرتِها.. ويبدو أن هناك تراكمات سابقة ومشاكل مع أخواته .. فأنتِ ترين أنهن غيورات حقودات .. وزوجكِ يرى أنكِ أنتِ التي تغارين منهن!!

__________________


اللهم طِيبَ الأثر .. وحُسْنَ الرحيل.

شكرا لج اختي
بس حبيت اوضح على كلامك :

تدرين ليش ريلي يقول هالحجي ؟ لانهن كبيرات تقريبا بالاربعينات ومتسلطات على ريايلهم وموظفات لهم باع طويل بوظايفهم و يصارخن على اخوانهم وياخذن حقهم وخصوصا ريلي يعني اذا تهاوش مع وحده منهم قالت له والله لاقول لريلي وريلي الخواف يسكت ولايتحجى ..

وبالنسبة للغيرة بقولج شغله :
والحمدلله يارب على نعمته انا اصغر منهم بوايد وأجمل منهم وعندي بنوته وهم كبار ولا يحملون سبحانه بقدرة الله اللهم لا شماته مايحملون الا بعلاج
واذا كنت عندهم اششوفهمم يتحجون بسلفاتي الباجيات شوفي شنو قالت وشوفي شنو لابسه وييع يحووم الجبد اصلاا لو تبين رايهم ولا كنه تعجبهم !! وعسى بس تيي حفلة الا يقولون لي فلانة وش بتلبسين واذا قلت لهم قالو لا وووووع كل مناسبة يصير جذي وبنوتج شنو بتلبس واذا خبرتهم لالا ييييع مو حلوو
وواالله والله ان لبسي بشهادة الكل ذوووق واحب اخذ راي خواتي وامي وكل يعجبه الا هم تتوقعين ليش؟؟

وهو مسكين اذا بشتري سيارة يدعمونه بجم ألف ويطير فيهم وياويل اللي يتحجى بخواته ويودونه مطاعم ويقولون له على حسابناا واهو ماااايصدق الا يودييهم
لأني مو وظفة !! وآخذ منه

معليش كلامي مو مرتب بس والله من الضيقة ماعرف شقول

اسمحيلي ... انت الغلطانه

انت ودك تطلعي الحق على مين بينك وبين خواته وللا ودك زوجك يعاملك بطريقة أفضل ؟؟؟؟؟

اذا ودك زوجك لا عاد تجيبي له سيره وحدة من خواته ولا حتى بنظرة عين ولا يبان على وجهك ...

تصدقين حسيت للحظة وكأنك تتكلمي عن ضرتك مو أخته ... تقارني بين جمالك وجمالهم وعمرك وعمرهم !!!

ودك زوجك ؟؟؟؟؟؟؟.. انسي خواته نهااااااااااااائيا ... عزموه ... عزمهم .. راح لهم .. كلمهم .. انت ما عليك فيهم . وقتها تكسبيه

__________________

الخطأ مشترك، والحل بيديك!

افصلي تماماً ما بين حياتك الزوجيّة وأهله وأخواته، حاولي قدر الإمكان أن تنصرفي إلى حياتك أنت وبناتك وهوَ .. دون مزجٍ ب أهله وأخواته حتى تصفو عوالمكم ، لا تركبي موجةً أراد أحد أن تركبيها.. ثمّ أن اثبات النفس أمام الزوج لا يحتاج " رسائل " على الهاتف أو " كلام " على الأثير، اثبات نفسك يكون باهتمامك بنفسك دون أن تنتظري منه اتصال ماً يسأل عن أحوالك ويستقصي أخبارك أو حتى تفرضي منه فرضا هذا الأمر لأنه حتى لو فعله فإنه لا يعنيه.. اهتمي بأمورك وانشغلي بنفسك ونجاحها وتعاملي معه برسمية ودبلوماسية طالما يتعامل معكِ بابتذال حتى لا ترخصي من نفسك أكثر بهذا التعامل معه فشعوركِ أنت أن لك قيمة سيشعره هو بذلك، اتصلي على أمه واسألي عن اخبارها بشكل منفصل عن زوجك بشرط أن يكون الباعث على السؤال حقيقي فهذا ما سيجعله حقاً يعيد النظر في تعامله مع زوجه وأم بناته ( أنتِ ) مع أمنياتي بحياة هانئة لكما.

أخوك.

__________________
........التوقيع مخالف.............

اختي اسمحيلي اقولك انك انسانه تحبين التملك

انتي تبين تاااخذين زوجك من اهله فهذا صعب عليك لان هذا لحمه ودمه

وانتي تقولين انه يسافر مع امه للعلاج وعنده اخوان واخوات فاضين ؟هل نسيتي ان الجنه تحت اقدام الامهاات

انا اعرف اخوان اثنين اشتكوا على بعض من شاان كلن يريد ان يعيل امه في بيته لانههم يريدون ان يردو بعض الجماايل لامهم ويبروها

الله يهديك بس للنفسك

انتم ماتقرون زين ؟؟؟؟؟

اللحين اقولكم ماعمري جبت طاري خواته ولااهله قدامه لابالزينه ولا بالشينة تقولون لي لاتسولفين عنهم !!

وانا اوضح لكم مكان زوجي عندي اهله وكيف خواته يذلونه بكم فلس وليش شايف خواته علي وانا اوضح لكم الفرق!!


ومن قال ابي افصله عن اهله ؟؟ بالعكس ماعمري سويت كذا لان عندي اهل واحس!! وانا اقول انه عند امه مو ينام عندها والا يتم عندها على طول لااااااا بس 5 دقايق يشوفها ويطلع للسوق او المقهى حتى دوام ماعنده

انا ماقلت ابي اتملك زوجي بس مو من حقي اعيش معه بالراحه ؟؟ مو من حقي يسأل عني ؟ مو من حقي يصرف علي وعلى بنته ؟ مو من حقي يشركني معه بحياته ؟ كل مره يسافر فيها مايكلف خاطره يقول تعالو معي؟ هذا المقصد من موضوعي
اتحدى وحده زوجها جذي وصابرة عليه تعبت من كلام الناس كل مرة يسافر فيها جذي ويتركنا بدون شي ويظل شهر

يا أختي هذا كلامكِ:

أسلوب زوجكِ ليس أسلوباً طيباً بدون شك .. ولكنني لا أتصور أن يقول مثل هذا الكلام هكذا بدون سبب .. لذلك افترضت أن هناك تراكمات سابقة ـ لم تذكريها ـ أوصلتكما لهذه المرحلة.

ثم..

أنتِ تقولين إنكِ لا تذكرين أخواته أمامه لا بالزين ولا بالشين .. وهو يقول إنكِ بمجرد ما تسمعين صوتهن تنهبلين من الغيرة .. فكيف يستقيم الأمر؟!!

__________________


اللهم طِيبَ الأثر .. وحُسْنَ الرحيل.

انتما مزاجكما متعكر و ربما هناك رواسب قديمة بينكما لا اكثر و لا أقل . فقط عليكما باعادة ترتيب علاقتكما

__________________
الحمد لله

الحق معكي انتي مهما كان انتي زوجته وستره وغطاه ليش يعاملك كذا ولاخوات اللي يقولن انتي الخلطانه هم الخلطانين لازم تطالبين بحقوقك كزوجه وام لبنته ماصارت رائحة جاي مطنشك لا حرام الله يعينك ويصبرك وسخر قلبك لك يارب وبعدين اتكلمي معاه وقوليله ابي مصورف خاصفيني انا وبنتي وابي اطلع اتمشى انا وانت والبنت سوا وذا مارضي كلمي اهلك وعلميهم وخليهم يساعدونك بس نصيحه اذا جيتي تكلمينه لا تجيبين طاري اهله ابدا وكمان اهلك بعد لو كلموه لايتكلمون عن اهله بس تكلمي عن حقوقك عليه فقط واتمنالك التوفيق.......